失驚無神做體操

加多個video, 超爆笑！又會無人投訴？？

我幾鍾意其中一個comment: "加油呀~香港人輕鬆下啦，少d批判多d支持。我覺得佢地做得好呀 。"

香港快閃黨

So Cool....跳完即散..當無事發生過...好正呀！哈哈

迷底解開啦！

我心裡面成日都有個疑問，點解ＢＢ朱瞓覺嘅時候動作多多, 上個星期迷底卒之解開啦！

話說朱先生上星期某日開完通宵工，返到屋企瞓咗係梳化到呼呼入睡，就俾我影到．．．．

話唔係佢個仔都唔得啦！　哈哈！　原來睡相都有遺傳架？？？！！　＝Ｐ

大隻Ｂ

ＢＢ朱好叻呀！　從５lbs嘅tiny boy 已經變成９lbs嘅大隻Ｂ啦，只係用咗個半月咋，就追返哂之前俾阿媽吸收哂嘅磅重，勁！！！（真係係媽媽個肚到無啖好食？？哈哈）ＹＥＡＨ！　You did a good job!!^O^　繼續努力！

在此送上出浴照篇(show吓啲肌肉先）

唔好影我啦！人家怕醜架

好啦！好啦！擺個pose俾你影啦！

我飛

安全降落

送多個pose俾你

我跳

似邊個多啲？？

朱先生

+

朱太太

ll

朱ＢＢ

朱先生生日快樂^O^

今個７月特別多慶祝活動，ＢＢ朱滿月，結婚週年紀念，今日就到朱先生生日，我哋近排支出大，所以朱先生提議去Denny's 到食Birthday Special (即買一送一），雖然啲嘢食麻麻地，但係都唔錯嘅啦，免費Dinner 喎！^O^

今日開始，朱先生亦有番個銀包用啦！哈哈！再次係到講聲生日快樂！

Also, 今晚週會係Praise & Worship, 個主題係「醫治」, Long time no worship la...so free singing songs to praise God and I could feel 「耶穌正在這裡」。But, I missed the last part coz I went to prepare milk for Jase =P

結婚二週年

估唔到結婚二週年，就有一個新成員加入我哋嘅家，welcome welcome!^^

不過，我哋結婚週年想二人世界，所以放低子希俾奶奶老爺照顧兩三個鐘，真的唔該哂，俾我哋有３個鐘二人世界時間。^O^

今次我哋揀嘅餐廳係係教會附近（近住Starbuck)，叫做「Ｓ」，之前我哋已經同啲弟兄姊妹想試下個Sunday Bunch, 但係我哋覺得貴咗少少，差唔多＄２０一位（自助餐型式），今次朱先生話試下個Dinner先喎。

啲海鮮幾好（朱先生話），但係個prime rib 麻麻地（我話），全晚最好食就係個甜品：Bailey Mocha Brulee, 一定要試，超正！

bread with vingear

tuna

our main courses

hazelnut chocolate cakeHighly recommend: Bailey Mocha Brulee (SOooooo YUMMY)

子希滿月啦!

不知不覺咁就一個月啦, 係呢個月嚟要多謝奶奶幫我哋煮飯, 煲姜醋同湯, 煲姜水俾我沖涼等等, 如果唔係佢嘅幫手, 我都唔會復原得咁快, 緊加唔少得要多謝家姐啦, 提供好多坐月嘅嘢俾奶奶, 而家個個見到我都話我好精神, 傷口都好番好多, 嚟緊就係積極收身啦!^^

今晚同奶奶, 老爺, 細佬, 爸爸, 細妹一家, 圍內食滿月酒, 都幾開心, 但係因為要照顧子希, 同大家掛住食嘢, 唔記得嚟張大合照, 真失拆, 所以臨走是但影咗幾張相, 哈哈.

(老爺特登從香港過嚟一個星期睇ＢＢ，仲帶咗好嘢俾ＢＢtim, 更加要多謝家

姐俾ＢＢ啲禮物，真係好啱駛，升Ｑ，升Ｑ）

其實係7月4日已經食咗一餐SURPRISED 滿月酒, 仲唔係我哋自己俾, 有點奇怪, 係爸爸請呢餐, 因為擺咗3圍, 有親戚同佢啲朋友, 我諗爸爸唔想我哋出咁多錢, 所以剩係同我講出嚟食餐飯, 我完全無expect係滿月酒, 當我去到見到紅雞蛋, 同收到好多禮物, 我同朱先生先知呢餐真係滿月酒, 哈哈, stupid us =P

跟住我同爸爸講俾番錢佢，而佢攬住我錫咗我一啖話：＂傻女！唔駛呀，爸爸我今日好開心呀。＂我聽完我對眼即充滿淚水，爸爸真係好錫我哋，ＴＨＡＮＫ　ＹＯＵ　ＤＡＤ　ＡＮＤ　Ｉ　ＬＯＶＥ　ＹＯＵ　ＳＯ　ＭＵＣＨ！^O^

BB朱的名字

JASE

我哋一路搵BB朱嘅英文名字係向住兩個方向搵嘅, 笫一, 要容易讀(希望長輩們都會識叫佢個名); 第二, 意思係"醫治"(呢個係神俾我嘅感動).

