天水圍12師奶

幾經辛苦終於係余老闆手上借到"天水圍12師奶"呢本書啦! 其實我都唔係太清楚點解自己好想睇, 但係真係好想睇囉! 所以係我"煩"音之下, 移動到余老闆係屋企搵呢本書借我睇..hohohohooo..在此升Q,余老闆! ^^

呢本書係講十二位天水圍嘅師奶嘅遭遇，有的丈夫包二奶、有的丈夫失業後不願工作、有的被伴侶性虐待或毒打或精神虐待、有的被騙去畢生積蓄、有的受到家姑歧視。總言之，她們每一個的遭遇在任何人眼中都會視為極之不幸. 但這群師奶發揮了無盡的拼勁，為了子女堅強地生存下來。每天艱辛工作，獨挑大樑擔起整頭家，不去拿綜援，為的就是想得到做人尊嚴及希望給子女樹立好榜樣。

我係巴士上面一口氣睇咗幾個師奶嘅經歷, 我已經哭成一個淚人啦(好在巴士唔係太多人, 唔係都幾尷尬架哈哈! =p 但係睇到我差啲唔記得落車tim!^o^..奉勸大家唔好坐巴士睇呢本書^^), 我一方面好同情佢哋嘅經歷, 另一方面真係想向佢哋致敬, 佢哋真係好堅強, 樹立咗一個好好榜樣.

一邊睇一邊諗起好多人因為感情問題學業問題或者其他問題, 而去放棄自己生命, 真係好可惜, 死唔可以解決問題, 而且其實你係將啲問題同痛苦俾咗身邊愛你嘅人. 要珍惜生命呀!^^