有啲Struggles

我知道我哋係神裡面每個人都有唔同嘅經歷, 唔可以將我嘅經歷套用係你嘅經歴上面, 因為唔會exactly一樣, 但係有時會類似, 大家值着分享自己所經歷互相support互相提醒, 但係唔可以challenge人哋係神裡面所經歷同所領受, 你無呢個經歷, 唔代表其他人無類似嘅經歷.

嘜我個經歷真係咁獨特? 獨特到無人會有類似嘅經歷?? 神只係額外咁祝福我?? 定係逼神俾祝福我?

年輕人無方向獨特嗎? 個心口掛住勇字就去做獨特嗎? 尋找自己嘅方向及恩賜而願意嘗試不同嘅事奉獨特嗎? 願意去事奉神,祈禱神就開路獨特嗎? 當你願意為神付出時間神會俾返時間你獨特嗎? 真係咁獨特?? 真係只有我自己先會經歴?? 無人有類似經歷???

個個都想好清楚知道自己恩賜係邊度, 個個都想好有方向同目標, 但係唔係個個都得架, 我都好想係讀書時期已經好清楚自己方向同目標同埋自己嘅恩賜係邊度, 但係好多種種原因, 唔係你想就有.

但係好感謝神讓我係成長摸索階段認識到神, 神亦不斷讓我認識真正嘅自己, 自己嘅方向同自己嘅恩賜, 摸索階段一定有失敗挫折, 呢啲失敗呢啲挫折係俾你去更認識了解自己及認識神, 如果你因失敗而放棄, 你會好辛苦咁係失敗當中兜兜轉轉, 如果你願意去面對願意improve, 你就會不斷有成長.

但係我真係有啲struggles, 講到我見證咁獨特, 我分享嚟會幫到人咩?? 幫唔到人做咩要分享??

如果好political correct咁分享見證, 我自問我未做到啦!

細妹加油呀!

嚟緊Oct 16嗰日細妹要做一個頸部腫瘤切割手術, 醫生話呢個手術會由面部開始割開, 所以做完手術面部會留有一條幾深幾長嘅巴痕, 聽完之後個個都覺得好驚, 一個廿幾歲嘅女仔面部留有巴痕喎, 其實我哋已經嘗試過好多方法(中醫呀, 專業私家醫生呀), 希望避免開刀, 但係都係無咩果效, 呢個瘤對妹妹都好困擾架, 個瘤不斷會大之餘令到妹妹面上面生咗好多好多暗瘡, 食到好清都無用.

求神幫助妹妹, 整個手術過程順利及讓細妹整個過程有神所賜嘅出人以外嘅平安之餘, 亦讓妹妹及家人看見神係一位醫治嘅神一位好愛我哋嘅神,一起經歴佢嘅大愛.

人用好多方法去救自己, 但係好多時都失敗, 只有神先知道咩嘢係對我哋最好, 要有信心加上順服!!

加油, 細妹! 家姐同姐夫會為你祈禱架!!

夢想可成真

好多謝做end send 呢個video出嚟, 真係好感人好有反醒

1)唔好咁快打沉自己嘅夢想
2)唔好因為自己樣貌唔出眾, 以埋沒自己嘅天份
3)唔好以貌取人
4)神賜俾人各人有唔同恩賜唔同嘅強項
5)敢於嘗試


聽講佢已經出咗碟, 嗰碟名叫做"ONE CHANCE"

朱先生部落重生啦!

嘩! 朱先生鋪滿蜘蛛網嘅部落重生啦, 真係荒廢咗好耐, 但係點解改名為"朱氏八卦部落"??

