聖誕禮物

今年聖誕特別多派對, 及收到好多禮物, 好好玩同好開心, 今年啲禮物我都好鍾意好實用, 例如交換禮物換到嘅有fondu set, 有康寧煲, 有shake & ladder 酒杯棋, 朋友送嘅磁石,handcream同換換卷, 仲有朱先生送嘅backrest(好細心呀, 知我成日背脊痛, 所以特登買架, 升Q! 升Q!) 佢仲買埋部iMAC俾我tim (今次真係破大財, 買完之後勁同我講好肉痛, 哈哈,咁我哋之後要節衣縮食啦 =P)

* 過去幾年朱先生係聖誕節都無送禮物俾我嘅習慣, 所以今年我都無expect有禮物, 而我之前幾年有送聖誕禮物俾佢嘅, 反而今年我無預備禮物俾佢, 結果反常, 哈哈! 真係好surprised, 升Q, 升Q!!^^

雖然今年收到好多禮物, 但都唔及我已經收咗成12年嘅聖誕禮物(應該話二千年前已經俾咗我哋嘅聖誕禮物)咁真貴, 及呢份禮物影響咗我一生 -- 耶穌.

好多謝Corgi man係聖誕當日嘅早上及係好多聖誕派對嘅前夕, 為我哋預備咗一場敬拜讚美祈禱會, 提醒我聖誕嘅真正意義, 最感動我嘅係睇完一個"We are the reason" video clip (雖然個resolution唔係太高同埋只係用啲相片組成, 但都令我好感動^o^), 首歌成日係我腦海游嚟游去, 令我整個聖誕都好感動. Praise the Lord!^^ LOVE YOU SO MUCH!

如果你未睇過呢個video, 不妨睇下啦!

自煮聖誕餐

係上個星期嘅pp959裡面余老闆教我哋煮一個簡單而好好味嘅聖誕餐, 佢話唔識煮公仔麵都識煮, 哈哈, 講到咁易, 所以搵咗我妹妹, Bailey 同 Jenny嚟做白老鼠, 試下個聖誕餐, 但係最終個豬排焗衰咗(好似煲湯豬肉咁un)同埋唔夠嘢食囉, 睇少咗佢哋嘅食量tim.

ok 啦! 第一次整係咁嘅啦, 我相信經過今次嘅經驗, 下次一定會好啲架啦! 但係唔知點解近排煮咩衰咩, 唔得我要再練好我嘅廚藝先得.

不過呢晚都幾開心, 好surprised大家都預備咗禮物送俾大家, 又知道Jenny搵到份全職工作又有褔利, 咁佢就唔駛咁擔心經濟啦. 感謝神, 佢會供應我哋所需, 神係最了解我哋.








哈哈, 嗰晚又做咗件stupid事, 原先我同朱先生買咗一隻教小朋友講嘢嘅Dora DVD俾Bailey, Bailey好開心咁叫我開俾佢睇, 一開先知原來要controller先睇得同玩得, 真係"bear"一聲, 嘩, 原來而家細細個就教佢打機嘅啦???? 最後無得睇, sorry Bailey, 唯有再買埋個手掣啦! 我諗都唔平架 ^~^, 真stupid, 唔睇清楚就買!!...大....姨....

換換卷

剛剛睇完余老闆推介嘅台灣電視劇"換換愛", 都幾好睇, 同埋都幾sweet幾好笑, 亦會令你睇到好肉緊, 都唔錯! 首歌好好聽呀! 好表達到主角嘅內心感受, 真係無介紹錯呀!



唔知係唔係小榮子每次見我逢lunch time都追"換換愛", 所以佢送咗一本"換換卷"俾我囉, 哈哈, 幾過引喎! 呢本"換換卷"係for co-workers, 送俾我等於佢都受惠啦! 聰明!^^ 等我慢慢用先..嘻嘻...唔明我講咩, 請睇instruction啦!







多謝小榮子!^^

小小女子gathering

好開心邀請到幾位姊妹嚟我家食飯, 因屋企唔係太大, 每次只可以邀請4個人, 加埋朱先生同我, 剛剛好六個fit哂個餐枱, 原本邀請到4個姊妹架, 但係有一個唔得閒, 所以無嚟到, 唯有等下次再約過啦!

呢餐飯都幾開心, 有講有笑, 仲一齊整chocalate lava cake, 不過, 今次唔係照食譜整, 而係買咗一個package, 攪埋加隻蛋, 再拎去焗就得啦! 因為試過兩次照住食譜整都失敗咗, 唔想再失敗啦, 哈哈, 唯有出術啦!! 嘻嘻 =p 照住package做都幾成功, 不過甜咗啲同埋個cake生咗個大瘤囉, 哈哈!









原本今餐飯有埋朱先生, 但係見我哋全女班, 所以好通氣咁去約其他人出去食飯, 但最終病咗, 佢唔想傳染到我哋, 無join到餐飯, 跟住我煮咗少少粥俾佢食, 食埋藥, 瞓咗成晚, 感謝神, 第二日好番好多啦!!

你得唔得？？

勁！ 我哋講急口令都食哂纙絲，仲要唱喎！你得唔得？！

好有意義嘅一晚

12月7号晚, 我哋團契一齊去咗參觀位於北溫嘅"燈塔事工", 初時計劃係去參觀同埋聽佢哋負責人分享見證, 但去到之後, 好suprise同好感恩, 因為差唔多有九至十個海員係到等我哋, 仲要係從中國嚟tim, 因之前聽負責人分享話唔知道究竟會有幾多海員會出現, 每一晚都唔同, 要遇啱中國海員更加難, 但神俾機會我哋遇到呢班海員, 可以同佢哋唱詩歌分享褔音, 咁Q我哋又預備咗啲禮物俾佢哋(因為suppose上次去老人阮送俾啲老人家, 但係去唔成, 原來去唔成, 都係神嘅旨意嚟嘅^^), 之後我哋亦都有機會用我哋唔咸唔淡嘅國語同佢哋傾計，有時聽唔明仲攪咗好多笑話出嚟,笑死人啦，如果你有去你明咩事嘅啦，哈哈! XP.

