虛驚一場

多謝各位為朱先生嘅爸爸祈禱, 神垂聽咗我哋每個人嘅禱告, 朱先生爸爸第二次再照嘅報告出咗啦, 係無前列線癌架, 雖然係虛驚一場, 但係係好感恩架, 因為佢無事呀嫲(寧願虛驚好過有事!^^).

加上值著呢件事, 神令朱先生再一次思想佢同佢爸爸嘅關係, 清楚咗佢自己內心嘅感受, 請繼續為朱先生祈禱, 升Q, 升Q!

需要你嘅代禱

噚晚收到消息，朱先生爸爸驗到有前列線癌，今日剛剛做完ＳＣＡＮ，三日後會知道結果，我知道朱先生好擔心，　加上今個星期仍然係ＯＮ﹣ＣＡＬＬ，　佢好攰呀，　請為佢嘅信心同爸爸嘅健康祈禱，ＴＨＡＮＫ　ＹＯＵ！

Art Making Class

今日上咗第一堂嘅藝術創作班，初時都驚畫唔到嘢，多謝阿ＳＩＲ幫我哋ＲＥＬＡＸ（好耐未試過咁放鬆啦！）同鼓勵之下，到最後都成功畫到，雖然唔係好靚，但係好代表到我內心，睇下你明唔明我想表達咩？^^

第一堂所學到係：

1)　Relax
Ｗarm up = slow down and deep down

2) Attractor
Positive or Negative (日常生活有咩吸引你？ 點解吸引到你？）

還我顏色

終於可以讀啲我鍾意讀嘅嘢啦，就係化妝啦，因為自己唔識化妝，所以想學識同自己化之餘亦都可以幫人化，同埋如果讀完呢個ＣＯＵＲＳＥ，自己真係有興趣而經濟許可嘅嘩，我會繼續讀落去，睇吓會唔會係我將來嘅副業，可以幫補下家計，哈哈！

今日第一日上堂，好緊張同興奮，好耐無讀書上堂啦，不過真係好耐無講咁多英文啦，好驚呀！開頭有啲唔慣，　但係無耐都ＯＫ啦，因為成日要同同學仔討論，傾傾下就慣咗啦。

第一堂教我哋搵返啱自己嘅顏色，無論著衫同化妝用啱自己顏色，我哋個膚色會顯得靚啲𠺢，著錯？！　你個樣會暗而失色囉。　

嘩！原來黑色唔啱我𠺢！今日先之知，會唔會太遲呢，成個衣櫃好多黑色啫！↑＿↑

呢堆就係我嘅顏色啦！

舅父的信

凌晨4點鐘, 送舅父去機場, 雖然好眼瞓, 但係好想送佢機, 所以幾眼瞓都好, 都要起身.

去到機場, 舅父俾咗封信我, 我見到佢眼有淚光, 我知道佢好唔捨得我哋.

第二朝, 我打開封信, 我一邊讀, 我嘅眼淚不斷流, 舅父真係好錫我, 佢係我婚禮上嘅眼淚, 寫呢封信時嘅眼淚, 係封信上每一個字句, 佢嘅愛我完全感受到, 多謝舅父!

我以前嘅經歷, 係神俾我去成長俾我經歷佢, 所以先會有今日嘅嘉琪.

我知道係神去尋找你, 係到等待你返番佢嘅懷抱當中, 你係呢兩個trips裡面所遇見所經歴係神為你預備架! 神真係好愛你!...真係好Amazing!

多謝你封信同埋你對我工作嘅支持! Thank you and I love you, too!! ^O^

我舅父從遠方來 (第三天)

好感謝神呀! 神嘅恩典多過我所想所求, 我諗住舅父跟我返祟拜已經好開心, 估唔到連主日學都肯同我哋返, 真係感謝神呀! 亦多謝Stephen問舅父, sigh~~我嘅信心真小!=p

哈哈! Stephen叫我帶舅父去佢哥哥Caleb嗰班主日學, 但係我將陳偉傑嗰名同陳偉文嗰名"no"亂咗, 入到去見到Raymond Chan, 我就知我攪亂咗嗰名, 不過, 應該呢班係啱舅父多啲, 細細班, 可以多啲interaction, 我見到舅父都好留心, 同好主動問老師問題tim. Thanks GOD!

