懷著ＢＢ朱的心路歴程 之「第一次聽心跳」

11月20日

第一次聽到BB朱嘅心跳，嗰一刻真真正正讓我知道真係有個小生命係我個肚裡面，嗰種感覺又開心又感動，啲眼淚好自然咁係咁湧出嚟，個心不斷係到讚美神嘅奇妙，嗰種感覺真係好難以形容。

我仍然好記得第一次聰到BB朱好strong同好大聲嘅心跳聲「服服服服服．．．．．．．」^O^

懷著ＢＢ朱的心路歴程 之「弟兄姊妹的愛」

尚未公開BB朱嘅日子

剛剛懷孕嘅時候，煮唔到飯，其一好攰，其二聞到同見到生肉都想嘔，加上我口味日日都唔同，所以好難預計究竟我想食咩，所以到時先算，知道想食咩先去買，嗰時朱先生好慘架，佢無得食住家飯之餘，仲係無得揀自己鍾意食嘅嘢（因為好多時我食兩啖就嘔或唔想食，所以佢要預備清哂我食唔哂嘅嘢．．．．辛苦哂朱先生．．．=P）。

同事加姊妹May知道我哋嘅情況後，佢好有愛心呀！特登晚飯煮多啲預埋我哋，仲有湯tim，佢pack好哂帶返公司俾我可以夜晚用嚟做晚餐，真係好多謝佢呀！加上佢都係過來人，所以好知道孕婦嘅口味，令我同朱先生唔駛成日食味精嘢，同埋食完我就可以即刻休息，在此向妳再say聲thank you呀！好窩心呀！^O^

當駱氏夫婦知道我有咗ＢＢ之後，佢哋offer每日收工都車埋我返屋企，其實佢哋早我放工架，但係佢哋都唔介意等埋我，真係好感動，如果唔係佢哋車我，我諗我係呢場落雪天都好辛苦先返到屋企啦！　真係好多謝你哋呀！

讓我，朱先生同埋BB朱好感受到弟兄姊妹嘅愛，同埋被愛包圍著！Thanks Our Lord!　讓我哋認識到好多好好嘅弟兄姊妹！　ＹＥＡＨ！^O^

懷著ＢＢ朱的心路歴程 之「入咗急症室」

11月9日

完咗崇拜，食完lunch，就返教會練歌，開始練歌之前，我開始肚痛，就即刻去厠所，肚好痛又去唔到，痛到一個地步標哂冷汗同有啲暈，好辛苦，但係如果我留係厠所咁耐會嚇親班team，所以走咗出去同班team講叫佢哋練住先唔好等我，我要辧大事（感恩係今次係Kathy領詩可以唔駛等我，唔係都唔知點算）

返入厠所，今次仲辛苦，唔但只肚痛仲嘔，嘔番成個lunch出嚟，後來終於去到厠所，去咗好多次，去到有少少虛脫好暈，好想打俾朱先生叫佢嚟帶我返屋企，但係個電話係出面，我又唔想離開厠所，卒之我係厠所渡過咗整個練歌過程，差唔多個半鐘頭，最後，我發現自己已經呵緊血，當時，我好驚唔知係唔係小產，我對住個厠所好驚好驚，勁祈禱，「哎呀！ 神呀！ 血呀！點算呀？ 我係唔係小產呀？？ 點算呀！」

後來朱先生接咗我走，返到屋企繼續係厠所渡過，一路都呵血，朱先生話送我去急症室，但係我死都唔去（因為急症室要等好耐之餘，個肚好痛所以我好唔想離開厠所，其實諗返起真係好危險，Soli BB朱同朱先生），直至到差唔多晚上11點，先肯去急症室（多謝Long俾咗個24hours　Nurse Line給我們，係個護士要我哋即刻去急症室）

去到急症室，真係好感謝神，無咩人排隊，又好快見到醫生（仲要係勁靚仔嗰隻，唔係剩係我覺得，連朱先生都覺得架．．哈哈！）啲護士又好nice同好照顧我，最感恩係BB朱無事，唔係小產現象，而係我用力過度出血，因為我食咗醫生開嘅止嘔藥，原來對我有好大副作用，令我呵過不停（開藥嘅醫生話個副作用只係會好眼瞓，但係對我會有咁大影響，大肚婆都係唔好食藥啦！！ soli BB朱 again)

其實好多謝一班同工們同有啲弟兄姊妹係背後為我同BB朱代禱，我同朱先生一入到急症室已經感受到神嘅Presence 係當中，亦好平安，多謝神保護BB朱，我同朱先生會更加小心照顧你／妳架！

懷著ＢＢ朱的心路歴程 之 「我有咗？？」

我諗以家已經好多人知道我有咗三個月BB啦！^^

（因為朱先生已經向外公佈，同埋牧師亦係祈禱會請弟兄姊妹為我代禱）

我亦都係到向大家介紹 ﹣我肚裡面呢位嘅小生命名字叫做「BB朱」（請鼓掌支持吓啦！哈哈=P)

等我回顧一吓我呢個傻媽咪點發現bb朱係我肚裡面先：

係九月尾開始，我成日覺得四肢無力，好攰好攰，做咩都提唔起精神，以為自己作病，或者之前太忙，得閒死唔得閒病，所以屈埋屈埋，又發燒又發冷，食咗啲感冒藥都無效，去到十月中，開始作嘔，一搭完巴士就嘔過不停，嘔到一個地步唔睇醫生都唔得，嚇死朱先生，所以即刻ＢＯＯＫ時間見醫生。

10月22日

去到醫務所，醫生問我今日揾佢有咩事，我話我好攰，同埋成日嘔，醫生即問月事嚟咗未？ 我話未呀！但係啲跡像嚟哂，但係仲未出到嚟，唔知係唔係作病延遲咗呢？醫生無回答我就企咗起身，叫我跟佢出去，然後係個櫃裡面拎咗個樽俾我，我問做咩呀？醫生話驗尿囉，睇吓你係唔係有咗，當時我呆咗一呆，跟住就去咗厠所去完成醫生要我做嘅事啦！

跟住等咗一陣，醫生再叫我番入去，佢第一時間同我講「恭喜哂！你有咗！」

我聽完醫生恭喜我，但係我嘅反應係「喊」

嚇死醫生，所以佢好緊張問我：「吓！你唔想要呀？無expect有架？」
我話唔係，只係無expect咁快有啫！　因為好多人都同我哋講，　起碼試幾個月至一年先有，　所以無諗過咁快。

無諗過咁快係其一喊嘅原因，　其二係好感恩，因為神賜我同朱先生一個小生命，　所以我一路由診所行番公司，一路係到喊一路祈禱感謝神！Praise the Lord!

