OH! MAN!

哎吔！我啲病菌俾咗朱先生ＴＩＭ，唔怪得我咁快好番啦！！　=P

鼓勵! 鼓勵!

朱先生部落重(X 2)開啦! 初時都有少少唔知好唔好幫朱先生宣傳一下, 但係見佢近排咁積極係到寫部落, 都要鼓勵佢一番嘅....嘻嘻!^^

朱先生! 努力! 加油! 努力! 加油!

引用師母金句: "我鼓勵你!"

趕走懶音

今日余老闆俾咗一首歌我哋聽, 好得意囉!

呢首歌係由區瑞強 江曉琳 主唱, 歌名叫做"唱走懶音"

呢首歌好啱我聽呀! 我有好多懶音架, 不過, 有好多人都讚我進步咗, 我會繼續努力, 我都唔想下一代越嚟越差家ma.......



不妨試試讀下啲歌詞, 慢慢讀都ok, 快少少都Q哂口..哈哈!^^

第一段
我練嘅係正音功　咬字清晰準確命中
你練嘅可能係懶音功 慘過係克里舞林宮　
恰你無人工記住　唔理乜東東芫茜蔥
只要用功自然正音功　　
如何淨音功　講得無錯　　人人懶音功　講乜有錯　　
潮流易跟風　"e" "e" 啊啊　
誰才是精通　清清楚楚　　
齊來下苦功　"a" "e" "ae" "o"　　
完全地放鬆　祇須講多
時常練得多　　學唱歌　想練習就請跟我
　
第二段
一蚊一斤雞　只得兩斤龜你要雞貴　
定係　龜貴洗手清水洗　忘掉閂水掣　
快啲走入實驗室扲緊急掣　
床腳撞牆角　牆角撞床腳你話牆腳撞床角　定話　床角撞牆腳
郵差叔叔送信郵差叔叔送信純熟迅速　
迅速送出信　　齊來淨音功　
講港趕趕　　無晒懶音功　
哥果個過　　唔隨便跟風　跟緊靳更　
誰才是精通　清蒸秤正　　齊來下苦功　宮中進貢　　
完全地放鬆　慫恿信眾　　時常練得多　　學唱歌　想練習就請跟我
　
第三段
廣州開果廠　剛剛到天光過去開檔　
個個嚮往香港地好趕　能為港爭光　
有恆心　唔係有恆生銀行
癡線蜘蛛癡線蜘蛛啲蜘蛛絲癡住啲樹枝
白石白又滑　搬來白石搭白搭搭好白石搭　
白搭白又滑教室有彊屍　彊屍找老師老師找道士　道士捉彊屍　　
如何淨音功　講得無錯　　人人懶音功　講乜也錯　　潮流易跟風　"e" "e" 啊啊　　
誰才是精通　清清楚楚　　齊來下苦功　"a" "e" "ae" "o"　　
完全地放鬆　祇須講多　　時常練得多　　學唱歌　想練習就請跟我
　
第四段
一蚊一斤雞　只得兩斤龜你要雞貴　
定係　龜貴洗手清水洗　忘掉閂水掣
快啲走入實驗室扲緊急掣　　
齊來淨音功　講港趕趕　　無晒懶音功　哥果個過　　
唔隨便跟風　跟緊靳更　　
誰才是精通　清蒸秤正　　齊來下苦功　宮中進貢　　
完全地放鬆　慫恿信眾　　時常練得多　　
學唱歌　想練習就請跟我　　想練習就請跟我

又有新嘅小玩意

咁新鮮嘅法國麵包..係唔係好吸引好想食哩.....嘻嘻......

唔食得架....係我嘅Keyboard Wrist Rest 嚟架, 得意ma???^^

分開未必係唔好......

十年嘅感情, 終於都係分手收場, 當中好多掙扎好多傷害, 但係好感恩到最後係和平分手, 仲可以做番朋友, 呢個真係神嘅恩典, 你會話: "人哋分手, 仲話感恩? 仲話恩典? 有無攪錯!!"

如果當你睇哂佢哋整個故事整個經歷, 你會見到神係佢哋身上不斷拆毀, 但亦不斷建立, 其實分開對佢哋嚟講係重新開始嘅機會, 神係到等緊佢哋返番佢身邊, 看似失去, 但我相信佢哋會得著更多, 會有更好嘅未來. The Best is yet to come!! But I know it is coming!!^^

我陪住佢哋經歷嗰段時間, 我都會問神:"點解?? 點解會係咁?", 但係神同我講: "Be Patient! 我係係到做緊嘢架, 你慢慢就會睇見, 慢慢就會明白!"

YES, you're right! I have seen your GRACE and your almighty hands on them!^^ Praise the Lord!

又多三個食物家族加入行列啦!!