而舅父係崇拜當中都有得著,
舅父! 我知道係好難, 但我知道神會俾力量你去做到家! Pray for u always!(You know what I mean!^^)

COOL! 回應詩歌竟然係"恩典太美麗"!!^O^

之後同舅父嘆coffee, 買手信, 食晚飯....

我舅父從遠方來 (第二天)

Stephan一早帶咗我哋去食早餐, 嗰間小小嘅cafe叫做Thomas Haas, 係位於北溫, 佢嘅朱古力同Croissants好出名嘅, 但係真係好細間, 數數埋埋大約有十二個座位到啦, 我哋去到差唔多十點鐘, 已經 人山人海, 因為落雨嘅關係, 無得坐外面, 我哋諗住會無位坐, 要上車食, 不過當我哋order完嘢食, 就俾我哋霸到位, 真係神嘅預備呀, 俾我哋可以係個cafe仔裡面好好享受個早餐, Praise The LORD, 仲要啱啱夠我哋咁多人坐, 無多無少, God is good all the time.

嗰啲Croissants真係好好食, 真係無介紹錯, 有咸有甜, 任君選擇, 我仲買咗chocolate truffles, 帶返公司同同事分享先. 肥到呢~~~~..





















原先打算帶舅父西北溫一日遊, 但係Stephan收到電話Sechelt有得睇屋(佢二月會去Sechelt到返工, 所以要係嗰到搵屋租), 佢問我哋去唔去, 我哋梗係話去啦, 因為未去過, 所以想見識下, 俾我哋有機會去旅行之餘, 又可以幫下眼,又可以帶舅父搭船去離島逛逛, 一舉幾得, 掂!^^

同Stephan睇咗幾間屋, 跟住同佢去搵咗啲租屋資料, 然後再去佢將會係嗰到做嘢嘅store行下,
嘩! 原來佢哋嘅物價指數都幾高, Side Walk Sales好貴, 租屋仲貴, 不過, 嗰到真係幾"正", 因為去到邊都對住個海, 退休生活啱哂, 我諗夏天仲"靚", 真係無去錯, 所以我同朱先生已經約好Stephan夏天會去佢嗰到旅行, 好期待呀!^^


























去完Sechelt之後, 就返咗我哋屋企打邊爐, 飽到呢~~~~^^
(Stephan好勁呀! 打完邊爐之後,唔單止幫我還原屋企, 佢仲幫我清潔埋厠所, 地板, 廚房隆隆罉罉, 話!快到呀! 難而之信, 佢話如果俾多少少時間佢, 佢會將我屋企整到好似佢屋企一樣..^^..無話可說及無言感激!)

我舅父從遠方來 (第一天)

舅父去美國工幹亦特登回程嘅時候plan咗個side trip 嚟溫哥華探我哋, 短短三日, 已經好感受到神為我哋所預備同充滿恩典, 人所計劃無可能咁完美. Praise the Lord!^^

舅父係係星期五嘅中午落機, 而我哋每一個都要返工, 我同朱先生諗咗好耐都唔知邊個可以幫我哋接佢機, 最後, 神預備咗Stephan弟兄幫我哋去接舅父, 唔單止接機咁簡單佢仲預備咗間房俾我舅父住, 我初時覺得唔好意思嘅, 因為舅父又唔識Stephan, 好似無咁好咁喎, 但係好感謝神舅父又ok喎, 加上Stephan咁平易近人, 又咁talkative, 所以佢哋好快就friend咗, 所以舅父嗰三日都住咗係佢到, Hahahahhaa...Stephan真係好勁, 佢仲諗埋節目俾我哋tim.