我諗我要重新估計我同朱先生有幾認識, 原來佢係咁八架??????...定係佢改錯名呢????..有點滴汗^^"

終於想起啦!!...哈哈

噚日, 有機會返番Douglas College(因為要為嚟緊係Douglas College Art Theatre 裡擧行Jubilization視察環境)

哈哈, 我第一時間就走去Douglas Food Court買我最鍾意食嘅spicy fries, 好耐無食啦, 好懷念!^^

當我去到Art Theatre嘅時候, 突然間想起一件朱先生為我做嘅感動事, 終於想起啦! 哈哈! =p

就係我係Douglas College Art THeatre畢業禮當天, 原來佢私底下invite咗好多弟兄姊妹嚟我畢業典禮(我自己剩係叫咗爸爸,Jenny同埋細妹,無邀請到其他人, 因為我覺得College畢業咋嫲, 又唔係大學畢業), 當我坐係台上面等接畢業証書嘅時候, 見到台下好似好多好熟口面嘅人, 但太遠啦, 唔肯定, 加上覺得無可能因為我都無通知過其他人, 點知完咗畢業禮之後, 好surprise見到好多弟兄姊妹係refreshment area嗰度食緊嘢, 佢哋個個見到我嘅時候都笑住咁講"係唔係好surprise呢?", 真係好surprise同埋好感動, 後來係弟兄姊妹口中知道朱先生係背後做咗手腳, 真係好感動! ^^

其實朱先生為我做咗好多感動嘢, 但係自己記性差, 真係會唔記得嘅囉, 就好似係shower party 嘅時候, 弟兄姊妹問起朱先生對我做過咩感動事, 當時答唔出諗唔起,卒之無講到, 真係對唔住朱先生啦! 所以我以後會嘗試記低每件事, 以免自己又唔記得咗囉.名正言順老人癡呆...嘻嘻!

終於有 777 污糟啲 & 朱先生嘅結婚相睇啦! ( Part I)

首先睇下接新娘時與家人影嘅相啦, 不過要分開幾次post上網, 耐心等等先!^^
會慢慢post嘅啦!

咁都得??

係余老闆個blog 到見到呢個好攪笑嘅video, 但係諗深一層, 其實好值得我哋反醒....me me me me??

我哋嘅生活同埋我哋嘅敬拜係為神???定為自己???^^"

It's all about GOD?? or it's all about ME??

(好想知係唔係真係有呢隻碟買架呢??^^)

Life of AFC

如果你想知道我係ＡＦＣ工作情況, 可以睇睇呢個comic slideshow, 呢個slideshow係九月九號嘅annual dinner播架, 好得意, 值得post上網同大家分享...enjoy 啦!^^

公主王子皇室婚禮

Congratulations! 公主同王子終於結婚啦! 祝你哋過着幸福愉快婚姻生活啦!^^
看見公主真的萬千寵愛在一生, 加上靚到呢...好認同魚羊話齋公主係我咁耐以嚟見到嘅最靚嘅新娘, 真係羨殺旁人, 啲相可以用嚟買廣告都得呀!

去咗咁多次婚宴真係好難先可以同到一對新人影相架囉, 今次又係影到一張咋! 好多相都係同朋友影, 影自己同埋影decoration...點解咁嘅?? 哈哈..可唔可以避免呢個縮命???^^....

Jesus of Vancouver "道在人間"晚宴

昨晚有機會同班同工們同埋兩間大學嘅CCF領袖去咗"社會關懷團契"一週年感恩晚宴, 估唔到見到Xavier, Keeley同埋Naomi tim.

係呢個晚宴信息好有提醒及好有反醒, 我係唔係仍然做一個唔急voice out 嘅基督徒? 我對自己住緊嘅community裡面認識有幾多? 知唔知發生緊咩嘢事? 我係唔係一個好鄰舍? 社會發生緊咩事? 影響唔到我就唔關我事? 係唔係真係影響唔到我??........

個講員今晚會有個中文培靈會"誰是我的鄰舍", 好想去呀, 但係要返團契加上今晚個週都好"正"唔想miss及其餘職員今晚有事返唔到, 所以一定去唔到囉, 算啦! 有失但係都有得, 因為我哋今個星期日pp959有機會訪問個講員, 希望透過呢個訪問俾我同大家關心多啲社會同埋點樣以行動去關心唔係齋講啦!

