上個星期四晚，幫完朱先生剪完頭髮，唔知點解突然之間好肚痛，然後一入厠所就個幾兩粒鐘，坐到腳都痺埋，然後再出出入入幾次厠所， 最後，真係去到無嘢可以再去，但係仍然好痛，於是我瞓咗係張床到痛到唔MOVE得，嚇到朱先生死吓死吓，諗住俾藥我食，但係原來我哋咩藥都有只欠「正露丸」，佢話車我去急症室，我話千祈唔好掂我一掂我又會好痛，我自己心裡面不斷祈禱，跟住痛痛下祈祈下就瞓著咗。
第二朝諗住無事，點知一起身又痛，又要再去厠所，又出出入入幾次，嘗試換衫返工，換到一半，唔得又要厠所，跟住都係要請假，好驚去到巴士站要去厠所點算，所以星期五就留咗係屋企到繼續出出入入嘅一天。
但係諗極都諗唔明，點解突然間肚痛，如果真係食錯嘢，應該朱先生都有事，因為我同佢食嘅嘢係一樣架喎，仲要係我煮tim, 到而家都係一個迷嚟架，我只係知道我好番係因為兩粒「正露丸」同不斷祈禱.
雖然唔明白，但係仍然要感恩， 因為神醫治咗我， ＴＨＡＮＫ ＹＯＵ ＬＯＲＤ！^^
No comments:
Post a Comment