呢個名真係神賜給BB朱架, 因為經過轉接之間俾我哋遇到, 諗番都幾得意.

話説有日阿MAY心血來潮幫我哋個BB朱諗英文名, 佢話生仔嘅嘩就叫JASON啦, 因為JODIE + ALEX + SON , 而生女叫JOAL啦, 又係JODIE + ALEX, 聽完之後又真係好掂又容易讀, 但係我話我要個MEANING係"醫治"嘅BOR, 跟住阿MAY即刻幫我上網搵MEANING, 跟住我聴到阿MAY叫咗一聲, 我話做咩事? 佢話JASON個名竟然係"醫治"咁解, wow! 大家都好amazed, 跟本無諗過係解"醫治", 但係我又嫌JASON太COMMON(我都幾煩架=P), 所以都係心大心細, KEEP住先, 跟住睇下有無其他, 但係搵咗好耐都搵唔到, 差唔多放棄再搵架啦, 身邊嘅朋友好好, 見我唔搵, 就幫我搵, 跟住就俾阿LONG搵到JASE呢個名,

The boy's name Jase \j(a)-se\ is a variant of Jason (Greek, Hebrew), and the meaning of Jase is "healer; the Lord is salvation".

簡直COOL到爆, JASE原來係JASON嘅SHORT FORM, MEANING同JASON一樣, 又少人用, 又不失JODIE + ALEX + SON 嘅原意, 哈哈, 仲唔係佢. 多謝呢兩位ANGELS幫忙^O^.

朱子希

而改中文名, 更加毫無頭緒, 直至BB朱出世後, 先改到.

"子"字係朱先生改架, 佢話子字係兒子嘅意思之餘, 亦想記念係BB朱出世過程中神與我們同在, 因為朱先生話我生緊BB朱時有好多鴿子圍住我哋房嘅窗前, 當佢見到啲鴿子, 就知道神嘅PRESENSE係到, 神嘅手扥住整個生產過程, 令佢好放心, 所以就好想用個"子"字.

而"希"字就係我改架, 因為我想ＢＢ朱活潑嘅生命帶給身邊每一個人都充滿希望，就好似耶穌一樣。

朱先生話「子希」夾埋一齊嘅意思就係“In the presence of GOD, you could find hope”．

原來“Jase” 同「子希」個音幾相似，　有人問我哋係唔係特登改成咁，梗係唔係啦，佢唔發現我都唔知囉，哈哈！＝Ｐ

Happy Birthday to 爸爸同細妹

６月２２日係爸爸同細妹生日，佢哋係同一日生日架。

佢哋好好知我出唔到街同佢哋慶祝，所以就帶埋啲嘢上嚟我屋企燒烤，我就叫朱先生買個蛋糕同佢哋慶祝，ＹＥＡＨ，好開心好熱鬧，Happy Birthday again la..^O^

第一個父親節

６月２１日

朱先生第一個父親節

因為我坐緊月加上傷口未好番，無得出去食飯同佢慶祝，但係我又想同佢慶祝喎，因為第一年同第一次做爸爸，更係要賀一賀佢啦！

所以係一個星期前，叫咗Filin同Ken幫我係父親節當日買個蛋糕同外送，等我俾個Surprised俾朱先生，所以父親節嗰日朱先生有餐好食啦，因為佢成日投訴我坐月期間食嘅嘢超悶，無計啦，陪我坐月，我食咩佢食咩，哈哈！（真係要再多謝Filin同Ken幫手啦^^)

加上又多個Surprised, 就係西姐一家帶埋蛋糕同我哋一家慶祝父親節，

You guys are so sweet, 仲有帶埋木瓜湯俾我飲ＴＩＭ，多謝哂！^O^

BB朱出世之難忘的旅程 (3)

6月6日凌晨


我同朱先生預備瞓覺, 大家都好攰, 點知突然個醫生走入呢同我講要做C-SECTION (即係開刀), 我問點解呀, 唔係無痛分娩咩? 佢話唔得啦, 我同BB都開始有危險, 原來當佢哋加強咗啲催生藥, BB個心跳突然下降, 拎走啲藥BB心跳又回復正常, 所以BB係好唔鍾意啲催生藥, 伹係唔落又驚第二日我都未READY生得, 落又對BB有危險, 加上我開始流好多血同埋發高燒, 即開始有INFECTION, 所以要即刻開刀, 聽完要開刀, 個人開始震哂, 係控制唔到嗰隻, 我捉完朱先生係到喊, 我真係好驚, 我不斷問朱先生點解TURN OUT要開刀嘅, 我完全接受唔到, 個人不斷咁震, 震到開緊刀都係到震, 個痳醉師問我係唔係凍所以震, 我話我係驚唔係凍, 佢好好安慰我佢話15分鐘就得架啦, 相信我你雖然係清醒但係唔痛架, 跟住啲護士好好用好熱嘅毛巾包住我上身, 俾我CALM DOWN, 好啲無咁震, 如痳醉師所講15分鐘BB朱就出咗世啦, 啲醫生拎BB朱出嚟, 即話"IT'S A TINY BABY BOY, Congratulations"

