出發去ＳＥCＨＥＬＴ

呢個星期日晚同朱先生一齊入去ＳＥCＨＥＬＴ到搵ＳＴＥＰＨＥＮ，仲係佢屋企住咗一晚，原本想早啲入去架，但係唔知點解ＭＯＲ下ＭＯＲ下，　攪到８點先入到去，所以ＳＴＥＰＨＥＮ勁投訴我哋咁遲先入去，不過，就係因為我哋遲，所以先可以幫佢帶到份佢最想要嘅嘢俾佢　﹣　就係神為佢預備嘅新車啦！　仲有同場加餸　﹣　佢最鍾意嘅鹽焗走地雞一隻，總算ＭＡＫＥ到晚飯時間啦！唔好再投訴啦！哈哈^^

Stephen嘅新居好舒服同好ＷＡＲＭ呀！　

呢架就係Stephen嘅新車啦！　（多咗幾隻馬架，仲有天𥦬ＴＩＭ，開心死佢呀！）

















Stephen為我哋預備嘅ＤＩＮＮＥＲ同甜品．．．ＹＵＭＭＹ到呢~~~~多謝Stephen!^^





















舅父送俾Stephen嘅禮物，終於送到佢手上啦！（任務完成^^)
我哋仲一齊打電話俾舅父傾計ＴＩＭ






















之後我哋三個傾計傾到凌晨兩點鐘先瞓，對Stephen咁早瞓嘅人，簡直係奇蹟呀！（學ＪＯＪＯ話齌）哈哈　^^

但係呢個係一個好好嘅ＳＨＡＲＩＮＧ，令我諗咗好多嘢，亦都數算咗好多主嘅恩典，感謝神俾我哋有呢段時間。

春天唔見咗？？

天氣真係好反常, 成三月尾仲落雪, 連烈治文都落, 我諗其他溫哥華地方都會落得幾大, 噚日就落雹，今日就落大雪及非常之凍ＴＩＭ，春天你去咗邊呀？　好返嚟啦！！

天水圍12師奶

幾經辛苦終於係余老闆手上借到"天水圍12師奶"呢本書啦! 其實我都唔係太清楚點解自己好想睇, 但係真係好想睇囉! 所以係我"煩"音之下, 移動到余老闆係屋企搵呢本書借我睇..hohohohooo..在此升Q,余老闆! ^^

呢本書係講十二位天水圍嘅師奶嘅遭遇，有的丈夫包二奶、有的丈夫失業後不願工作、有的被伴侶性虐待或毒打或精神虐待、有的被騙去畢生積蓄、有的受到家姑歧視。總言之，她們每一個的遭遇在任何人眼中都會視為極之不幸. 但這群師奶發揮了無盡的拼勁，為了子女堅強地生存下來。每天艱辛工作，獨挑大樑擔起整頭家，不去拿綜援，為的就是想得到做人尊嚴及希望給子女樹立好榜樣。

我係巴士上面一口氣睇咗幾個師奶嘅經歷, 我已經哭成一個淚人啦(好在巴士唔係太多人, 唔係都幾尷尬架哈哈! =p 但係睇到我差啲唔記得落車tim!^o^..奉勸大家唔好坐巴士睇呢本書^^), 我一方面好同情佢哋嘅經歷, 另一方面真係想向佢哋致敬, 佢哋真係好堅強, 樹立咗一個好好榜樣.

一邊睇一邊諗起好多人因為感情問題學業問題或者其他問題, 而去放棄自己生命, 真係好可惜, 死唔可以解決問題, 而且其實你係將啲問題同痛苦俾咗身邊愛你嘅人. 要珍惜生命呀!^^

我愛星期一

今個星期一約咗Stephanie去Downtown逛逛, 我諗我係第一次同姊妹兩個人一齊出街, 之前多數都係一班人出去又或者剩係車佢番屋企又或者好多時都加埋朱先生.