外賣便當

















Pancake

















雪糕

悠遊嘅星期一

經過噚日朝8晚12忙碌嘅生活之後(早午堂領詩, 兒童主日學, Jubilization及電台, 原本仲要開summer camp會, 因家事助談會而改咗日子, 唔係就連透氣時間都無啦!), 朱先生特登請咗星期一放假陪我, 感謝神賜我哋一個非常好嘅天氣, 所以我哋去咗西四街坐露天茶座食Monday Bunch同買我最鍾意嘅chocolate art brownie, 然後再去西百老匯行街.

好舒服呀! 可以享受陽光及新鮮空氣..."正"!!^^

我哋心目中嘅天使

第四堂嘅藝術創作嘅主題係"Angels".

朱先生心目中嘅天使 (唔係好睇到...哈哈!^^)

我心目中嘅天使 (唔知你明唔明呢?^^)

爛咗啦!~~

我心愛嘅火柴人雨傘最後都係抵擋唔住啲風雨, 要提早退休啦! 我好鍾意呢把雨傘架, 無奈咁就爛咗!

係呢兩年幾嚟, 好多謝佢陪我抵擋過唔少風雨, 當我無力走前面嘅路時候, 佢時常提醒我 Be Strong, 繼續向前行.

不過, 我未買到令一把雨傘之前, 我會繼續用住佢先架!^^

Si-Sweet Si-Sweet 情人節

今年情人節過得都幾特別同好感動, 有花之餘, 仲有朱先生親自下廚整情人節晚餐, 有salad, 有湯同main course, 仲有dessert tim, 嘩! 好豐富呀!

原來, 朱先生煮呢餐苦練咗好耐, 親我返咗學, 佢就去咗Stephen陳到學煮嘢食, Stephen搬咗去sunshine coast之後, 佢就同Stephen係電話到密密(針), 原來係為咗煮呢餐俾我食, 好感動呀!

今次無人係佢後面教佢點整點整, 今次係全靠佢自己架, 勁!! 俾五個"叻"你!

一返到屋企, 佢叫我入房預備星期日嘅領詩, 佢就預備晚餐, 過咗無耐, 廚房不斷傳嚟"哎呀, 慘!", "哎呀, 閉!", "唉....", 然後無耐佢好唔開心咁話俾我知終告失敗, 因為雞唔係好熟, 意粉都係未熟, 跟住, 我同佢講, 我哋生活係文明嘅國家, 有微波爐呢回事家嗎, 經過一"叮"之後, 熟哂!

講真味道真係唔錯家, 稱得上好好味tim. 多謝朱先生! love ya!^o^ and proud of you!^^

最後, 梗係唔少得甜品啦! 經Stephen推介, 朱先生去咗位於commerical drive嘅Itanian Bakery買咗成打番嚟, 有六款俾我慢慢試, 我已經試咗三款啦! 最鍾意都係brownie, 唔太甜, 好好味!

今次朱先生破哂戒, 俾我試咁多甜品, 不過, 唔係隻隻都好食, 所以放心, 我唔會食哂嘅, 哈哈!

最後, 朱先生嘅結論就係, "老婆, 你煮飯原來咁辛苦架, 阿媽同老婆都好偉大呀!"(就係因為煮飯俾佢食??)

聽完之後, 笑死咗! XD

朱先生送嘅花花!!

呢個就係我哋嘅晚餐啦!



















朱先生(苦笑)與佢嘅完成作品合照....哈哈!!



















我哋嘅甜品, 仲唔肥死???

一邊食甜品, 一邊嘆茶, 簡直係人生樂事呀!!

表妹嘅BB女出世啦!

表妹Davina個BB女終於係年初二(即係Feb 8, 2008) 凌晨五點鐘出世啦! 表妹足足痛咗差唔多50個鐘先生到, 真係辛苦佢啦! 不過, 見到佢抱住個女咁開心, 咩痛苦都無哂啦! 母愛真偉大.^^

呢個係我哋家族裡面第一個黑人(應該話係mix with中美州)BB, 好得意呀!^o^(雖然胡氏家族都係黑, 但係應該都唔夠佢黑)

你想唔想係呢間公司做呀??

日公司首推失戀有薪假期 (明報)
02月 12日 星期二 05:05AM

【明報專訊】
失戀是許多人的慘痛回憶，日本 一家行銷公司相當貼心，准許剛剛失戀的員工，申請「失戀假」，而且年紀愈大，假期日數愈多。這家公司的老闆認為，「失戀就像生病一樣，當然應該給予員工失戀假」。

年紀愈大療傷期愈長

提供失戀假的公司叫Hime & Company，去年開始推出有薪失戀假，更妙的是，員工年紀愈大，失戀假的天數愈多。這家公司表示，「20多歲的人很快就可以找到新的戀情；然而30多歲的人，需要的時間比較久，因此假期要較長。」
這家公司是專門販賣女性用品的行銷公司，公司的成員並不多，女員工更只有6人。但老闆認為，失戀就像生病一樣，需要好好的休息放鬆。更棒的是，除了失戀假外，員工一年還有兩個早上的「購物假」，女老闆很了解女性員工都愛搶百貨公司減價貨的心理，乾脆推出購物假，讓員工可以快快樂樂的購物。

睇完呢單新聞, 覺得好攪笑同好得意, 個老闆好體貼啲員工呀!^^

嘩! 朱先生落廚呀!

