今日原本7PM返到屋企, 但係去到Parking lot門口先記得個remote無電, 開唔到個閘, 唯有走去superstore買電池, 最惨係兩個小朋友都瞓哂, 但係要攪醒Jase先可以入到去買, 未瞓醒嘅Jase更係又話要抱又話攰, 幾番唇舌先買到電池, 一心以為返到屋企, 點知上到屋企門囗先發現唔見咗門匙, 超爆興! 好無助之際,我記得奶奶有是啤匙, 跟住即刻殺入coquitlam centre交收, 卒之9点先入到屋企, 兩個小朋友已經超攰, 拿拿淋幫佢哋沖哂涼上床瞓.
整件事我係用超炆憎嘅態度去面对, 但係天父籍着我講bedtime story对我說話,(原先我咁興都唔係好想講bedtime story架啦, 但係唔知點解叫咗Jase是但揀本書等我講下啦! 跟住佢揀咗本Thomas the train)天父真係好funny, 個故仔係講Thomas遇到好多困難, 雖然困難重重,但係佢好積極面对, 同每一個難關仲有出路, 我一路講個故事俾Jase聽, 其實同一時間天父講緊故事俾我聽, calm me down.
之後我將頭先我哋發生嘅事代入Thomas 嘅故事當中講一次俾Jase聽, Thomas 佢用positive嘅態度面对困難, 但係媽咪就好失敗用咗好嬲嘅態度面对頭先嘅事, 我叫Jase唔好學媽咪, 我同Jase講sorry, 我係唔係嚇親佢, 我叫佢原諒我, Jase跟住攬住我爆喊, 我先知我頭先嘅態度真嚇親佢，喊夠後, 佢話原諒我, 仲錫咗我一啖, 我哋一齊祈禱, 然後Jase好開心咁好快瞓着咗.
多謝天父俾我同Jase有呢段時間, 真的好寶貴.
天父看顧係好完備, 佢知我worry唔知條鎖匙去咗边又怕有人開門入嚟break in, 我只係沖緊涼諗緊之際, 電話就響, 係阿榮打嚟問我係唔係跌咗鎖匙, 佢見到有條鎖匙係AFC parking lot到,有好心人將條鎖匙放埋一边, 咁Q佢同maggie見到覺得個sytle好似係我, 所以打嚟問下.
嘩! 簡直係Amazing! I love u, Lord!
No comments:
Post a Comment