首先我哋約埋朱先生係GUU到食lunch, 食完lunch朱先生就趕返去返工, 而我同Stephanie繼續Downtown一日遊, 原本天氣報告話會狂風大雨, 仲可能有雪tim, 但係神賜我哋風和日麗嘅一天, 個天靚到呢~~~~, 一滴雨都無, 人算不如"神"算呀!^^ Praise the Lord!! 好開心好relax咁同佢去咗行English Bay, 影下相, 坐係starbucks嘆咖啡, 同佢有個好好嘅分享.

不知不覺原來都識咗差唔多有十年咁耐啦, 大家都有好大轉變, 可以話係係靈命上一齊長大, 我見到姊妹變咗好多, 神幫助佢諗通咗好多嘢.
雖然我哋都仍然有好多嘢要被神拆毀再建立, 仍然有傷痕要神去醫治, 仍然有好多嘢會同神率交, 但係我知道我哋係on the right track 架,大家一齊加油呀! Pray For You Always! ^^























之後我哋等埋朱先生放工, 一齊去位於Robson街嘅拉麵屋食拉麵, 新開架! 都幾好食, 值得一試! YUMMY! (又係食???^_^")

復活節浸禮

今次浸禮見證到Mary同Daniel受浸之餘, 亦都見證到Kevin同Mickey.


Kevin個見證好感動, 好為佢感謝神, 神嘅愛擁抱住佢同佢嘅家人, Kevin, 加油!^^


我雖然唔認識Mickey, 但係朱先生話俾我知, 佢係某一個佈道會同Mickey決志(or reconfirmed), 所以朱先生好開心可以見證到佢受浸tim, 努力Mickey!


我同朱先生好開心見證到Mary 同 Daniel受浸, 望到頸都長埋(我諗唔係剩係我哋, 尢其是Daniel嘅daddy mommy等呢日都等咗好耐啦!^^)


受浸完唔代表完結, 仲要繼續依靠神行前面嘅天路架! 大家努力加油呀!^^


唔知幾時論到阿MARK呢???

點解件衫咁緊嘅?

剛剛過去嘅星期日, 好多人問我同一個問題, "朱先生係唔係肥咗好多? 點解件衫咁緊嘅??" 連朱媽都係咁講, 好攪笑.hahahaha...^O^...無計啦, 因為上台唱歌, 好多人都見到佢件緊衫, 我又唔記得提佢著件外套, 今次係我錯, 真係唔好意思, 你老婆我真失察! soli　ｓｏｌｉ!



因為啲恤衫係係結婚前買, 結婚後, 我同朱先生都肥咗好多呀！（只怪我煮餸好食得滯啦！　wahahahahhaaa....累埋自己ｔｉｍ　＝P) 所以件恤衫咁緊囉, 我諗我哋都要買過哂啲衫，　不過，我諗大家一齊努力減肥會化算啲，　食少啲（係我ｗｅａｋｎｅｓｓ），做多啲運動（係朱先生ｗｅａｋｎｅｓｓ），　自然瘦啲健康啲，　唔好齋諗要行動先得！＾＾　I want be a bigger loser...hohohohohoohoo...

好耐無寫Blog啦

近期唔知點解唔想寫blog, 其實係懶, 又加上屋企突然上唔到網, 都足足差唔多兩個星期, 而家有番啦! 可以上番網啦! 寫blog mood又返番嚟啦, 可以繼續寫lu!^O^

不過, 長遠計, 我哋自己整返個internet比較好啲(屋主好好,share俾我哋用), 因為share所以好慢(我諗我哋都拖慢咗屋主上網), 加上成日斷線, 而家我哋搜集緊又平又快嘅上網package, 如果你知道有好package嘅嘩, 請話聲俾我哋知啦! 升Q 升Q^^

有新寵啦!! 哈哈!

嗎ti先生係香港番嚟啦!, 亦帶埋我嘅新寵番嚟, 好開心呀!

