懷著ＢＢ朱的心路歴程 之「弟兄姊妹的愛」

尚未公開BB朱嘅日子

剛剛懷孕嘅時候，煮唔到飯，其一好攰，其二聞到同見到生肉都想嘔，加上我口味日日都唔同，所以好難預計究竟我想食咩，所以到時先算，知道想食咩先去買，嗰時朱先生好慘架，佢無得食住家飯之餘，仲係無得揀自己鍾意食嘅嘢（因為好多時我食兩啖就嘔或唔想食，所以佢要預備清哂我食唔哂嘅嘢．．．．辛苦哂朱先生．．．=P）。

同事加姊妹May知道我哋嘅情況後，佢好有愛心呀！特登晚飯煮多啲預埋我哋，仲有湯tim，佢pack好哂帶返公司俾我可以夜晚用嚟做晚餐，真係好多謝佢呀！加上佢都係過來人，所以好知道孕婦嘅口味，令我同朱先生唔駛成日食味精嘢，同埋食完我就可以即刻休息，在此向妳再say聲thank you呀！好窩心呀！^O^

當駱氏夫婦知道我有咗ＢＢ之後，佢哋offer每日收工都車埋我返屋企，其實佢哋早我放工架，但係佢哋都唔介意等埋我，真係好感動，如果唔係佢哋車我，我諗我係呢場落雪天都好辛苦先返到屋企啦！　真係好多謝你哋呀！

讓我，朱先生同埋BB朱好感受到弟兄姊妹嘅愛，同埋被愛包圍著！Thanks Our Lord!　讓我哋認識到好多好好嘅弟兄姊妹！　ＹＥＡＨ！^O^