我知道前面仲有好多經歷，我相信神會保守！^^

回來了！

去完香港台灣之旅，　終於返回加拿大啦！
係呢個trip裡面，因為精神問題，所以唔係太做到啲咩嘢，真係當休息relex吓！
不過最開心係可以用咗好多時間陪屋企人，同埋見到好耐無見嘅舊朋友同團友仔tim, 真係好開心呀！　

所以嚟緊會續一回顧，I miss you all!! 唔知幾時再見啦！

仲有會post返香港之前嘅生活點滴！

讓我諗起余子麟

一定要睇呢個video最尾幾分鐘（表情：花老爺ＶＳ花師奶），睇完之後立即令我諗起余子麟，因為佢同花老爺一樣，無論發生咩事(例如：緊張，驚，開心,唔開心），佢個樣都係無變架，哈哈!!


我諗我太掛住余子麟啦！ 哈哈！=P

快啲好番啦!

嘩! 今次真係病得好辛苦, 陰啲陰啲, 想發出嚟又發唔到咁, 由星期二開始直到現在, 仲好似越嚟越嚴重咁, 忽冷忽熱, 四肢無力, 又發燒, 喉嚨又痛, 講嘢又無氣, 呢兩日仲嘔tim, 諗住睇完中醫食完藥好啲, 但係又俾我嘔埋出嚟, sigh~~!!!

好需要你哋為我祈禱, 因為我呢個星期日要領兩堂詩, 好需要從神給我嘅能力及健康.
請為埋整隊team祈禱, Jocelyn又病咗, Kathy又啱啱好番啲, 求神保護一班musicians有健康身體, 唔好俾我哋傳染到啦!

請注意！ 請注意！

如果你哋有聽開霹啪959電台節目嘅朋友們要留意啦！

我哋嘅節目原本係逢星期日晚上11點去到12點鐘，但係由今個星期開始會改為逢星期五下午6:30至7:00同埋星期日下午5:00至5:30，兩個唔同嘅時段，想知道會講啲咩嘢，今個星期五同星期日扭開AM1320聽吓咪知囉！！^O^
(星期五放咗工或星期日完哂所有meeting，揸車途中，記住扭開收音機聽我哋嘅節目呀！^^)

ＰＳ：呢個調動係唔會影響係網上聽嘅朋友．．．．．

究竟咩廣告嚟架？？ ＞=(

What a terrible AD!!!
睇完呢個廣告,超興囉！！
所有人,千祈唔好學！！！！！！



生命嚟架，唔該珍惜吓啦！ 唔要嘅唔該做足防禦措施！sigh~~~

生日歌

今日奶奶教咗我同朱先生一首改編嘅生日歌，即係“happy birthday to you, happy birthday to you, happy birthday to ________, happy birthday to you!”嘅詩歌版，哈哈，我哋學識咗之後，成日係架車到唱，哈哈，睇吓下次邊個生日等我哋唱吓呢首詩歌版嘅生日歌俾佢聽啦！^O^

「無愁又無掛慮，前程在神手裡，

　神恩典夠你用，祝福添上一歲。」

會轉嘅香薰座

好多謝Kathy黃同細佬送嘅會轉嘅香薰座俾我同朱先生，　好靚呀！　You guys are so sweet!^^

我們這一家

近排我同朱先生好鍾意睇「我們這一家」這齣卡通片，差唔多每晚臨瞓前都會睇一兩集，因為唔駛諗嘢，咁可以舒緩我哋用咗成日嘅實實腦袋。

雖然啲公仔稱唔上靚（有可能你會覺得怪怪），但係會俾你有種感覺返番去以前卡通片時代（ie.叮噹,忍者小靈精，etc......)同埋睇到你會回心微笑架。

加上呢齣卡通片個family value都幾重，好多時個老豆做咗啲騎呢嘢,我就會問朱先生第時佢會唔會都係咁，而個阿媽做咗啲奇怪嘢，朱先生就會問我我老咗會唔會係咁架！哈哈,唔知呢？我剩係希望個樣唔好變成花師奶咁樣就得啦！哈哈！

不過,我哋就好鍾意佢哋對仔女，我哋會諗唔知我哋第時啲仔女會係點呢？？究竟係頂心杉，定係乖仔乖女呢？定係無仔女呢？

Anyways, 睇吓其中一齣先啦！（有廣東話版,但係我比較鍾意國語配音多啲^^）

朱先生又一爆笑之作

請各位睇吓以下幅相，你認為呢個係生菜定椰菜呢？

今日我叫朱先生幫我買個生菜番呢，我都驚佢唔知邊種生葉，所以我加多句要圓形嗰種，跟住佢話ＯＫ，咁,我就好放心等佢買，因為成日見我買都識啩。

當朱先生俾袋菜我嘅時候，我心諗厲害，唔單止識買仲識揀喎，重手先買，但係當我打開個袋見到個圓形嘅菜，簡值“Ｏ"哂嘴,跟住我拎個圓形嘅菜再問吓朱先生係咩菜嚟，佢話咪係生菜囉，你叫我買架麻，跟住有個路人毛（毛國寧先生）經過就話，呢個乜唔係椰菜咩？ 哎呀！連毛生都知係咩，點解？點解？朱先生,點解會咁嘅？？？^~^

朱先生話都係菜嚟嘅啫，我話你買嗰個係姓"椰“嘅菜,但係我要嗰個係姓"生"嘅菜囉！係好唔同架喎！sigh~~

我諗嚟緊我要煲羅宋湯先可以消滅呢個姓"椰“嘅菜啦！^~^"

完成之作

成日都唔記得咗post個完成之作tim!

由呢埋紙碎


變成呢一幅藝術之作


利害！　利害！^O^

oh...sorry!!=P

哈哈，多謝小曹生提醒，原來我無公開到個video俾大家睇，唔好意思！soli soli! ^O^

公開咗啦!! Here we go!!