落機第一日:

探訪AFC及同我食lunch
->
返Stephan屋企沖涼及小睡片刻
->
等到大家收工一齊出發食晚飯, Stephan已經預早定咗位食潮州菜, 好好味及好地道(原本想帶舅父返團契, 但係時間超趕, 去到食飯嗰都7:30pm啦, 所以無返到團契, 真係唔好意思, 累到Stephan都無得返tim)
->
然後去咗Stephan屋企傾計, 傾得好開心, 尤其是舅父, 笑到見牙唔見眼. 哈哈!^^

西人合味道杯麵

好多謝余老闆特地係Florada到帶咗個杯麵俾我（嘩！駛唔駛咁誇張，要係Florada帶返嚟呀??)，聽余老闆講呢度好似無得買嘅喎，　因為呢個味道唔係我哋成日食嗰啲嚟架, 係西人口味湯底 - creamy chicken soup，　幾過引，　所以叫余老闆買個俾我試試，　但係我仲未試呀! 因為我成日覺得食杯麵好似食陣風咁，所以要搵次ｌｕｎｃｈ無咁餓先食佢啦! 哈哈，　有幾何會無咁餓架，　污糟朱喎．．．．．^OO^

你哋有無食過呢個湯底呀？

Douglas Collage CCF - Reunion @ The KEG

好開心終於可以再聚一聚啦! 由Christmas約到開始新嘅一年先約到, 仲要係即興先出到嚟, 咁以後唔駛預先約好啦! 即打即出!^^

記得對上一次，　係係我結婚之前出過嚟聚聚，　話咁快又過咗六個月啦!

雖然今次無咗Chole(miss you so much), 但係有Karrie, 原本約埋Jenny架, 但係我無save到佢電話落新手提到囉, 唔好意思Jenny, 下次一定會預埋你!^^

預我所料, 我哋嘈到爆, 嘈到唔捨得走, 哈哈! XO 真係一個好開心bi li ba la嘅晚上, 返到屋企隻耳仲Wan Wan聲架, 利害!

下次再出嚟嘈過啦！

Bye Bye 提多團

十二月二十八号係我最後一次係提多團帶週會亦係最後一次係呢個團契聚會, 因為下年升去西拉團啦! 雖然仍然會係崇拜見到提多團啲弟兄姊妹, 但係我知道一定會有唔同嘅啦, 一路prepare個週會一路諗返好多提多團嘅嘢, 越諗越唔捨得, 所以好想盡自己能力同其他committee members攪好呢個party俾弟兄姊妹玩, 玩之餘係有meaning嘅, 初時都俾咗少少壓力自己, 要做到最好, 但神俾我知道如果連我自己都唔enjoy, 人哋點enjoy呢? 於是, 我開始放手, 祈禱交上俾神, 只係做我要做嘅就得啦!

結果出嚟效果幾好喎(我覺得咋! 唔知其他人點諗???)

Leyond 領詩好感動呀(我諗唔只得我受感動啩!^^), 亦未見過佢講咁多嘢, 但佢所分享嘅好能夠帶領弟兄姊妹投入敬拜, Thank u!

係點唱環節嗰到, 就辛苦cin pan, stephanie 同leyond啦, 完全無夾過就去啦! 你哋彈得好好呀! 係我, 有啲歌唔記得點唱, 真係唔好意思..嘻嘻..=p..
不過都幾好喎, 啲弟兄姊妹都有互點歌俾對方聽, 啲message都幾sweet喎!^o^

年尾梗係唔少得感恩環節啦! 見到弟兄姊妹不斷寫, 有啲寫滿幾張紙tim, 亦張整棵感恩樹貼得滿滿, yeah! PRAISE THE LORD! (不過我無咩時間寫, 所以超簡短, 梗係無咁少啦, 要慢慢寫先寫得哂^^)

最後有gift exchange時間, 大家好投入及超攪笑, 不過, 講到明唔可以買食得嘅嘢當禮物交換, 但係點解仍然有人買朱古力同餅乾???...^^"...唔通呢啲係唔食得嘅??~~~
Anyway, 其實已經進步咗唔少架啦! 哈哈!

整晚都好感恩亦好開心, 尢其事睇到弟兄姊妹咁投入, 真係好開心. Thanks GOD!^^

跟住一月四号晚我哋係提多團領完詩講完遺言, 就升去西拉團, 不過估唔到係提多團最後一次領詩竟然有咁多弟兄姊妹係到(之前好多時領詩時間都係小猫三四隻), 好! 係新嘅一年有好嘅開始, 願主大大祝福提多團!
















