年終財政報告

嘩！原來今年駛咗咁多錢，無得儲之餘仲要倒貼，又要供樓供車又要俾車同屋燕梳，水費電費管理費，又要買奶同尿片供RESP，啲固定支出，已經駛咗我哋嘅大部分人工啦！之前仲俾咗無數份人情，下年返番工仲要俾Day Care錢，都仲未計其他雜費，哈！真係要慳得就慳，都好！睇到今年駛咗幾多，咁嚟緊就要睇餸食飯啦！

但係我又想返番工之前，同襯BB朱仲未到兩歲機票仲係唔駛錢嘅時候，一家人去旅行，去一個我哋好想去嘅地方，玩下同俾朱先生relax下（佢工作好大壓力，需要抖抖氣），因為下年開支又大咗嘅時候，去旅行就會變咗做奢侈品，等我好好PLAN下先。　

你想唔想試呀？

呢個係拉麵溫泉，你想唔想試呀？？

馬戲班訓練

BB朱半歲生日

嘩！嘩！嘩！BB朱咁快就六個月啦！今日係半歲生日，所以好想回顧一下ＢＢ朱六個月嚟嘅改變，由黑媽媽Tiny Baby Boy 去到白番啲嘅１５lbs大隻Ｂ。

６月６日出生

第１個月

第二個月

第三個月

第四個月

第五個月

第六個月啦　（半歲啦！！！！）

小朋友真係大得好快，六個月咋已經好唔同樣啦！真係要好好珍惜MAT. LEAVE時間，同佢影多啲相，望多啲佢，留意多啲佢嘅改變，返番工就無咁多時間啦！珍惜珍惜！

雖然半歲生日，但係我都買咗個蛋糕返嚟同幾個弟兄姊妹同ＢＢ朱慶祝，佢唔知發生咩事同無份食，哈哈！＝Ｐ　媽媽只想作個留念同Have fun下啫，一歲嘅時候，BB朱會有份食架啦！等下先LU！

今日亦係教會見到舊團友仔Cin Pan同Anthony，梗係要影張相留念下啦，下次再番嚟嘅時候，BB朱又大個咗好多嘅啦！^O^

自煮４之「韓國冷麵」

好早之前，我係梅園附近嘅韓國超市，因減價買咗兩包韓國冷麵試試，唔試過都唔知咁好食，又容易整同好好食，所以值得推价俾大家，只要自己再加紅蘿蔔絲同青瓜絲再加埋紫菜，已經係一個極品，當時減價＄4.99兩大包，超低，但係原來原價要成＄6.99 to 7.99一包，都幾貴，不過一包裡面有兩個麵架，試下都無妨啦！

ＢＴＷ，如果你喜歡食牛仔骨嘅嘩，你亦都可以係呢間韓國超市買，好抵架，平時切得好靚嗰啲更係好貴啦，佢有啲切得唔靚（其實都唔差架），一大包咁賣只售around $6.99, 你可以分到４餐食，正！^^

女人恩物（男人勿看）

啱啱同啲朋友仔講起係Daiso買到好多得意嘢，我就諗番起近排我就買到一支對各位女士都啱用嘅液體，呢支液體用來做咩嘅呢？

當女士們有女人嘢嚟嘅時候，唔多唔少會有漏網之魚係啲衣物身上，但係用好多方法都清洗得不太乾淨，如果妳有以上煩惱，呢支嘢就啱哂妳用啦，只要用少少，一刷乾淨哂，簡直新嘅一樣（誇咗少少）但係真係洗得好乾淨，不留痕跡，正！

Daiso有售，只需＄２plus tax.

ＢＢ朱開始食solid food

以家BB朱開始食solid food, 之前俾佢食rice cereal, 第一個星期試食，超唔鍾意食，跟住第二個星期開始慣咗，都算食得唔錯，由２，３啖直至以家10幾啖，已經好好啦！

以家開始俾其他嘢佢試，首先係紅蘿蔔，一食已經超鍾意，更係啦咁甜，第一次食，就食到咁啦！

食得more than I expected，之後幾次更係食哂啦，仲唔夠tim呀，大家睇下佢狼吞虎嚥個樣，超攪笑！^O^

自煮３之「香茅豬排檬」

之前Cindy Luu除咗教咗我哋整粉卷之外，佢亦教咗我哋點整魚露（用嚟食檬或食春卷個啲sauce)，同用香茅整雞或豬，學完更係返屋企試下，嘩！超掂，好好食，朱先生都讚好，（雖然佢未食過出邊嘅檬，檬咩味都唔知，哈哈！）但係我覺得似就得啦！^O^