1st AFC Leadership Training Program

今次第一次攪嘅Leadership Training Program, 真係要將榮耀頌讚歸番俾神呀！　亦好多謝各位弟兄姊妹嘅禱告support！神已經回應咗我哋為呢個Leadership Program每一個禱告，真係好感恩！

呢個program係starting from zero，因為我哋從未做過，對我嚟講真係好多嘅第一次，由要教啲咩，Pamphlet嘅內容，收幾多學生，點宣傳，interview學生，搵guest speaker, 全英文教學，plan整個program嘅timeline, set milestones要學生meet, 同埋coach一班學生，對我嚟講真係好多挑戰，令我又緊張又驚又喜。

最感恩就係，原本開班前得４個學生報名（呢個program最多收８個），我不斷祈禱求神俾多兩個學生參加呢個program，因為當中有training session and production session, training session我哋會教學生soft skills，例如：presentation skills, proposal writing, public speaking, leadership skills and etc, 跟住啲學生會係production session用番出嚟，work as a team做一個大project, 如果得４個人好難做到呢個project, 我想多啲人一齊學，多啲人一齊做熱鬧啲開心啲麻！

有人問我點解唔問神俾夠８個學生，我都唔知，有可能我小信啩，同埋我諗６個人都good size啫，但係到最後神竟然賜我７個學生（其實神賜我８個，因為有一個係媽媽迫佢嚟參加，而佢極抗拒參加，interview當日佢同媽媽都鬧得不愉快收場，最後我個別同個媽媽同埋學生講，我唔會迫個學生參加，如果佢想參加就自己填咗張報名表，係orientation嗰日我仍然會interview佢，但係到最後佢都無show up到），雖然少咗一個，但係仍然好感謝神，神所預備嘅多過我所想所求。

以家都上咗一堂training session and 一堂production session, 呢班學生真係好有自發性，好肯學嘢，好快已經熟落咗，年青人真係年青人，哈哈！

希望大家繼續為呢班年青人祈禱，透過呢個program,　可以俾佢哋了解自己更多啲（其實佢哋每個都好有potentials架，只係缺乏自信心啫），亦求神賜我智慧點樣coach呢班年青人，幫助佢哋發揮所長，亦可以從我身上感受到基督嘅愛，　升Ｑ！　升Ｑ！^^

期待已久????

哈哈！ 近排俾我係朱先生陪電腦揾番結婚時嘅slideshow，嘩！咁就結咗婚成年幾啦！
成日都話會唒番啲相俾人哋同埋burn隻slideshow送俾人，但係我成日都係到諗送咗俾人係唔係會睇架，　睇完一次咪擺埋一邊當垃圾，所以左諗右諗之後，跟住就無咗件事，　soli! soli!
所以我都係決定放係自己個blog,大家想睇就係blog到睇啦，唔想睇咪skip囉，幾方便，又環保！=P

upload上youtube個resolution原來係咁差架，清楚度簡值睇唔到邊個打邊個，不過，頂住先啦！唔知有無其他辦法post video係個blog到,而個resolution好啲架呢？？

Jodie & Alex's 777 Wedding & 778 Banquet night

換個態度真係好唔同架！

好有趣嘅Video

呢個video叫做“我阿媽係外星人”，唔係真係講阿媽係外星人，而係話阿媽好偉大，簡值係一個超人，所以我都要係到向所有阿媽致敬！

謎底解開

哈哈。。。。。。阿long好勁呀！　你估中咗啦！ 但係無獎, sorry! =P
呢個名正言順係「海綿刷」嚟架，可以用嚟洗碗同洗厠所都得，但係我真係唔捨得，因為真係好似綠茶蛋捲囉！

又一小玩意-第Ｎ篇

嘩！好好味嘅綠茶蛋捲呀！

嘻嘻，其實又係唔食得架，咁你估下咩嚟啦，下回分解！！^^

史提芬陳大駕光臨

噚日史提芬陳出城，係我哋新居留宿一宵，緊係無任歡迎，所以朱先生清理好客房，我就預備好床鋪，希望陳生唔會瞓到腰酸背疼啦！^^

佢仲召集咗胡氏及梁氏伉儷嚟到寒舍食一餐豐富嘅晚餐，緊係唔係我煮啦！有個大廚係到，一定要讓個廚房俾佢，哈哈，佢唔但止煮晚餐俾我哋享用，仲有佢自己整嘅甜品（我唔記得咗個甜品叫咩名，因為我剩係識得食咋，哈哈，講完都唔知咩嚟囉！=P)，唔單止咁，陳生仲幫我哋整番好個碎骨機，同埋從Seashelt帶咗啲新鮮花送俾我哋仲親自插咗幾盆花裝飾我個新居，嘩！簡直十項全能，好「勁」呀！！　真係多謝哂呀！！^O^

講起花，其實真係好感恩，又一次見證到神係少少事上都會供應，事原因為我知道星期六要請客，所以好想買啲花裝飾下個新居，由星期五開始一見到花店，即刻入去睇，但係揀來揀去都揀唔到鍾意，星期六同朱先生又去其他花店，但係始終都係揀唔到，跟住咪算囉，但係真係估唔到，當我見到史提芬陳嘅時候，我勁開心勁感恩呀！因為佢攞住好多花，話係送俾我哋，嗰一刻我剩係識得感謝神咋，真係唔知可以講咩呀，唔單止係咁，梁氏伉儷都送咗一盆好靚嘅花俾我哋，唔怪得買來買去都買唔到花啦，原來神已經預備咗咁多花俾我哋，簡直多過我所想所求，Praise the Lord!!

仲有我真係好覺得神安排舅父同史提芬陳係要做一對好朋友（或好弟兄）架，哈哈，因為當所有人走哂嘅時候，咁Ｑ我舅父打long D嚟講中秋節快樂，跟住史提芬陳緊係同舅父雞啄唔斷，咁就冷落咗我同朱先生啦！！

小別勝新婚

好多謝各方好友係我去咗staff retreat嘅時候，幫我關心同照顧朱先生，你哋真係好，一到放工時間，大家都會打俾朱先生睇下佢有無飯食，哈哈！朱先生話真係多謝你個ＢＬＯＧ啦！　不過，佢最終個幾晚都返咗奶奶到食，緊係啦唔怕我打Long D哦佢咩，哈哈！！

今次staff retreat，我只係記得每日早上10點鐘開會，開到1點，然後老細煮飯食，食完lunch再開會，開到差唔多6點，老細煮dinner，食完dinner再有一個討論時間關於"3 signs of a miserable job", 都幾得意架，可以反醒下自己嘅工作同反醒下自己。

就係呢３個signs啦！！　
1. Anonymity: 

We can't like what we're doing if we aren't known, appreciated, and seen for our uniqueness.
2. Irrelevance: 

We have to know our job matters to someone, even if it means our good work ethic makes our bosses life better. We must see a connection between our work and the satisfaction of another person or group.
3. Immeasurement: 

We have to be able to gauge our progress and level of contribution for ourselves. It needs to be tangible, and not a huge program that evaluates effectiveness every 6 months but something we can daily measure if we met our goals. If our success is based on the whims and opinions of others we can't feel in control of our own fate.　