上個星期五, 團契攪咗個農曆新年Iron Chef, 要我哋每組派一個完全唔識煮餸嘅人去煮新年餐, 哈哈, 順利成章(係唔係咁寫嘅呢??), 朱先生成為參加者嘅一份子, 係我哋係朱先生身邊嘈yuen巴閉教佢點煮之下, 都有好好成績喎!
呢三味餸係朱先生煮架, 有板有眼架, 味道都唔錯! 仲煎埋年糕tim!^^ 勁!!!



















全部都係一啲唔係好識煮餸嘅弟兄姊妹煮架, 好好味, so proud of you!^^



















好多謝團契攪呢個iron chef呀, 俾我有幸第一次食到朱先生手勢呀, 哈哈!

第三堂藝術創作班

朱先生由第二堂開始同我一齊上藝術創作班, 初時, 佢好似好唔願意咁, 但係上上吓, 佢開始都好多分享, 亦都因為咁, 俾我更加明白佢諗緊啲咩嘢, 透過啲畫, 睇到佢近排嘅心情, 都幾得意架.

有時你睇人哋嘅畫, 你會估佢想表達啲咩嘢, 但係好多時都會估錯, 因為你唔係佢, 有時會好surprise你架. ^^

朱先生今日所畫嘅畫

而呢幅係我嘅














呢個就係我哋近排嘅心境啦! 你哋估唔估到我哋想表達咩呢??^^

又多個食物家族加入啦!

食得架???

今日嗎tee帶咗一包由香港運到真空包裝嘅鳳爪俾我試, 我自問超鍾意食鳳爪, 但係當我打開個包裝見到隻鳳爪嘅時候, 當堂食慾大減, 嗰樣好似俾啲膠封住(其實係乾咗嘅汁), 成隻好似塑膠鳳爪咁, 諗住唔好咁浪費, 亦都唔好睇樣, 有可能好好味呢! 點知咬落去真係唔話佢係塑膠鳳爪都唔得, 係咬唔開架, 加上超咸tim...^~^

多謝嗎tee介紹!

你估到最後污糟啲有無食哂成隻鳳爪呀啦??? 估中請你食隻鳳爪啦!!^o^

黑暗迷茫日子

我嘅黑暗迷茫日子維持咗個幾月, 好迷失，無喜樂, 無力祈禱, 無力同人分享, 無力走前面嘅路, 心裡面好多鬥爭, 俾情緒控制我, 其實生活中有好多神嘅恩典圍繞我, 我會感恩架, 但係, 無奈我心裡面仍然有嘢阻礙我親近神.

"況且我們的軟弱有聖靈幫助，我們本不曉得當怎樣禱告，只是聖靈親自用說不出來的歎息替我們禱告"羅 8:26

感謝神, 佢係我呢個黑暗期無離開過我無放棄過我, 神要我自己知道我裡面有啲嘢要被拆毀, 然後再被建立, 呢段拆毀期好痛苦, 表面上好似無咩嘢, 但係內心真係好痛苦, 其實呢啲痛苦係自己攞嚟, 無人可以幫倒, 但又好真實, 因為好多時因為呢樣嘢會令我再次跌倒再次失去神賜嘅平安及喜樂, 但今次神要我完全徹徹底底脫離呢個痛苦, 要我完全得著釋放, 唔係靠自己, 而係靠神去break through.

神真係好錫我, 神唔單止賜我一班弟兄姊妹同我一齊流淚禱告，為我代禱，神甚至透過一個未信嘅人嘅口回答咗我心裡嘅問題我嘅祈禱，我聽完佢嗰番說話之後完全呆咗，無耐我嘅眼淚不斷係咁流，我完全無諗過神會用咁嘅途徑話俾我知，再一次確定咗我，讓我從迷惘中走回正路，讓我無力嘅手再次舉起讚美神，發酸嘅腿再次站起嚟繼續為神走前面嘅路，我一邊流感恩嘅淚，我一邊同神講我唔配得，真係唔配得．　Thank You, Jesus!

THANK YOU JESUS
(如果你想聽呢首歌，你click 一click 個歌名就聽到架啦！^^）

How I thank you Lord

For Your faithfulness to me

I can feel Your love

Surrounding me

And thank you Lord
For the Mercy and Grace
You have given to me

Chorus:
Thank You Jesus
Thank You Lord
For the love You give to me
For this day you've made
Your Amazing Grace
Lord I life my Praise

感謝神，賜我一個好伴侶，好多謝朱先生係我呢段迷惘時間，陪我一齊走過。thank you!^^