錫哂Bailey!!

唔好以為我錫哂樽酒呀, Bailey係我妹妹個囡囡, 佢真係好可愛, 唔見佢一兩日, 我就好掛住佢(所以朱先生有少少投訴, 有Bailey就唔記得咗佢, 但係佢無見Bailey一排都好掛住啦，不過無我咁激之嗎，哈哈＾＾）

以家成日學人講嘢，但係唔知佢講咩，佢講得最清楚係”嗰度”或者”嗰個”，問佢公公係邊呀？佢就會指住公公講”嗰個”，如果佢想叫你望住佢，就會指住你講”嗰個””嗰個”仲揮埋手直至你應佢為止，好攪笑，　當你應佢時，佢會笑住同你講”嗰個”．然後自己傻笑，好過引．

同佢玩完會好攰，但係會好開心！

仲有當佢望住鏡頭影相，會擺出唔同動作及怪樣（無人教佢，但係一影相就會咁），有相為證嘅！