好充實的一天

今日一早同Fiona, Vivian and Cindy Luu 去醫院探Zoey同豪哥個ＢＢ，去完之後我哋去咗Cindy Luu屋企食lunch, 佢親自下廚煮咗好好味越南粉俾我哋食，同教我哋整越南粉卷，超yummy, Fiona 同Vivian整得超靚，我包咗兩次都係唔掂，我都係無包嘢天份架啦=P。

跟住我哋有個好好傾計時間，亦俾我認識Cindy Luu更多，原來佢好funny 架，願神嘅恩典常與姊妹同在！^^

ＢＢ朱成日都無咩笑過，但係一同Cindy影相即笑，跟住仲同Cindy玩得好開心tim，難得！^O^

附上Cindy教包越南粉卷

9.1lbs Baby Boy

Congratz to 豪哥同Zoey, 生咗個9.1lbs嘅ＢＢ仔，what a surprised gift from GOD!^O^

因為照超聲波話係女嚟架，但係出咗呢原來係仔嚟架，哈哈，所以照超聲無話一定準，攪到Zoey同豪哥唔知點算咁，因為佢哋買哂所有ＢＢ女衫仔，改哂ＢＢ女名，所以以家仔仔仲未有名，要再諗過，同由頭買過哂ＢＢ仔衫啦，不過，最重要係生咗個健健康康好重手嘅大隻Ｂ，congratz again!^O^

奶奶生日

11月19日係無綫台慶，亦係奶奶生日，BB朱第一年同嫲嫲過生日，佢超興奮，見到個蛋糕勁搶，見到我哋食，佢無得食，勁係到嘈，哈哈，BB等到下年先食啦！^O^

同嫲嫲合照

𡃶啖嫲嫲生日快樂so sweet

同嫲嫲切蛋糕（好似唔多願意，haha^O^)

優質產後護理之家

wow...原來台灣有呢啲服務架，好似幾靚同幾好咁喎，專人服侍，地方仲好似酒店咁，好正喎！
唔知加拿大有無呢啲產後服務呢？
我係台灣嘅朋友１２月生完BB之後就會住呢度啦！COOL!!

http://www.unerse.com.tw/

BB朱第一次病

前幾日BB開始有少少咳，初時以為啲heat令到佢喉嚨乾令到佢咳，所以開咗部 humidifier等佢無咁乾，但係都無用都係越咳越勁，今朝仲咳到嘔奶奶tim, 所以即刻book時間睇醫生，但係好多都fully book啦，好感恩最後都俾我book到一間，不過要到下午４點鐘先有得睇，pray that BB Chu will get well very soon!

又會咁似嘅...哈哈ＸＤ

呢幾日天氣開始變凍，所以買咗個專笠carseat嘅cover俾ＢＢ朱，咁出街嘅時候就唔會凍襯BB啦！唔知點解好揀唔揀，揀咗個橙色俾佢，好似成個pumpkin, 超攪笑。^O^

但係我哋再睇真啲，mud咁熟口面嘅，好似一樣嘢， 諗嚟諗去究竟係邊到見過呢？？！！

多謝朱先生提醒，原來係同佢個朋友仔一模一樣呀....哈哈XD......又會咁似嘅..XP

食手指

而家ＢＢ朱開始好鍾意食手指公，我一見到就即刻拉返佢隻手指公出嚟唔俾佢食，但係佢好快又食返，我唔想俾奶嘴佢食，咁點先可以令佢唔食手指公呢？？

取消

原本今日同Vivian and Fiona可以去探Zoey同豪哥，但係豪哥病咗, 所以取消咗，求天父保守Zoey百病不侵，Virus遠離她。

希望我哋可以係佢生ＢＢ之前可以探到佢，俾啲十扑佢啦！

今年啲病菌好勁，身邊好多人都中招，知道西姐兩個仔女同Irene仔仔Matus病咗，仲有Ｍavis仔仔Lucas發燒仲未退，做媽媽一定好心痛，求天父趕走病菌，小朋友們快啲好返哂，保守各媽咪爸爸都有健康身體。

牙癢癢

自煮２之「煲仔飯」

近排天氣凍咗好多，食煲仔飯係最好時候，暖立立，正！

多謝細妹話我知係「昌利」有好「平」嘅煲仔賣，只售＄0.99，超平，我即刻買咁兩個，雖然唔係好大個，但係都好夠用，細妹教埋我點整，估唔到佢煮嘢咁勁，連煲仔飯都識，掂！^^

我第一次煮失敗咗，啲飯太淋，第二次煮就perfect啦，勁好味，食完暖哂！

ＢＴＷ，記住落姜呀！好食好多架^O^)