朱先生同ＢＢ朱離開個手術房，而我就留係手術室攪埋啲手尾，點知一攪就差唔多３個鐘，　因為我嘅血壓突然下跌得好勁，從145下跌到得85, 加上我嘔到７彩，有可能啲痳醉藥太勁，所以帶咗我去特別病房觀察，直至我啲血壓回復正常，同埋啲痳醉藥過得７７８８先俾我返房。

返到病房都朝頭早啦，原來朱先生同ＢＢ朱等我返嚟，朱先生話ＢＢ朱無瞓過又無喊過等我返嚟為止，醫生話雖然得５ＬＢＳ（ＥＸＡＣＴ），但係好健康，感謝神。

BB朱出世之難忘的旅程 (2)

6月5日

到咗早上都仲未有陣痛, 朱先生打去醫院睇下有床位未, 但係仲未有, 叫我哋等電話, 一有床位即刻打俾我哋, 跟住我哋預備好包袱落定去richmond食早餐, 食完個早餐, 醫院就打嚟叫我入院.

醫生好快幫我進行催生, 叫我留係醫院3個鐘, 如果催生藥都未有效架嘩, 會叫我返屋企等, 跟住我話我住係coquitlam嘅喎,加上rush hour, 如果突然作動咁點呀? 跟住個醫生話睇下3個鐘後先再算.

跟住我同朱先生不斷祈禱, 求神俾我快啲有陣痛唔駛被趕走, 好快啲藥好強, 啲陣痛係密集式咁嚟, 超痛, 無幾耐啲陣痛已經5分鐘一次, 朱先生GUIDE住我呼吸減輕痛楚, 但係唔係好得, 實在太痛已經開始亂嚟, 護士見我頂唔順,叫我去淋熱水浴, 初初都ok, 但係啲陣痛越來越強烈, 開始淋浴都無用, 淋咗兩個鐘淋到肚皮都紅哂, 護士同朱先生扶我上番床, 我開始痛到哎, 一唔痛我就即刻瞓著咗(係唓哂鼻鼾個隻, 可想而之有幾攰), 一痛又哎過, 哎到口乾哂, 我唔知自己哎咗幾耐, 跟住真係頂唔順, 問護士要LAUGHING GAS, 我好快吸哂成tank, 啲陣痛越嚟越密, 連個護士都話呢啲陣痛應該好快生得(因有部機check住), 我當時好開心頂多陣可以生得啦, 嗰時應該差唔多痛咗12個鐘(因為我成日問住朱先生幾點.....哈哈), 跟住護士同我CHECK開咗幾多度, 點知剩係開到兩度, 簡直將我從天堂打入地獄, 我開始攬住朱先生狂喊, 不停哎仲要等幾耐先開到10度呀, 我唔生啦我要返屋企,喊到簡直傻咗(有可能你會覺得駛唔駃呀, 但呢個係我真正感受,我永遠都會記得) , 無幾耐, 因為醫生見我太攰同頂唔順, SUGGEST我打無痛分娩針, 打完之後 可以瞓覺等到第二朝先開始PUSH, 到咗呢個時候我咩都要, 快啲唔痛就得啦, 其實呢支針我最唔想打, 但係最終都打咗, 朱先生講番睇住我打呢支針都覺得好痛, 但係當時我嘅痛完全摭蓋呢支針嘅痛, 加上我睇唔到點打,所以無感覺, 打完呢支針, 我開始唔覺咁痛, 醫生叫我同朱先生好好瞓一覺, 儲足精神FOR明天PUSH.

BB朱出世之難忘的旅程 (1)

世事嘅嘢唔係你話咁就咁, 一心諗住背後有咁多人為我哋祈禱, 生產過程應該會好順利, 但偏偏神讓我哋經歷一個難忘的生產旅程.

6月4日

早上7點鐘穿羊水, 等咗成日都無陣痛, 屋企人個個打嚟叫我即刻入醫院, 因為穿咗羊水咁耐會對BB好危險, 但係醫生話唔需要入住, 佢話入咗去都會俾人趕番屋企因為根本就無陣痛未生得,本來我都無咩嘢架, 但屋企人真係好擔心, 所以差唔多夜晚9點10點到我哋去咗醫院, check清楚究竟係點, 個護士話我真係穿咗羊水, bb仍然係肚裡面好活躍, 同埋check過我真係完全無陣痛, 甚至一度都未開,所以結果如醫生所講趕我哋返屋企, 不過, 佢promise咗我哋如果第二朝仲未有作動, 就會幫我崔生, 因為穿咗羊水唔可以超過36個鐘, 所以安心歸家等待.