雖然嗰晚無人信主, 但係at least做咗播種嘅工作, 真係好有意義呀! 願神祝福佢哋, 當佢哋遇到危險, 困難及寂寞嘅時候, 會想起袮係佢哋唯一嘅依靠袮係唯一嘅真神, 禱告袮, 尋求袮, 俾佢哋遇見袮.

PS: 如我所料, 好少弟兄姊妹出現, 只有十個嚟咗, 但我知道嗰晚我哋呢十個弟兄姊妹嘅經歴好難得同埋好有意義, 無嚟到嘅you missed a lot lu! ＾＾ (原本將啲相ＳＥＮＤ去ＹＡＨＯＯ ＧＲＯUP 嘅，但係ＢＯUND ＢＡＣＫ囉）

相片特別名謝Cin Pan同Jessie提供!

我的至愛－溫泉

12月4号係我同朱先生拍拖三週年紀念日，　加上近排朱先生升職加薪, 所以我攞埋今年最後一日make up假期, 同朱先生去咗Harrison Hot Spring慶祝一番，好開心住到一間我想住好耐嘅房，有咩咁吸引，　呢間係Walk-Out Room, 即係打開露台一行出去就係溫泉啦! 好方便.

雖然嗰日落大雨, 但係入到Harrison Hot Spring啲雪都未溶哂! 都幾靚架, 因為入到去真係好似仙境咁, 加上落住大雨浸溫泉都幾過引, 因啲雨水都幾冰凍, 所以係溫泉裡面坐耐啲都得, 好正!^^
























夜晚梗係食番一餐好美味嘅Dinner啦,雖然貴啲, 但係一年先一次, 慶祝喎梗係要食大佢啦, 哈哈! 啲嘢食都幾好味架. 雖然聽我唔鍾意嘅jazz, 但係聽聽下又ok喎, 嗰個人真係唱得唔錯, 一路食嗰餐, 突然間, 嗰刻覺得自己變咗上等人, 哈哈!

但係當晚發生咗一件幾好笑嘅事件, 話說我同朱先生係嗰間高級餐廳食緊dinner嘅時候, 坐我對面枱有一對外籍夫婦成日係到望住我, 餐飯食咁耐, 佢哋就望咁耐, 心諗唔知係唔係覺得我哋無錢俾定係覺得我哋著得無咁高貴? 食食吓都無再理佢哋lu. 食完飯周圍行下影下相, 今次最失敗係唔記得咗帶"差婆", 所以無咩合照, 無耐行行吓俾我哋再遇到嗰對成日望住我嘅夫婦, 佢哋好好, offer幫我哋影相, 影完之後, 嗰太太急不及代走嚟問我係邊個國家嚟, 我話係香港, 跟住佢同我講, 佢哋係餐廳裡面不斷討論我係係邊個國家嚟(又會咁得閒??!!^^")

佢哋首先估我係從菲律賓(咩真係咁似咩??連西人都話我似??^~^"), 但係見我啲頭髮有少少捲, 所以又覺得應該唔係(菲律賓人唔可以電頭髮嘅咩?? XP), 佢哋知道咗答案好似如釋重負咁, 好攪笑(梗係啦! 用咗成餐討論我係邊度嚟喎, 哈哈), 至後, 我哋寒暄咗一番, 原來佢哋嚟自德國, 都嚟咗幾十年, 不過, 真係唔好意, 我已經唔記得咗佢哋叫咩名啦! 因為係德文, 真係好難讀! ^^"

送舊迎新

送走咗張枱, 梗係要歡迎番一張新嘅枱啦, 唔係無得開飯.

因為屋企唔係好大, 所以我哋買咗張伸縮自如嘅飯枱, 可以由一人枱變為六人枱, 好開心慳好多位, 所以我哋可以買埋張梳化tim.

講到張梳化, 真係要感謝神, 因為要揾張fit到我哋屋企地方唔係咁容易, 加上又要平, 真係好難揾到, 諗過買二手, 但係其實都唔係咁平, 平又睇唔上眼, 睇得上眼但係價錢又貴, 當啲同事們知道我哋想買傢俬, 佢哋真係好好, 得閒就幫我睇下二手網站, 見到ok即刻forward過嚟俾我, 行街見到有平及幾啱我哋嘅傢俬, 即刻打俾我通知我, 感動到呢!~~~~ 估唔到放假都記得我! Thank you! 真係錫唒你哋啦! 嘻嘻!

最後經May姐介紹之下去咗一間叫liquidation world (以前聽過, 但無去過), 竟然俾我哋搵到又平又fit哂我哋屋企, 張梳化仲可以變床tim, 價值只係$100咋, 仲送埋兩個咕筍tim, 平到呢~~~~~, 嗰款都唔錯架(請看圖片)

雖然我同朱先生用咗4個鐘去整張枱同梳化,但係自己親手整嘅喎, 有好大滿足感囉! 辛苦啲都值得. (話時話張枱真係好難整)^^

以家間屋真係似番個屋企, 可以坐係張梳化到睇電視睇報紙, 好正, 好耐無試過! 仲要係我哋自己儲錢買架喎, 所以特別開心!

真係真係好感謝神, 神係最清楚我哋所需!^^