係呢四日三夜裡面，唔知點解真係好掛住朱先生，尢其是最後一日，好想快啲返屋企，哈哈，有可能結咗婚之後，都未試過離開對方咁耐啩，都好嘅，小別勝新婚麻！！

出發去Whistler啦！！

噚晚完咗Annual Dinner，今日就出發去Whistler，唔係去玩，而係去一年一度嘅Staff Retreat，Plan 來年嘅方向，請大家禱告記念，升Ｑ，　升Ｑ！！

不過，我最擔心嘅係朱先生，因為我今次要去四日三夜，即係我三晚都唔係屋企，今次係結婚後第一次離開佢咁耐，本來我都放心架，因為而家同奶奶住得近咗好多，朱先生無飯食都可以去奶奶到食，但係好似上星期五，我要去女子gathering，佢同奶奶去買傢俬，我心諗順理成章，佢會同奶奶食飯，但係turn out自己係屋企食cereal就當晚餐，我問點解唔去奶奶到食飯，佢嘅答案係佢想返屋企所以買完傢俬就返屋企，我話食cereal就可以當一餐架啦？佢話可以喎！

sigh！話唔擔心就假啦！所以各方好友如果今個星期你有時間，幫我搵搵朱先生食晚飯啦！　好驚我返嚟會見到一個人乾係屋企呀！升Ｑ升Ｑ！　

Ｗorship Team Gathering

啱啱過去嘅星期一，好開心可以邀請到一班worship team成員們嚟到我家有個gathering時間，雖然有啲人嚟唔到（星期日先打電話約人嚟咋=P)，但係都有一大半人出席到，　已經好唔錯架啦，除咗食嘢之外，我哋有短短嘅唱詩時間，同長長嘅sharing時間，真係彼此多咗認識，thanks God!　希望我哋每一個係呢個team裡面不斷都成長，成為神合用嘅器皿，好好運用神賜嘅恩賜啦！！^^

（尚欠我哋嘅結他手煎ＰＡＮ，We miss u so much, How's your life in Cowgary ar?）

創意ＰＲＯＪＥＣＴ

好多年青人係上一次Jubilization裡面立志為神捨棄自己一樣嘢，佢哋將嗰一樣嘢寫係張flyers上面，然後放落碎紙機碎咗佢，之後我哋唔想掉咗啲碎紙，好想用番佢哋嚟remind班年青人係神面前所立志嘅。

好開心有班好有創意嘅義工幫手，令到呢啲碎紙變為一樣可以remind到人嘅嘢，佢哋真係好有創意，從設計到落手落腳整，都係佢哋自己一手一腳包辦，真係好勁，ＴＨＡＮＫ　ＹＯＵ　ＳＯ　ＭＵＣＨ！

如果你嚟ＡＦＣ，一定要欣賞呢個傑作，真係好掂架！廢紙變藝術，ＣＯＯＬ！^^

Proud of u guys!!!

ＡＬＬ ＹＯＵ ＣＡＮ 痾

上個星期四晚，幫完朱先生剪完頭髮，唔知點解突然之間好肚痛，然後一入厠所就個幾兩粒鐘，坐到腳都痺埋，然後再出出入入幾次厠所，　最後，真係去到無嘢可以再去，但係仍然好痛，於是我瞓咗係張床到痛到唔MOVE得，嚇到朱先生死吓死吓，諗住俾藥我食，但係原來我哋咩藥都有只欠「正露丸」，佢話車我去急症室，我話千祈唔好掂我一掂我又會好痛，我自己心裡面不斷祈禱，跟住痛痛下祈祈下就瞓著咗。

第二朝諗住無事，點知一起身又痛，又要再去厠所，又出出入入幾次，嘗試換衫返工，換到一半，唔得又要厠所，跟住都係要請假，好驚去到巴士站要去厠所點算，所以星期五就留咗係屋企到繼續出出入入嘅一天。

但係諗極都諗唔明，點解突然間肚痛，如果真係食錯嘢，應該朱先生都有事，因為我同佢食嘅嘢係一樣架喎，仲要係我煮tim, 到而家都係一個迷嚟架，我只係知道我好番係因為兩粒「正露丸」同不斷祈禱.　

雖然唔明白，但係仍然要感恩，　因為神醫治咗我，　ＴＨＡＮＫ　ＹＯＵ　ＬＯＲＤ！^^

皇天不負有心人

嘩哈哈哈．．．．．朱先生卒之買到Wi-Fit啦！！　（辛苦哂ＥＲＩＣ同ＥＲＩＣＯ不斷幫我哋搵呀，唔駛搵啦，我哋買到啦！　升Ｑ升Ｑ）

朱先生差唔多每日食完lunch就即刻去HMV呀, Future Shop呀等等邊到有可能有Wi-Fit買嘅地方都睇下有無得買，甚至每日係天車站接我放工之前，都要走去Wal-Mart呀，SuperStore呀逛逛先睇下有無，非常之有恆心，哈哈，皇天不負有心人，卒之今日係ＨＭＶ俾佢買到啦！　

其實我都好開心因為我都想要好耐啦^O^，嘻嘻，大家可以ＫＥＥＰ　ＦＩＴ　＠　ＨＯＭＥ啦！！

今日，我同朱先生每人做咗３０分鐘，大家都週身骨痛同散哂，如果日日做，我諗真係會減到肥架。 不過聽日肯定會好似俾人打完一身咁啦！

廣告時間

馬生隊ＢＡＮＤ隻處女大碟出世啦！

睇見佢哋用咗好多時間同心機去製造，咁有ＨＥＡＲＴ嘅年青人，值得支持下，加上隻碟都唔錯架噃，　＄１５一隻，　如果你鍾意聽英文ＲＯＣＫ嘅詩歌，不妨買隻嚟聽下啦！　

(如果有興趣，可以搵我幫你買架！！)