臘腸北姑雞飯

臘腸排骨飯

表姐與表弟

表姐BAILEY好錫表弟,每次見到表弟,都話要幫我餵佢食奶,連掉屎片都肯(真係好多屎嗰隻),仲要係自己問可唔可以幫我掉,真乖!^O^
加上佢每次想錫同摸表弟,都會問準我俾唔俾先去錫同摸,最攪笑當佢一邊摸表弟一邊會同我講我會好細力架唔會整襯表弟架，so cute! hahahaha..
又有一次表弟喊，佢即刻第一個去安撫表弟，一路摸住表弟塊面一路同表弟講唔好喊啦，如果安撫唔成功，即刻勁問我點算呀，超緊張，同睇得出佢好鍚表弟架。

表姐同表弟嘅相親相愛照片：

兩媽relax trip

剛剛個weekends，兩個阿媽（即係我同細妹）去咗Harrison Hot Spring到relax，讓啲男人照顧小朋友，不過，我都煮好飯煲好湯先去，可以讓朱先生安心照顧BB朱。

呢個３日２夜嘅package超低，包兩日buffet早餐同一晚four courses dinner（要著得formal啲)，超正，之前同朱先生去２日１夜無包任何嘢，所有食要自己俾，加加埋埋仲貴個呢次個trip,　加上３曰２夜浸得舒服好多，唔駛趕頭趕命，正！

如果無記錯呢次係第一次我哋兩姊妹一齊去trip, WE HAD SO MUCH FUN!!!

雖然無見朱先生同ＢＢ兩日，但係原來會超掛住佢哋架，所以朱先生同ＢＢ朱跟Ben Ben車入嚟會合我哋，然後我哋一齊逛逛同欣賞大自然，朱先生話ＢＢ朱太掛住我有一日無呵屎，所以一入到嚟，即刻送我一包好大包嘅黃金俾我，真係多謝哂，哈哈！ＸＤ

btw,　第一次貼超誇張眼睫毛，完全唔認得自己，朱先生話我似巴西人喎，哈哈！

BB朱偷食事件：
話說食早餐Buffet嘅時候，細妹幫我抱住ＢＢ朱，我就去拎嘢食，當我攞完嘢食返去，細妹勁係到笑，佢話我個仔偷食咗佢個牛角飽，唔知幾時ＢＢ拎咗佢個飽，（博）係佢膊頭到勁食，當我細妹發現嘅時候，佢已經成口成面都係麵飽碎連鼻哥Ｏ都有，食得超知味，細妹即刻搶返個飽，ＢＢ更係勁喊啦，之後咪餵奶奶佢飲，點知唔肯飲，推返出嚟，仲要扮作嘔好難飲咁，係都唔肯飲，更係啦，第一次食啲咁好味嘅嘢喎，仲要拎個咁油嚟食，跟住我抱住佢周圍行，行咗幾個圈，等佢唔記得咗，再餵佢飲先肯飲，真係俾佢笑死！ＸＤ

Tummy Time

每次BB朱TUMMY TIME嘅時侯一係勁喊,一係即瞓,佢超唔鍾意TUMMY TIME囉.
但係為咗佢練頸力,所以唔鍾意都要架啦,王天不負有心人,同朱先生努力扮嘢底下,卒之第一次TUMMY TIME唔喊啦,雖然以家都唔係太ENJOY,但係佢開始唔太抗拒啦!

以下係朱先生同BB朱嘅表演：

決定

我好需要天父俾我智慧說出合宜說話，但係我唔知可以講咩，所以我選擇做一個聆聽者，我相信今次真係去到一個要決定嘅時候，決定咗就無得返轉頭，換著係我我都唔知點決定，但係當我看見「她」靜靜地哭嘅時候，我的心痛了，在「她」身上看見我細個的影子，在妳身上，我看見「另一個她」的影子，我真的不想妳走上「另一個她」所走過的路，如果我係妳就知點樣決定，妳嘅決定會影響她一生，天父請看顧。

自煮（一）

之前煮過台式爌肉+酸菜+魯蛋,好成功,所以叫咗班朋友嚟分享,如果自己同朱先生食,一定肥C囉,都係少食多知味,所以好快KO哂,但係唔記得影相,哈哈=P

第二日LUNCH,見到仲有魯水汁,所以用啲汁嚟煮雞翼,配埋啲酸菜同蛋,咁就做咗碗台式湯麵,SO YUMMY^O^.

睡著了ＺＺzzzzzz

BB朱係嘈爆嘅飲宴當中睡著了，勁！可想而知佢有幾攰。=P

新小玩意 (二）

其餘我嘅新小玩意

牙籤人

沖茶器

新小玩意 (一）

近排成日上網買啲又平又好玩嘅小玩意，呢個係其中之一，係用嚟影相架，有少少無聊，但係我玩得好開心，哈哈，仲影咗好多怪異照片，小心有些不安呀，哈哈！=P