小小女子gathering

好開心邀請到幾位姊妹嚟我家食飯, 因屋企唔係太大, 每次只可以邀請4個人, 加埋朱先生同我, 剛剛好六個fit哂個餐枱, 原本邀請到4個姊妹架, 但係有一個唔得閒, 所以無嚟到, 唯有等下次再約過啦!

呢餐飯都幾開心, 有講有笑, 仲一齊整chocalate lava cake, 不過, 今次唔係照食譜整, 而係買咗一個package, 攪埋加隻蛋, 再拎去焗就得啦! 因為試過兩次照住食譜整都失敗咗, 唔想再失敗啦, 哈哈, 唯有出術啦!! 嘻嘻 =p 照住package做都幾成功, 不過甜咗啲同埋個cake生咗個大瘤囉, 哈哈!









原本今餐飯有埋朱先生, 但係見我哋全女班, 所以好通氣咁去約其他人出去食飯, 但最終病咗, 佢唔想傳染到我哋, 無join到餐飯, 跟住我煮咗少少粥俾佢食, 食埋藥, 瞓咗成晚, 感謝神, 第二日好番好多啦!!

你得唔得？？

勁！ 我哋講急口令都食哂纙絲，仲要唱喎！你得唔得？！

好有意義嘅一晚

12月7号晚, 我哋團契一齊去咗參觀位於北溫嘅"燈塔事工", 初時計劃係去參觀同埋聽佢哋負責人分享見證, 但去到之後, 好suprise同好感恩, 因為差唔多有九至十個海員係到等我哋, 仲要係從中國嚟tim, 因之前聽負責人分享話唔知道究竟會有幾多海員會出現, 每一晚都唔同, 要遇啱中國海員更加難, 但神俾機會我哋遇到呢班海員, 可以同佢哋唱詩歌分享褔音, 咁Q我哋又預備咗啲禮物俾佢哋(因為suppose上次去老人阮送俾啲老人家, 但係去唔成, 原來去唔成, 都係神嘅旨意嚟嘅^^), 之後我哋亦都有機會用我哋唔咸唔淡嘅國語同佢哋傾計，有時聽唔明仲攪咗好多笑話出嚟,笑死人啦，如果你有去你明咩事嘅啦，哈哈! XP.

雖然嗰晚無人信主, 但係at least做咗播種嘅工作, 真係好有意義呀! 願神祝福佢哋, 當佢哋遇到危險, 困難及寂寞嘅時候, 會想起袮係佢哋唯一嘅依靠袮係唯一嘅真神, 禱告袮, 尋求袮, 俾佢哋遇見袮.

PS: 如我所料, 好少弟兄姊妹出現, 只有十個嚟咗, 但我知道嗰晚我哋呢十個弟兄姊妹嘅經歴好難得同埋好有意義, 無嚟到嘅you missed a lot lu! ＾＾ (原本將啲相ＳＥＮＤ去ＹＡＨＯＯ ＧＲＯUP 嘅，但係ＢＯUND ＢＡＣＫ囉）

相片特別名謝Cin Pan同Jessie提供!

我的至愛－溫泉

12月4号係我同朱先生拍拖三週年紀念日，　加上近排朱先生升職加薪, 所以我攞埋今年最後一日make up假期, 同朱先生去咗Harrison Hot Spring慶祝一番，好開心住到一間我想住好耐嘅房，有咩咁吸引，　呢間係Walk-Out Room, 即係打開露台一行出去就係溫泉啦! 好方便.

雖然嗰日落大雨, 但係入到Harrison Hot Spring啲雪都未溶哂! 都幾靚架, 因為入到去真係好似仙境咁, 加上落住大雨浸溫泉都幾過引, 因啲雨水都幾冰凍, 所以係溫泉裡面坐耐啲都得, 好正!^^
























夜晚梗係食番一餐好美味嘅Dinner啦,雖然貴啲, 但係一年先一次, 慶祝喎梗係要食大佢啦, 哈哈! 啲嘢食都幾好味架. 雖然聽我唔鍾意嘅jazz, 但係聽聽下又ok喎, 嗰個人真係唱得唔錯, 一路食嗰餐, 突然間, 嗰刻覺得自己變咗上等人, 哈哈!

