朱先生一連串趣事三則

第一則
上個星期六，同朱先生落咗唐人街食ＬＵＮＣＨ，跟住行逛咗一陣，就去停車場拎番架車，出停車場嘅時候，要俾張飛個工作人員，然後俾錢先走得架麻，朱先生好快咁係個袋到拎張飛俾收錢阿姐，跟住阿姐同朱先生講：「先生，你俾錯飛喎！」，唔睇由至可，一睇笑死咗！ＸＰ　原來佢俾咗張巴士飛阿姐囉！　哈哈哈哈．．．．．．．死未！↑Ｏ↑

第二則
都係上個星期六，到咗夜晚，我哋約咗朱媽同朱弟係高貴林新開嗰間「圓香」食飯，朱先生就打去738-8888問下高貴林「圓香」個電話，一心諗住訂位加埋問下地址，738好快咁講咗個電話俾朱先生知，朱先生就好快地打咗個電話，但係響咗好耐都無人聽，我問係唔係未開門呀？　但係朱先生唔理我，跟住佢嗰樣開始面有難色，然後即刻收線，我問佢做咩？　佢個樣好迷忙，跟住佢話佢有可能有幻聽，我問點解咁講？　佢話個電話響咗好耐跟住飛咗去留言，但係個留言信箱竟然係屬於詩班指揮，我話唔係麻？？問佢有無聽錯？　佢話無喎，係指揮把聲嚟架，講埋個名同個姓，仲唔係？？
跟住，我再打去７３８問清楚個電話，原來「圓香」同「指揮」電話只係相差一個ＮＵＭＢＥＲ咋！　哈哈！　咁都俾朱先生打中！笑死！^O^

ＴＯ：指揮
如果你上個星期六有個不知明嘅ＭＩＳＳ　ＣＡＬＬ，應該係我哋嚟架，真係唔好意思！^^

第三則
食完飯之後，朱先生要夜晚返工由十點返到第二朝旱七點鐘，所以佢返唔到崇拜，而我第二朝領兩堂詩，一送完朱先生返工，　就走上床瞓，　當我瞓到唔知幾點嘅時候，一轉身，係床頭見到一個黑麻麻嘅人影企咗係度（無開燈同我無帶到眼鏡），有可能我以前睇得太多鬼片嘅關係，好自然以為係鬼（啲鬼好鍾意企係床頭或者床尾），當時我好驚唔知點算好，我唔記得有無祈禱（應該有啩），唔知係邊到嚟嘅勇氣起身好大聲問佢係邊個？？　
跟住佢答我：「我係你老公呀！唔駛驚！」
我話：「唔係喎，你話七點幾先收工架喎，以家幾點呀？」
佢話：「凌晨五點八囉」
我問：「咁你幾點放工？」
佢話：「五點半囉！」
我話：「哦．．．．．．」
（以上嘅對話，係一路摸黑進行，唔知點解唔開燈）
我心諗１０分鐘由ＤＯＷＮＴＯＷＮ返到屋企，搭咩車咁快呀？　其實心裡面仲懷疑緊究竟佢係唔係朱先生，不過實在太眼瞓，唔理住繼續瞓。

第二朝，一起身即刻睇清楚身邊人係唔係朱先生，ＴＨＡＮＫＳ　ＧＯＤ，原來真係朱先生。哈哈！^^

後嚟，朱先生話番俾我知，佢係坐咗一架亡命飛的返屋企架，佢好記得自己上架的士嘅時候係五點半，然後見住的士嘅錶板由開車到停車一路維持住90，所以只係用咗十分鐘就返到屋企啦！超驚呀！　感謝神，朱先生安全無事。