一間會令我笑嘅餐廳

今日唔知做咩，好炆憎，真係好炆憎，有可能有好多嘢諗唔通，唔知想點，總言之好炆，辛苦啲同事，食咗我好多黑面。ＳＯＬＩ！　ＳＯＬＩ！　如有得罪，　大人不記小人過呀！=P

朱先生太清楚我啦！　一見到我黑面，少出聲為妙，咩都順我意，仲陪我行街ＴＩＭ，然後帶咗我去一間會令我笑嘅餐廳ＴＩＭ，真細心真體貼！

呢間唔係咩高級餐廳，只係一間家庭式嘅餐廳，非常之“ＵＰ”“ＤＵＭ”，啲客食完走咗但係啲枱成日都唔收拾，總言之個餐廳係超亂，好有風格架，哈哈！　↑Ｏ↑　次次細妹去到見到咁都話好常幫佢收拾一下，哈哈！

不過啲嘢食唔差，都ＯＫ好食架，所以我屋企人同我同朱先生得閒就會去嗰到食，點解會令我笑係因為個老闆娘係一個冷面笑匠，佢同啲客同埋同員工啲對話真係好好笑，我同朱先生成日要忍笑忍得好辛苦

我記得有一次，佢新買咗架有一萬首歌嘅卡拉ＯＫ機，迫啲客唱歌，嚇到個客走咗，哈哈！

每次我哋食完埋單，老闆娘都會問要唔要飯呀，整盒飯俾我哋番屋企預備聽日嘅ＬＵＮＣＨ，如果你話唔要，佢會話你唔駛食ＬＵＮＣＨ架？？　

如果你食唔哂打包，無論係你打包嘅係意粉，係炒麵定係湯粉，佢都會照問你要唔要加啲飯，如果你話我呢盒係意粉嚟架，但係佢會好認真話無問題架，一樣係咁食之麻，好無奈，但係真係好好笑。

今日佢同啲員工對話都好精彩，但係唔係好出到街，但係老闆娘勁可愛！

如果你唔怕咁亂嘅餐廳，　不妨一試！^^