打鼓同學仔

今日朱先生同ＥＲＩＣ同埋ＥＲＩＣＯ學完鼓，上嚟食餐便飯，佢哋仲買埋禮物上嚟ＴＩＭ，初時我以為ＥＲＩＣ買燒味上嚟加餸，因為佢兩三點打嚟問我要唔要太興燒味，佢話ＭＡＫＥ　ＳＵＲＥ我無先買，我咪話無買太興燒味呀！我心諗點解唔買永合龍呢？？　太興好唔好食架？？

點知太興燒味原來唔食得架，原來係我最鍾意嘅ＭＩＮＩ食物囉，仲要係成ＳＥＴ加埋張枱，真係有啲唔好意思，一定好貴架啦，我諗住俾番錢佢，不過佢唔肯收，咁好啦，唯有下次再請佢哋上嚟食餐勁嘅，如果佢哋練完鼓而我又唔駛上門訓，次次上嚟食飯都無所謂啦！^^

食完飯之後，朱先生同ＥＲＩＣ勁玩Ｗii,　玩到癲咗係到勁叫，哈哈，好攪笑，唔記得影底佢哋嘅醜態ＴＩＭ。　而ＥＲＩＣＯ幫我手一齊整嗰個太興燒味同張枱，整好之後好靚囉！　多謝你哋呀！勁開心，我好鍾意呀！！^O^

家庭飯

卒之可以邀請奶奶同細佬上嚟新屋食飯啦！希望啲餸啱佢哋為口啦！　因為奶奶煮餸咁勁，唔多唔少都有啲壓力架^^

最開心都係細佬, 可以同朱先生玩Ｗii，仲自備手制嚟玩ＴＩＭ，勁！！

Life Coaching

近排睇緊一本關於“Christian Leadership Coaching"嘅書，因為我而家嘅工作開始向住Coaching呢方面進發，對我嚟講幾新鮮同幾有挑戰性，可以Coach一班義工，幫助佢哋搵到神係佢哋生命上嘅旨意同埋搵到真正自己，嘻嘻！個Dream都幾大，不過，有夢想都幾好，我知道我自己做緊咩同個方向係邊到，都幾有趣，我相信我會學到好多嘢同經歷好多嘢，請為我祈禱啦！升Ｑ升Ｑ！

我以前都對Coaching有個錯誤理解，就係一講到Coaching只諗到運動，打藍球呀，Hockey呀之餘此類，無諗過有Life Coaching呢咩嘢，所以一向唔太鍾意睇書嘅我，都買咗兩本關於Coaching嘅書嚟睇。

What is Coaching?
"Coaching is helping people learn instead of teaching them" 

"A coach is someone who sees you as made in the image of God and tells you the truth about who you really are." 

"A coach pushes you to think, to stretch yourself, to take responsibility for your life and get done what you know you need to do." 

"A coach is also someone who will hold you accountable, challenge you to live out your values."

"The essence of coaching is believing in people."

"Four Key skill areas in the coaching conversation: listening, asking, acting and supporting"

原來做Coaching唔係要give advises而係要學習點樣ask questions, 都幾得意嘅，唔同做Mentoring.

Mentoring:
"When I am mentoring, I'm teaching a person, letting him/her draw from me or learn from my experience"

Coaching:
"When I am coaching, I'm pushing a person to draw from his/her own resources and experience"

其實真係好難架，因為好多時都會用自己啲經驗去教道人，真係要慢慢去學，嚟緊可以有機會邊做邊學啦！^^

係ＡＦＣ到做發揮空間都幾大，我從一個唔知自己夢想唔知自己強項係邊度唔知自己有幾多潛能，透過同事們鼓勵同肯定，公司又肯俾機會我嘗試，加上神嘅帶領，開始逐漸都知道自己去緊咩方向，我要繼續努力呀！ 仲有排學呢！^^

回憶篇 （３）之 忙碌係會肥

由５月開始至到８月頭，不斷睇到自己開始越嚟越暴脹，係到到一個控制唔到嘅地步，個樣圓到呢，照爆鏡，個身肥到啲衫都著唔落，超忟憎，好多Auntie都走嚟問我係唔係有咗，連奶奶都走去問我啲朋友我係唔係有咗唔話佢知，哈哈, 攪到我有段時間都懷疑自己係唔係真係有咗囉，又或者係到諗橫掂都肥開，不如順理成章大埋肚算啦。＝Ｐ

初時我都唔係太明, 點解暴肥得咁緊要，後嚟先發覺原因係因為太忙（一連串幾百萬樣嘢同時間發生）好自然地俾咗自己好多無形嘅壓力，不知不覺將啲壓力透過食嘢嚟發涉，所以短短三個月暴脹得咁緊要。

而家生活開始back to Normal啦，所以自自然然瘦番啲，食少好多tim, 要back to 結婚時嘅身形，都要等下啦！我努力緊架啦！支持鼓勵下啦！嘻嘻^^

回憶篇（２）

７⺝３１日搬屋

完咗煎ＰＡＮ婚禮，就開始勁執嘢，每日都執到三更時份，攰到呢。。。

其實我哋唔係太多嘢架咋，但係太多「林嬸」嘢，真係要搵林嬸至攪得掂，　最後我哋索性唔理三七廿一將所有嘢掃哂落啲紅白藍袋算啦，不過，後果就係而家ＵＮＰＡＣＫ就好慘囉，　ＳＩＧＨ！！　無計啦！＝Ｐ

搬屋當日都發生好多事，當時就好緊張，但睇番轉頭，其實神好保守同要感恩。

一早起身同朱先生食完個大早餐，繼續執埋剩低嘅「林嬸」到爆嘅嘢，一邊ＣＬＥＡＮ　ＵＰ一邊等搬運公司嚟，點知收到銀行電話，話我哋係公證人到簽錯文件，要即刻簽過第二張，但係當時我哋又無ＦＡＸ機又無ＰＲＩＮＴＥＲ，都唔知點算，跟住我哋話即刻過去銀行簽，　但係幫我哋做ＭＯＲＴＡＧＥ嗰個職員去咗ＷＨＩＴＥ　ＲＯＣＫ到做嘢，攪到我哋超緊張，好在神賜我智慧，叫佢ＦＡＸ去我哋屋企附近嘅分行到簽，佢話ＯＫ，跟住我哋咪即刻走去嗰間分行到囉，點知佢哋個ＦＡＸ機唔知咩事，ＦＡＸ極都係白紙，等完又等，攪到好急呀！因為架搬運公司架車就到啦！因為佢一到門口，就開始計錢架啦，所以，我心裡面勁祈禱唔好嚟住呀唔好嚟住呀！＝Ｐ。