我有個感動, 希望可以邀請到社關團契講員去團契做workshop, 佢哋啲workshop啲題目好吸引好值得我哋關注, 不過今年週會編排好哂啦, 諗下有咩辦法先, 如果今年做唔到, 為有等下年新嘅committee決定啦!

記住凡事禱告

今日崇拜馬傳道嘅信息再次提醒我無論大小事都要禱告, 記得剛剛信住嘅時候真係咩都祈禱, 例如唔見咗嘢呀, 剪頭髮呀, 買嘢呀, 林林嬸嬸嘅嘢都祈一餐, 禱告就好似同好朋友傾計咁, 無所不談同成日問佢意見, 嗰陣時真係同神關係好好好好, 唔係話以家好差, 但係真係好多時靠咗自己力量先, 然後無辦法先搵神.
好似近排嘅小小經歷咁, 就知道自己係幾蠢. 之前我唔見咗詩班嗰袋, 裡面裝咗好多好多歌書同歌譜, 當時好驚, 唔見咗會好唔掂, 即刻周圍搵, 我搵唒教會每一個角落同埋教會lost & found囉, 諗來諗去都唔知去咗邊, 明明放係詩班櫃裡面無帶到返屋企, 問哂所有人都話無見過, 好擔心好擔心, 搵足成個星期都搵唔到,真係要叠埋心水被人鬧. 但係有一日, 突然間自己先發現我一路都無為呢件事祈過禱無交過俾神, 神係無所不能嘅神呢架嫲, 點解咁蠢唔交俾神呢? 我即刻認罪再將呢件事交俾神, 祈完禱第二日, 即返團契嗰一晚, 竟然俾我見到個詩班袋好lonely咁企咗係地庫厠所隔離, 到宜家我都唔知邊個放係嗰度, 唔理邊個都好, 好開心見返我嘅老朋友, 多謝神聽咗我嘅禱告, 亦好多謝神藉着這經歷讓我更加明白馬傳道嘅信息對我嘅提醒, 我會好好記住!^^

好心痛， 真的好心痛！

非常單親母 害殘三幼兒(星島)

(星島日報報道)年輕母親養兒不善，令三名最大不足五歲的兒子骨瘦如柴，歲半幼子更如只有如幼嬰般的十二磅重，直至幼子昏迷被送入屯門醫院，才揭發三童的地獄生活，他們全身薰臭，說話及活動能力遠差於同齡兒童．．．．．


4歲女人球千里尋親 (明報) 09月 09日 星期日

【明報專訊】將軍澳 昨晚上演一幕猶如粵語長片橋段的「尋親記」，一名男子突然接獲前度內地女友電話，聲稱早年為他誕女並送到其公司，男子到公司門外查看，果真見一名4歲女童在等候，大驚將她帶到將軍澳警署報警．．．．．．


小朋友佢哋係無顧架，你唔要就唔好學人生啦！ 唔該！請做好預防措施。
如果你係生架，請盡一點父母責任，ＰＬＥＡＳＥ！ ＰＬＥＡＳＥ！

咁又一個月啦！ ！

好耐無寫部落啦，噚日同啲團友仔講起好想ＫＥＥＰ住寫ＢＬＯＧ，但係無時間寫，如果有都用嚟瞓覺啦！ 哈哈，瞓覺大過天呀麻！ 不過,都好想同大家分享下近況，好！ 我會再嘗試ＫＥＥＰ住寫，多多指教！

同埋好想有啲時間整理下啲結婚相啦,好多人都問幾時有相睇,其實好想快啲整好啲相同埋多謝咭多謝衆親友及弟兄姊妹，請耐心等多陣，我哋努力當中，忍耐忍耐！

剛剛收到消息，朱先生親我返工買咗部ＷＩＩ，仲唔覺意買咗３個手制tim，（係唔係真係咁唔小心呀？？嘻嘻）我知朱先生好想買好耐嘅啦！ 我都等佢開心，不過,有兩個好重要嘅問題會問就係：
１）我哋屋企係有電視咩？
２）我哋有時間玩咩？

ummmmm......