懶人轉身三步曲

ＢＢ朱到以家７個月都唔轉身，初時以為佢仲未識轉，但係有幾次佢發忟憎嘅時候就俾我發現佢係識轉身，只係佢平時唔做啫，不過，呢個囝囝真係好懶，有Video為證架！唔知好嬲定好笑啦！

懶人轉身第一步


懶人轉身第二步


懶人轉身第三步

細妹返嚟啦！

細妹同妹夫卒之去完Long long long long honeymoon 返嚟啦！仲補影咗啲結婚相，都好靚呀, 同勁抵，只係$3000人民幣咋，仲送好多嘢tim，正！！　
妹妹一見到媽咪就狂鍚，跟住就吋步不離啦！哈哈！梗係啦，咁耐無見，以家妹妹生猛哂啦！

我同ＢＢ有好多手信，超開心，多謝太公送俾ＢＢ嘅衫衫，超暖呀！我最鍾意係對長boot, 估唔到都幾好睇喎，朱先生就得一罐Corn soup from Japan同一啲小食，都ＯＫ啦！一點心意麻, 不過已經俾我食咁啲啦.....ohohoh!....真係唔好意思囉..=P

攪到我都好想返香港，不過個trip應該要遲啲先得啦，因為計極都計唔掂條數，都係儲下錢先啦！我諗要等到返返工之後先可以去lu! SIGH!~~~

將傷痛化為動力

呢對夫妻簡值係超人呀！開法國餐廳，又開朱古力店，日日係咁做，佢哋唔係因為為賺錢而賺錢，而係將所有賺嘅錢去經營一間言語中心，去幫助有言語障礙嘅小朋友，尢其係專收低收入嘅家庭。

Babies

I really wanna watch this movie!!!

呢奪係documentary movie 嚟架，啲ＢＢ超可愛，睇完個trailer,好想睇囉，不過，要到四月先有得睇，到時一定會買DVD，期待！

卒之等到你啦「Mote Puyo」

"Mote Puyo"係唔係唔知咩嚟呢？？呢個係日文嚟架，即係「圓潤可愛」咁解。
我好鍾意睇嘅節目Kawaii TV近期講嘅題目係日本正興起圓潤可愛女士熱風，簡直啱哂我啦，哈哈^O^
瘦都興咗好耐啦！應該係時候興圓潤（梗係唔係癡肥嗰隻啦）啱哂我呢啲減極都仲係咁圓潤嘅人啦！....哈哈


今集的Kawaii TV和大家一起見證圓潤身材潮流Mote Puyo的降臨。今集，有兩位觀眾嘉賓，將會由平平無奇的胖少女，搖身一變，成為Mote Puyo潮流美少女！另一邊廂，又會和大家一起研究Mote Puyo，到底Mote Puyo和以往的「肥人著衫大忌」有甚麼關係？而席捲日本的Mote Puyo文化，除了衣服外，各界亦正在努力開發出其他各式各樣貼心的部件。

玫瑰疹

ＢＢ朱燒退了，但係出玫瑰疹，全身都係，除咗對腳，又加上出牙仔，所以成日發脾氣，樣樣都唔滿意，不過，都好感謝神，日頭點扭計都好，夜晚都瞓得好好，所以無嘢可以投訴，pray that he will get well soon la..做父母，我相信仲有好多挑戰係前面，努力呀！

附上ＢＢ朱精神時嘅鬼馬片段：

媽媽之歌

唔知我第時會唔會係咁呢？　我相信唯一唔同就係我會用中文，哈哈！ＸＤ


附上爸爸之歌

聖誕禮物

今年我無諗過收到朱先生嘅禮物，因為今年聖誕樹底下全部嘅禮物都係朱先生同ＢＢ朱架，我送咗兩對鞋俾朱先生，一對係用嚟返工，一對去飲，因為而家著緊嗰對個底見木啦，加上Boxing week sales兩對加埋都唔駛一對原價價錢，超底！

BB朱個份係朱先生買俾佢，係一個牛牛咕𠰠，BB朱超鍾意騎住佢，好攪笑！^O^

而我。。。朱先生俾咗個surprise我，佢竟然送咗個magic mouse俾我，我真係諗都無諗過，真係多謝佢，因為真係幾好用架，哈哈！^^

2009 滿有意義的聖誕及新年假期

好耐無update個blog啦！因為實在太多節目，所以完全無時間update, 好想記底好多嘢，但係當我想寫嘅時候，就唔係好記得啦，哈哈！記得幾多得幾多啦！

雖然今年聖誕好忙碌，但係我覺得過得好有意義，雖然放緊產假，但係神仍然讓我有事奉佢嘅機會，能夠係留學生Christmas Party幫手，English Christmas Sunday Service，及平安夜 church outreach dinner 獻詩，還有Christmas Day正日去咗唐人街Potter's Place 幫手唱Christmas Carol同派飯（我好想派飯，但係最後仔仔扭眼瞓，所以要離開）, 不過，美中不足，就係無咩時間同啲學生同食飯嗰啲人傾計，有可能好耐無做過咁Long day嘅嘢，所以每次完咗我都好攰，唔係好想講嘢，之後，夜晚瞓唔著，因為過度exciting, 哈哈！我都唔知點解咁exciting 囉！有可能係今年真係好實在話俾啲未認識耶穌嘅人知Christmas嘅真正意義啩。^O^

BB 朱聖誕造型

Christmas 同 New Year梗係唔少得parties啦！不過，25th晚嘅party大家都累到無力玩，交完換禮物之後，個個都謝了！不過new year個party好玩好多，因為個個瞓夠先嚟，仲可以玩到凌晨３點幾（因為係我屋企攪，所以BB朱可以準時瞓覺）.

Mother Goose Christmas Party

Christmas Party @ Lok's House

New Year Party

與Stephen Chan有個gathering

跟住分別27號同30號同妹妹慶祝咗兩次生日，第一次唔係好好嘅經歷所以唔多講，但係正日就好開心，見到妹妹開心，我哋都好開心！^^

表姐Bailey's Birthday Party

出牙仔

今朝BB朱有小小發燒, 跟住俾咗啲infant tylenol佢食, 同不斷抺身, 而家好好多, 卒之瞓咗覺, 希望快啲退燒, 如果仲唔退, 要帶佢去急症室check check安全啲, 請為BB朱祈禱,謝謝!

我諗BB朱因為出緊牙仔,所以發燒, 之前睇過啲WEB SITE同聽人講, 出牙仔嘅時侯, 又會發燒, 又POO POO好多次, 上個星期開始BB朱呵好多次POO POO同爆哂出嚟,日日要換好多套衫衫, 加上佢下面兩隻門牙仔開始好明顯要出嚟, 而家又發燒, 相信呢個真係出牙仔symptoms, 全中.

噚晚朱先生突然凌晨3點開始要ON CALL, ON到今朝11點, 所以而家兩仔爺一齊瞓緊覺豬, pray that 兩仔爺瞓完覺大家都回復狀態啦!