跟住我就收到搬運公司打嚟話我知一個超驚消息，佢話嚟唔到幫我搬，因為佢哋架貨櫃車嘅升降機壞咗，唔知整幾耐喎（當時我Ｏ哂嘴差啲當場嚇死），跟住佢話唔駛驚放心，我已經搵咗第二間同行去幫你搬，價錢一樣，佢問我Ｏ唔ＯＫ，我超無奈咁話「而家我有得揀咩？^_^"」  跟住佢係咁ＳＡＹ　ＳＯＲＲＹ話唔好意思，講完個驚嚇電話之後，個ＦＡＸ卒之成功ＦＡＸ到過嚟俾我哋簽，可以放下呢個大石。

跟住超快速咁返到屋企等唔知咩頭咩路嘅搬運公司嚟，佢哋都尚算ＯＫ嘅，除咗踩咗狗屎入屋唔認之外（超臭）。

係超唔知點算嘅時候，神已經不經不覺地咁保守咗我哋, THANK YOU!! =)

亦派咗三個天使幫我哋　﹣爸爸，奶奶同馬生，　謝謝你們呀！^^

　　　　　　　　　　　　　　　努力合力砌床中

　　　　　　　　　  多謝馬生新發現　﹣　露台開瓶器　

回憶篇（１）

好忙好忙嘅生活，卒之暫時有透氣位，所以，要回顧一下好忙嘅日子裡面究竟發生什麼事同片段。

７月２６日彭盈姿李永智大喜之日，　ＹＥＡＨ！！　十年長跑終於結束啦！！　進入人生另一個新階段，ＣＯＮＧＲＡＴＵＬＡＴＩＯＮＳ　ＡＧＡＩＮ！！！^O^

同埋好開心遇番好多舊朋友，ＹＥＡＨ！

忙! 忙! 忙!

真係好唔好意思, 因為近排真係好忙, 好耐無更新個blog, 忙完搬屋, 以家又忙預備教會summer camp, 等下啦, 隨時會update架啦! ^O^

「興」爆星期一

噚日由早上７：３０ＡＭ開始直踩到晚上十二點，攰到一返到屋企已經不醒人士。

今日星期一放假，原本安排咗啲節目，但係而家咩都做唔到啦。

「興」爆，多謝朱先生！！！！！！！ >=(

你係唔係一個"宅男"呢?

搵完"乾物女"資料, 以家(論)到搵"宅男"資料.

唔知點解一講到"宅男", 個個都會認自己係"宅男"一份子, 連坐我隔離嘅同事成日都話自己係"宅男", 究竟咩叫做"宅男"呢?

解說:
•頭髮散亂或是很油亮
•衣著簡單、不修邊幅
•喜好玩電玩及觀賞動漫 (有時候特指十八禁或是萌系，女性則是BL作品)
•講話與人不著邊際或不註重人際關係
•有收集動漫商品的嗜好
•有聆聽動漫相關音樂的偏好
•整天窩在家內不出門
•常用網路環境代替現實中的交友行為

哈哈, 睇完個description, 我明白點解佢哋話自己係啦!

測驗你的宅男指數！

你是宅男呢？還是型男呢？以下有16道題目，請選出你心中的答案，快來測試你的宅男指數吧～～～

計算方式：
16道單選題目，每題有4個答案，每個答案分數不一樣，請自行計算分數及誠實作答，測驗結果為所有答案分數的總合。

1．如果有機會和喜歡的女孩子單獨去逛街，下面哪一種情形最容易發生在你身上？
A. 不停的說話想將氣氛吵熱 (2)
B. 和平常一樣自然 (5)
C. 培養默契中 (4)
D. 臉紅＋傻笑 (1)

2．在你以往跟女生相處的經驗裡，當你和妳喜歡的女生獨處時，通常都是誰先開口說話？
A. 女生 (2)
B. 不一定 (5)
C. 自己 (3)

3．當你發現你衣櫃的衣服變少了，需要去買幾件新衣服時,你會如何選擇？
A. 只購買名牌 (3)
B. 隨便啦！(1)
C. 舒服最重要 (2)
D. 參考男性服裝訊息，朝型男之路邁進 (5)

4．你想要追學校的校花，她的追求者很多，如果你要約她去看電影，你會怎麼做？
A. 先以別的方式試探她有沒有出去的意願 (4)
B. 這次先不約，但還是會打聽她的消息 (2)
C. 競爭者多，表示我眼光好，還是開口約她 (5)
D. 既然這樣，還是不要約了 (1)

5．當你在大學舞會中看到一位正妹，你很想和對方說話聊天，你會採取什麼方式來撘訕她？
A. 向旁人打聽對方是誰，再看情況行動 (5)
B. 立刻向前和對方打招呼，自我介紹 (2)
C. 默默注視她,讓對方先注意到你 (4)
D. 迎新會都結束很久了，和正妹還是沒有任何進展 (1)

6．當你辛苦了一整天，還要被同學找麻煩，或是被老闆罵的狗血淋頭時，會怎麼作？
A. 頂撞回去 (2)
B. 當沒事，忘了就算了 (5)
C. 找好友出來當出氣筒 (3)
D. 大哭一場 (1)

7．在學校中你曾經被女生請去幫忙灌軟體、修電腦等之類的事情嗎？
A. 從來沒有過 (1)
B. 五次或以上 (5)
C. 五次以下 (3)
D. 只幫喜歡的人灌 (2)

8．在路上如果看到喜歡的偶像明星，你會？
A. 找出紙筆，趕緊請她簽名 (4)
B. 對她微笑 (5)
C. 興奮又緊張的不知所措 (2)
D. 一直尖叫 (1)

9．你對哪一類收藏品最有興趣？
A. 衣服、鞋子、帽子的服飾品 (5)
B. 項練、戒子、耳環之類的小東西 (4)
C. 藝術品 (3)
D. 公仔、模型之類的玩具 (1)