Hey, titus sisters & brothers,
I love ya and I miss ya!
I will keep praying for u!^^

再見啦! Titus Fellowship

Hello! Silas Fellowship

各位小心, 提防騙子!

近排好多人接到啲騙子電話話你中咗獎, 又話個得奬名單已經係亞洲衛視登咗出嚟, 好多人睇咗知道自己中獎已經打咗上嚟領獎, 而你未打上嚟, 所以佢哋再通知你你已經得獎, 仲叫你快啲俾個銀行戶口佢過錢俾你, 中獎銀碼10至50萬元不等, 新聞都有講.

咁係個幾月前我公司嘅同事亦接到呢啲電話, 叫我哋小心啲, 佢報咗警備案, 亦係pp959個blog到寫咗個post提醒大家要小心.

當佢講完俾我哋知嘅同一天, 我就收到個電話, exactly 個同事同我講嘅一樣, 又話我中咗獎, 因為我已經有心理準備, 所以佢未講完 , 我已經話無興趣同話我唔明佢講咩(佢真係一輪嘴係咁講, 你好難插嘴架, 仲要係國語仲要帶點鄉音, 其實我真係唔係太明佢講咩!!???) 佢即刻話:你聽我講埋先...blah blah blah.....又一輪嘴係咁講落下...跟住我話我個電話要錢, 佢又話佢係用網絡打俾我所以唔駛錢....what??...XO....我呢個係手提電話係要計分鐘家..真係"bear"一聲...最後, 我唔再同佢糾纏, 我好決絕咁同佢講我無興趣唔好再打嚟啦, 好有禮貌咁講埋byebye就收線, 之後佢無再打嚟啦!

以為告一段落, 點知近排朱先生亦收到呢啲電話(仲打咗俾佢差唔到6, 7 次), 嗰個人仲俾埋reference #, 公司website同香港公司嘅電話俾朱先生, 講到似層層咁, 要prove佢哋無呃你, 今次話朱先生中咗四十幾萬港元, 朱先生話好在我預先講咗呢單嘢俾佢知, 唔係嘅嘩真係會相信, 同埋佢哋真係講到好吸引咁.

所以如果你收到呢啲電話, 要小心呀! 唔好受騙呀! 仲要決絕啲, 唔係佢會打無限次電話俾你架啦!

PS: 但係我唔明白, 點解佢哋會攞到我哋嘅電話, 仲要從香港中國打嚟加拿大(我諗仲有其他地方tim)去呃人...sigh!~~~..這世代...^~^

兩歲啦!

十二月三十係妹妹兩歲生日! 唔經唔覺咁又大個咗, 睇佢啲手腳真係大咗好多囉, 不過, 瘦咗lu, 塊面無以前咁肥du du, 都好! 唔好學似大姨咁肥啦, 瘦啲靚女啲, 哈哈! 今次妹妹係麥記到慶祝生日, 嘩! 原來細妹同妹妹有咁多BB朋友架, 班小朋友好得意, 係咁玩個滑梯滑足成粒鐘都唔厭, 小朋友真係容易滿足, 真好, 希望大個都係咁就好啦!^^





* HAPPY BIRTHDAY TO BAILEY.....大姨 LOVES U SO MUCH!^^*















睇埋妹妹切蛋糕就要走啦! 然後拿拿淋返屋企換件衫再返去AFC, 因為夜晚有pp959 coffee house, 今次題目係"暗戀", 今次都唔錯喎, 大家都幾投入, 或者呢個係成長中會經歷到, 特別有感受! 我都約咗3個姊妹嚟參加, 好開心佢哋都有嚟齊, 今次我負責整嘢飲, 余老闆教嘅甜, 酸, 苦, 淡四款飲料, 應該ok啩, 都有人敢refill飲我啲嘢, 哈哈, 都出得吓大場面bor!^^
跟住完咗coffee house就返電台, 真係對唔住小榮子同余老闆, 講到一半已經靈魂出"hill", 唔知自己做緊咩同講緊咩, 哈哈! 真係唔好意思!

只係知道返到屋企一瞓落床已經不醒人事啦! 攰到呢......ZZZzzzzz