但係當晚發生咗一件幾好笑嘅事件, 話說我同朱先生係嗰間高級餐廳食緊dinner嘅時候, 坐我對面枱有一對外籍夫婦成日係到望住我, 餐飯食咁耐, 佢哋就望咁耐, 心諗唔知係唔係覺得我哋無錢俾定係覺得我哋著得無咁高貴? 食食吓都無再理佢哋lu. 食完飯周圍行下影下相, 今次最失敗係唔記得咗帶"差婆", 所以無咩合照, 無耐行行吓俾我哋再遇到嗰對成日望住我嘅夫婦, 佢哋好好, offer幫我哋影相, 影完之後, 嗰太太急不及代走嚟問我係邊個國家嚟, 我話係香港, 跟住佢同我講, 佢哋係餐廳裡面不斷討論我係係邊個國家嚟(又會咁得閒??!!^^")

佢哋首先估我係從菲律賓(咩真係咁似咩??連西人都話我似??^~^"), 但係見我啲頭髮有少少捲, 所以又覺得應該唔係(菲律賓人唔可以電頭髮嘅咩?? XP), 佢哋知道咗答案好似如釋重負咁, 好攪笑(梗係啦! 用咗成餐討論我係邊度嚟喎, 哈哈), 至後, 我哋寒暄咗一番, 原來佢哋嚟自德國, 都嚟咗幾十年, 不過, 真係唔好意, 我已經唔記得咗佢哋叫咩名啦! 因為係德文, 真係好難讀! ^^"

送舊迎新

送走咗張枱, 梗係要歡迎番一張新嘅枱啦, 唔係無得開飯.

因為屋企唔係好大, 所以我哋買咗張伸縮自如嘅飯枱, 可以由一人枱變為六人枱, 好開心慳好多位, 所以我哋可以買埋張梳化tim.

講到張梳化, 真係要感謝神, 因為要揾張fit到我哋屋企地方唔係咁容易, 加上又要平, 真係好難揾到, 諗過買二手, 但係其實都唔係咁平, 平又睇唔上眼, 睇得上眼但係價錢又貴, 當啲同事們知道我哋想買傢俬, 佢哋真係好好, 得閒就幫我睇下二手網站, 見到ok即刻forward過嚟俾我, 行街見到有平及幾啱我哋嘅傢俬, 即刻打俾我通知我, 感動到呢!~~~~ 估唔到放假都記得我! Thank you! 真係錫唒你哋啦! 嘻嘻!

最後經May姐介紹之下去咗一間叫liquidation world (以前聽過, 但無去過), 竟然俾我哋搵到又平又fit哂我哋屋企, 張梳化仲可以變床tim, 價值只係$100咋, 仲送埋兩個咕筍tim, 平到呢~~~~~, 嗰款都唔錯架(請看圖片)

雖然我同朱先生用咗4個鐘去整張枱同梳化,但係自己親手整嘅喎, 有好大滿足感囉! 辛苦啲都值得. (話時話張枱真係好難整)^^

以家間屋真係似番個屋企, 可以坐係張梳化到睇電視睇報紙, 好正, 好耐無試過! 仲要係我哋自己儲錢買架喎, 所以特別開心!

真係真係好感謝神, 神係最清楚我哋所需!^^

Bye Bye 餐枱

第一次放嘢上網賣, 仲要係一張餐枱加四張櫈, 我以為無咁快買得出, 點知好快就有人打嚟話買, 但係最終放咗飛機無買到. =S

跟住我再放多次上網, 唔夠十分鐘即刻有人打嚟話買, 仲約埋地點及時間, 初時我同朱先生諗住叫佢自己pick up 架, 因為都幾重, 但係諗下諗下都幾危險, 都唔知啲咩人, 所以去咗supterstore交易, 呢次真係辛苦朱先生啦! 自己一個人搬哂所有嘢上車(因為我仲未放工), 然後單拖交易, 最後好成功交易完畢, 嗰個人都好鍾意亦都無討價, 佢仲猛問點解唔要, 好攪笑!

所以所得嘅歸朱先生所有(咪又係我受惠......嘻嘻!=p)

真係好開心好興奮, 第一次係網上成功出售物品.

再見餐枱, 多謝你陪咗我哋六個月時間啦! 希望你嘅新主人會對你好好啦!^^

Long Long 生日

小榮子生完日無耐, 又到另一位可愛同事生日啦 -- LONG (我嘅禱伴)
今次醒目, 有大合照, 同場加隻會飛架Monkey, 哈哈!^^

再次祝壽星女生日快樂, 青春常註!!

嘩! 話咁快變成水塘

今日烈治文唔單止落雪（仲要係好大風嗰隻），出去對面商場買個飯都食到成面雪，而且仲爆水管ｔｉｍ，　原本公司對出一絛完整嘅馬路，　話咁快變成一個水塘，　快到呢！　＝S　

落雪啦!

今日一早起身沖完個涼, 朱先生好興奮咁打開個窗叫我睇下出面, 嘩!! 原來落雪啦! 好靚呀! 剛剛過去嘅星期一都落過濕雪, 但係今次係落乾雪, 唔知點解落乾雪嘅時候我好開心嘅囉, 哈哈!

不過, 奉勸大家小心揸車, 地下幾滑吓架, 尢其係啲細街呀!