還我顏色

終於可以讀啲我鍾意讀嘅嘢啦，就係化妝啦，因為自己唔識化妝，所以想學識同自己化之餘亦都可以幫人化，同埋如果讀完呢個ＣＯＵＲＳＥ，自己真係有興趣而經濟許可嘅嘩，我會繼續讀落去，睇吓會唔會係我將來嘅副業，可以幫補下家計，哈哈！

今日第一日上堂，好緊張同興奮，好耐無讀書上堂啦，不過真係好耐無講咁多英文啦，好驚呀！開頭有啲唔慣，　但係無耐都ＯＫ啦，因為成日要同同學仔討論，傾傾下就慣咗啦。

第一堂教我哋搵返啱自己嘅顏色，無論著衫同化妝用啱自己顏色，我哋個膚色會顯得靚啲𠺢，著錯？！　你個樣會暗而失色囉。　

嘩！原來黑色唔啱我𠺢！今日先之知，會唔會太遲呢，成個衣櫃好多黑色啫！↑＿↑

呢堆就係我嘅顏色啦！