雖然覺得佢好黑, 但係我都幾鍾意, 因為佢能屈能伸之餘, 亦因為佢夠黑, 所以佢嗰點火就更明顯啦!

就好似我哋基督徒要係呢個黑暗世代為神發光, 越黑就越光.^^

揭開"迷"底

今日無意中俾我係雜誌裡面搵到黑炭包原來真係用炭(竹炭粉)做架, 好驚囉, 原來我真係係度食緊炭, mud炭真係食得架咩?? XO

所以,我即刻上網查資料, 原來係日本同台灣流行食竹炭麵包都有一段時間, 仲有好多款揀tim, 例如竹炭菠蘿, 牛角包, 吐司, 蛋糕等等, 佢哋話因為竹炭有排毒去水腫及養生功能, 但係又有啲專家話唔可信唔好亂試, 所以都係一個"迷"呢架! =P

公司停電？？

唔知點解由幾時開始公司個個同事都唔開燈工作（包括我＾＾）．

為咗慳電？？　無錢交電費？？　懶？？　想整盲對眼？？

其實都唔知咩原因，　有可能大家都鍾意摸黑工作啩!!

到最後，　有個同事都頂唔順話要開燈，　其實無人話唔準開燈架喎，哈哈哈哈！＾＾

唔知點解大家好似玩緊耐力賽咁，　睇下邊個頂唔順先，　嗰個就輸咁，　好攪笑囉！

好奇怪嘅公司呀！^O^

"好心人"

今日突然發現一個好奇怪現象, 我一路都無咩為意, 證明我係一個非常唔細心嘅人.

我發現自己由年頭開始都無揭過個月歷, 一月過咗, 我都無揭去二月, 二月過咗, 我又無揭去三月, 但係唔知點解永遠都有個"好心人"幫我揭月歷, 我一路都有用個月歷架, 但係我一路都無為意係有人幫我揭咗去新嘅月份囉 (so stupid=p).

請問邊位係嗰位"好心人"呢?

好想同你講聲唔該哂!^^　升Q, 升Q~~

黑色嘅包包

近排同事介紹咗我去試一個台式黑色嘅包, 佢話真係好黑好黑, 所以好奇心驅使之下, 忍唔住係午飯時間走咗去買個返嚟試(係正公司樓下, 超近^^)

嘩! 真係講得無錯, 真係好黑, 好似舊炭咁, 初時我以為係甜架(因為以為係黑芝麻做), 但係原來係咸架, 好特別, 裡面仲夾咗火腿芝士, 好攪笑囉!, 同事話仲有肉鬆揀tim架, 下次可以試試. ^^

真係好想知佢係用咩做(唔記得問個收銀tim, 因為見到個包太興奮, 俾完錢即走), 點解可以黑得咁even嘅??^^"

神問: ：「你在那裡？」

今次導師係relaxation嘅時間, 用咗創世記3章8至10節帶領我哋去默想, 藉著呢段經文帶出咗今次題目"Where are you?", 今堂好有反省呀! cool ^^

創世記3章8至10節

"天起了涼風，耶和華神在園中行走。那人和他妻子聽見神的聲音，就藏在園裡的樹木中，躲避耶和華神的面。 耶和華神呼喚那人，對他說：「你在那裡？」
他說：「我在園中聽見你的聲音，我就害怕；因為我赤身露體，我便藏了。」 "

呢張係我默想時所見到嘅畫面

呢張係朱先生架

今次仲有功課做tim, 導師俾咗六天嘅默想經文我哋, 要我哋每日搵15分鐘係同一個地方, 跟住佢所教嘅步驟去默想, 呢幾日我都有跟住做, 真係好好, 好耐無試過好靜好focus去默想經文, 藉此俾我多咗時間同神對話, 好開心呀!^^

不過, 朱先生無做功課囉, 唔好咁懶啦! 朱先生! 快啲做啦! (想像一下: 呢句話其實係好溫柔咁講架, 嘩哈哈!^O^)