10．你對戀愛的感覺是？
A. 既期待又怕受傷害 (1)
B. 不喜歡談戀愛 (2)
C. 有也好，沒有也無所謂 (5)
D. 很好，我喜歡 (3)

11．下面哪一種情形最令你無法忍受？
A. 一個人獨處 (5)
B. 與人比賽 (2)
C. 被挑釁 (3)
D. 和一大堆朋友到處吃喝玩樂 (1)

12．你被女孩子拒絕的理由通常是？
A. 我們個性不合 (5)
B. 我已經有新男友了 (3)
C. 你是個好人，一定會找到比我更適合的女孩子 (1)
D. 我對你不來電 (2)

13．你喜歡哪一種類型的女生？
A. 有話直說、自我意識較強的個性女(5)
B. 說話溫柔、善解人意的氣質女 (1)
C. 既純情又淘氣的鬼靈精型 (4)
D. 身材火辣、天使臉孔的火辣女 (3)

14．在你最不忙、最清閒、最有時間的時後，你最常做的事情是？
A. 線上遊戲、看漫畫、睡覺 (1)
B. 看電影、聽音樂、看雜誌 (4)
C. 一個人上夜店、把妹、上聊天室 (2)
D. 運動、shopping、找朋友喝一杯 (5)

15．與你較為熟稔的朋友，他們是你？
A. 你在各處認識的人 (5)
B. 附近的鄰居 (1)
C. 同學或同學的朋友(3)
D. 相處很久才成為好朋友 (2)

16．當你約了一個你喜歡的女孩去看電影，看完後女孩問：「晚餐要吃什麼呢？」你會如何回答？
A. 妳決定就好 (4)
B. 因為不知吃什麼、乾脆不要吃 (1)
C. 我知道這附近有一家很好吃的餐廳 (5)
D. 都可以 (2)

請參考你的宅男指數：

６６分～８０分
哇哦．．．你是一個受歡迎又有人緣的男生，是個懂的享受生活的男生，對於任何事也都很有想法，現在的你不必擔心自己會成為宅男，反倒要留意，別讓女孩子覺得你太自我為中心了。

--------------------------------------------------------------------------------

５３分～６５分
別緊張、別緊張．滿還正常的啦，只不過你的個性在面對問題的時候，總是想太多，考慮太多，並喜歡追求平等，基本上，你並不是宅男，只有在悶時，才會有微量的宅男細胞出現，所以不用擔心啦！

--------------------------------------------------------------------------------

４０分～５２分
咳咳．．這位先生．．歡迎你正式踏入了宅男的宅門．．．您是一位新手級的宅男啦．．雖然沒有太宅．．還有挽救的機會．目前的你只是一腳踏進了宅男之門．．多多的出出玩玩吧．．．小心別跑進來囉！

--------------------------------------------------------------------------------

２７分～３９分
不用懷疑，你是一個大宅男喲，你喜歡一個人的世界，待在家裡的時間相當久，對自己喜歡的女孩子也不知道要怎麼去開口，還是上上網、認識新網友、上聊天室聊天比較好，這樣的你是不折不扣的大宅男喲！

--------------------------------------------------------------------------------

１６分～２６分
恭喜！恭喜！你已經到達了一種宅到無可救藥的境界啦！幾個月不出門，對什麼事都已經沒興趣的你，不喜歡交女朋友的你，只有待在家裡關在房間是最快樂的時間，真正的「宅王」就是你啦、、、、醒醒吧宅男………………


"乾物女"都有首歌, 我相信"宅男"都會有,原來真係有囉!

周杰倫 - 陽光宅男

咁都俾我搵到!

唔知henry係唔係講緊呢首呢??

"乾物女"

我諗大家都認識咩叫"電車男", 以家又多咗個電車男親戚 -- "乾物女"登場.

（因為嚟緊霹啪９５９會講吓咩叫"乾物女"，「宅男」等等嘅稱呼，係到搵緊啲資料，見幾得意，順手ＰＯＳＴ埋上網。）

"乾物女"是源自日本的最新流行語，意為已經放棄戀愛、凡事都說“這樣最輕鬆”的年輕女子。她們風華正茂卻無心戀愛，工作也還勤奮，但下了班不願意出門。假日，她們幾乎都躲在家裡睡覺，穿著高中時代的運動服，歪斜地躺在沙發上喝啤酒、看球賽或DVD，並認為這樣的生活就很幸福。

"乾物"在日語中指“曬乾的香菇、木耳”之類。顧名思義──乾巴巴的、沒有水分的女子。

明報都有講架！

2007年8月23日
【明報專訊】
日本漫畫文化影響力強，不時誕生流行詞彙，繼「秋葉男」、「御宅族」、「電車男」等奇形怪狀的族群出現後，近年又興起「乾物女」，「乾物」指曬乾的海產，泛指懶得談戀愛，終日屈在家中，毫無光采的女孩，十足鹹魚一樣乾巴巴。

以前日本女生以相夫教子為人生目標，勤力找對象，為此由頭到腳指甲都執到最靚，人前人後更要斯文有禮，但最近「乾物女」這種異類族群正日漸壯大，據電視雜誌訪問100名18至29歲的女性，結果73%受訪者表示覺得戀愛很麻煩，因為「太多束縛」、「令自己失去私人時間」等，所以為求輕鬆，逐漸變成「乾物女」.

不妨玩下呢個ＴＥＳＴ，你估你嘅「乾物女指數」有幾高？

□ 在家只穿膠筋褲如孖煙囪或運動褲
□ 放假時No Make Up, No Bra
□ 夏天才脫毛
□ 差不多半年沒去過美容院做護理
□ 回覆電郵既遲且短
□ 出門後才發覺東西遺漏在屋內，進屋不脫鞋但又要拈起腳尖直接踏進房間內
□ 煮完公仔麵後直接用鍋進食
□ 洗完後晾乾的衣服一直掛到要著時便穿上身，不會摺好收回抽屜或衣櫃內
□ 放假時喜歡在家睡覺多過出外
□ 最近一個月來，除了工作上遇到的異性，不曾談話超過十分鐘
□ 一個人去食燒肉去壽司屋去燒臘店
□ 毛衣已經起哂毛頭或者黏有貓毛
□ 鞋底穿了個洞照著出街
□ 不會買要熨的衣服
□ 開口埋口「是但啦......求其啦......好煩呀......」
□ 只有上樓梯時才會感覺到心臟跳動得很厲害
□ 不喜歡接觸陌生人，在現實生活中，如果沒有摸清對方的脾氣和個性，就不太願意與他做深入的交流，頻繁接觸陌生人會有不自然的感覺
□ 喜歡寫日志或日記，或用相片記錄自己的生活
□ 或多或少都會被人評論自己有點“悶騷”


