近排好多人接到啲騙子電話話你中咗獎, 又話個得奬名單已經係亞洲衛視登咗出嚟, 好多人睇咗知道自己中獎已經打咗上嚟領獎, 而你未打上嚟, 所以佢哋再通知你你已經得獎, 仲叫你快啲俾個銀行戶口佢過錢俾你, 中獎銀碼10至50萬元不等, 新聞都有講.
咁係個幾月前我公司嘅同事亦接到呢啲電話, 叫我哋小心啲, 佢報咗警備案, 亦係pp959個blog到寫咗個post提醒大家要小心.
當佢講完俾我哋知嘅同一天, 我就收到個電話, exactly 個同事同我講嘅一樣, 又話我中咗獎, 因為我已經有心理準備, 所以佢未講完 , 我已經話無興趣同話我唔明佢講咩(佢真係一輪嘴係咁講, 你好難插嘴架, 仲要係國語仲要帶點鄉音, 其實我真係唔係太明佢講咩!!???) 佢即刻話:你聽我講埋先...blah blah blah.....又一輪嘴係咁講落下...跟住我話我個電話要錢, 佢又話佢係用網絡打俾我所以唔駛錢....what??...XO....我呢個係手提電話係要計分鐘家..真係"bear"一聲...最後, 我唔再同佢糾纏, 我好決絕咁同佢講我無興趣唔好再打嚟啦, 好有禮貌咁講埋byebye就收線, 之後佢無再打嚟啦!
以為告一段落, 點知近排朱先生亦收到呢啲電話(仲打咗俾佢差唔到6, 7 次), 嗰個人仲俾埋reference #, 公司website同香港公司嘅電話俾朱先生, 講到似層層咁, 要prove佢哋無呃你, 今次話朱先生中咗四十幾萬港元, 朱先生話好在我預先講咗呢單嘢俾佢知, 唔係嘅嘩真係會相信, 同埋佢哋真係講到好吸引咁.
所以如果你收到呢啲電話, 要小心呀! 唔好受騙呀! 仲要決絕啲, 唔係佢會打無限次電話俾你架啦!
PS: 但係我唔明白, 點解佢哋會攞到我哋嘅電話, 仲要從香港中國打嚟加拿大(我諗仲有其他地方tim)去呃人...sigh!~~~..這世代...^~^
2 comments:
did those pple call you at ur cell? some bros and their frds/co-workers got their calls serveral times too ( hahha, all males!) i assumed that they would only call guys!
i think someone leaked out the list from fido or telus so that's how they get ur phone numbers...
LOL.. iam not that lucky to get a call from them so far.~
yes ar..call my cell ar..hahaha..may be she thought I was a male la..wahhahahhaa
Post a Comment