選擇1~3個的乾物女指數是25%
有潛伏危機，只要無人看到的場合，亳不介意不修篇幅。

選擇4~8個的乾物女指數50%
乾物女預備軍。雖然記得自己尚是女生，不過已經不太記得起戀愛時的感覺。

選擇9~13個的乾物女指數75%
你已經放棄戀愛，對於你來說，戀愛太麻煩，太傷神，太惱人，人生還是簡簡單單的好。

選擇14~16個的是「百份百乾物女」
呀！搞錯，你已經不當自己是個女生，已經不可以稱之為「干物女」，根本就是一件干物。

哈哈哈哈, 做完個test, 原來我嘅指數都去到50%嘅，好在我已經結咗婚啫。

但係朱先生問咁結咗婚嗰啲係唔係叫做乾物師奶或者乾物婆。^~^

千奇百怪

世界真係好多奇怪嘢, 近排發現有個團體叫做"情侶去死去死團", 如果想知咩嚟睇下以下video就會清楚啲架啦!

朱先生係認真架！！！

吓！？　朱先生學打鼓，係真唔係呀？？　呢個係當朋友們聽到朱先生學打鼓嘅反應。

唔好咁大反應，朱先生真係認真架！！

之前馬生義務教打鼓，佢只收４個學生，我聽到呢個消息唔理三七二十一即刻幫朱先生報名，因為朱先生好想學打鼓好耐，我同馬生講朱先生一邊唱歌佢係拍唔到手架喎，一定會亂哂大（聾），ok唔ok架？？　佢嘅答案真係令人振奮，馬生話佢都係一邊唱歌係拍唔到手嘅人嚟架，所以叫朱先生唔駛擔心，嘩哈哈哈哈，我講咗呢個消息俾朱先生知，佢個樣唔係好信，但係又係到偷笑好開心咁喎，啲信心番返嚟，如果你睇到佢當時嘅表情，真係想打佢呀！哈哈！

有咁好嘅機會，所以朱先生無時無刻都係到練鼓，一有時間係ＡＦＣ練，係教會練，甚至用自己大脾練，啲同學仔都話佢進步咗好多，識打「袮真偉大」tim，真係要搵日ＪＡＭ　ＪＡＭ佢聽吓先。

見佢真係打得幾開心，工作壓力咁大，用音樂調劑吓仲可以發洩吓，都幾好呀！　學完鼓，仲可以同埋啲同學仔食飯，聯誼吓都幾開心，大家真係要多多支持佢呀！

朱先生，加油呀！！^O^

亦要多謝馬弟兄，義務教打鼓，令到我哋啲窮等人家有機會學，真係多謝哂!^O^

超爆笑, 但真係好勁呀!!

今日老細俾咗盧廣仲嘅video俾我哋班同事睇, 睇完再睇原裝正版, 個個都呆咗, 駛唔駛咁勁呀?? 唔知點解一邊聽一邊起哂雞皮囉.哈哈!!

我見到May姐post係個blog, 我都忍唔住要post啦, 真係好勁呀!!^o^ 不妨一看.

盧廣仲攪笑版本, 但都好勁!!


其實佢模仿緊呢位人兄, 超勁!!

朱先生７１０生日快樂

今年朱先生生日，我決定留番屋企食，因為之前成日都好忙，好耐都無煮飯，所以好想煮餐豐富啲，所以我落足心機煮架，今次好多新嘗試，例如南瓜湯，白酒三文魚墨魚麵（啲黑色墨魚麵係Seattle Public Market買架），如果失敗咗朱先生就慘啦，幾難食都要食哂佢啦！哈哈！

結果，用咗我嘅煮嘢食小聰明加上神保守，都ＯＫ成功架！仲整咗３Courses tim！我都要俾個「叻」字自己，哈哈，係唔係想死呢？？＝Ｐ

白酒三文魚墨魚麵配牛排同雞排

南瓜湯
小小生日蛋糕

梗係唔少得禮物啦，呢個係用嚟練打鼓嘅Gib Leg Practice Pad，朱先生想要好耐架啦，猛叫馬生幫佢買，哈哈，其實馬生幫我買咗好耐，係等到佢生日先送俾佢，多謝馬生幫我守呢個秘密（朱先生猛追馬生，攪到馬生要講大話先守得住呢個驚喜，辛苦哂！ 抵我咁鍚你..hahahahha^O^)

結婚一週年Portland Trip (July 5 - 7, 2008)

好開心過去嘅ＷＥＥＫＥＮＤＳ連同兩對ＣＯＵＰＬＥＳ(Mr. & Mrs. Lok and Mr. & Mrs. Cho)加埋隻狗去咗ＰＯＲＴＬＡＮＤ玩，好多謝駱先生同曹師奶ＷＥＬＬ　ＰＬＡＮＮＩＮＧ，令到我哋去咗好多地方玩，好好玩呀！　亦睇咗好多景點，沿路風景超靚，辛苦哂三位猛男ＴＡＫＥ　ＴＵＲＮ揸車，令我哋三位師奶連狗沿路都好好瞓，升Ｑ升Ｑ!!! ^O^

第一站：Seattle Public Market --> The Grotto, Portland

第二站：University of Oregon --> Florence --> Sand Dunes

第三站：Heceta Light House --> Sea Lion Cave --> Woodburn Outlet

如果你哋有興趣去嘅話，呢到有啲ＷＥＢ　ＳＩＴＥＳ可以幫到你架：

＊The Grotto
http://www.travelportland.com/visitors/visguide/pdx17.html

＊Florence
http://www.florenceoregon.net/attractions.htm

＊Sand Dunes (must go)
http://www.sandland.com/grouptour.html

http://www.florencechamber.com/business-directory/dunebuggy-tours-rentals.shtml
http://www.ridetheoregondunes.com/index.html

＊Heceta Light House (must go)
http://www.hecetalighthouse.com/

＊Sea Lion Cave (must go if u don't have allergy)