小朋友！做咩個樣咁串呀？？？^O^

呢位小朋友(Bailey嚟架)個樣真係好串，連佢阿媽都話見到佢個串樣都好想打佢囉．．．．．哈哈哈哈..^O^.．．真係幾乞人憎．．．.但係我想鍚佢多啲喎，ＣＵＴＥ到呢~~~~

意想不到嘅收穫

以家啲油費咁高，有無諗過改搭公共交通工具？？ 唔單只可以慳錢，有時會有意想不到嘅收穫架ＢＯＲ，　呢兩個星期我同朱先生各自都有啲收穫，都幾過引架，有時仲可以慳番餐ＴＩＭ。

１）新出特效止痛藥兩ＰＡＣＫ　（唔洗用水送，就咁放落口食就得，仲要係可樂味ＴＩＭ）２）乳酪一杯加送ＣＯＵＰＯＮ及匙羹一隻　（真體貼，即刻成為我早餐，都幾好食架）

３）近排最勁係呢個收穫啦！最新出嘅ＤＥＬＩＳＳＩＯ　ＰＩＺＺＡ一盒，我哋ＣＨＥＣＫ過價錢，呢盒價值要成＄１１個幾架，嘻嘻^^！呢盒ＰＩＺＺＡ將會成為我哋嘅晚餐，又可以慳番餐！　

唔記得同大家講，以上產品全部都係免費派發架．．．．
唔駛錢架！^^
呢個就係搭公共交通工具其中一個好處嘞!

7月31日搬啦！

好多謝弟兄姊妹不斷為我哋買屋嘅事祈禱, 係神安排之下我哋終於買咗啦! 亦係係我哋budget之內, 完美到爆, 整個搵屋買屋攪mortage搵律師神都預備咗好多天使係我哋身邊, 好多謝大家嘅禱告支持^^

我哋會係7月31日搬啦! 請繼續禱告記念, 我哋會搵搬運公司幫我哋搬, 希望我哋7月31日前pack好哂啲嘢啦, 因為其實呢段期間好忙, 唔但只要pack嘢, summer camp開始練歌及籌備, 門訓等等都有好多嘢預備, 雖然忙, 但係希望神俾我哋係佢裡面滿有喜樂地去事奉佢同去做每一件事啦!^^

其實, 好多人問我同朱先生呢間好唔好過上次miss咗嗰間, 我唔知上次嗰間真係點, 因為剩係睇過啲相, 但係, 呢間我哋睇相同實物都好滿意, 神好清楚我哋所需架，Thank You Lord!^^　以家最好的已經來臨！

預祝父親節及細妹生日

上個星期四，因細妹全家會去Calgary定居及ＤＡＤＤＹ又係父親節出埠，所以我哋提早預祝父親節及細妹生日，今次都係揀咗我的至愛「草莓牛奶」，連爸爸都話好食，　加上妹妹可以多啲空間走動，初時以為無咩人幫親，但係今次出乎意外，竟然人山人海，　仲見到ＷＩＬＬＩＡＭ　ＬＩ，佢都係識食之人呀！哈哈！^^

細妹移居去ＣＡＬＧＡＲＹ之後，　話會一個月返嚟一次，希望啦^-^! 其實當妹妹返咗學就好難架啦，唉! 好唔捨得囉! 我會好掛住妹妹同細妹，真係要講句"天下無不散之筵席"，願神祝褔妳一家，係新的地方從新生活及遇見神啦！

ＰＲＡＹ　ＦＯＲ　ＹＯＵ　﹠　ＹＯＵＲ　ＦＡＭＩＬＹ　ＡＬＷＡＹＳ！^^

地下情???

哈哈, 噚日聽到有兩位人兄(一男一女), 兩個夾埋都成百歲, 佢地話俾我哋聽佢哋攪緊地下情(其實係我哋篤爆佢哋^O^哈哈~~~) 佢叫我哋唔好話俾人知, 聽完之後, 我哋笑咗好耐, 因為係人都估到啦, 咁揚........哈哈......仲以為自己好秘密, 雖然我唔明點解要攪地下情, 大家又係成年人又唔係唔見得光, 跟住佢哋嘅答案好精彩, 係話呢啲係情趣嚟架喎, 我哋真係O哂嘴.

嘩哈哈哈.......okok.^^...我哋會繼續扮唔知嘅啦, 唔打擾你哋嘅情趣啦! hahahahhahaa....唔得..真係好攪笑....XP

個心好痛

今晚聽到一個令我好心痛嘅消息，好失望真係好失望，我唔識點回應，我仲激動過當時人，唔好話佢接受唔到，連我更加接受唔到，我知我嘅怒氣對呢件事好無幫助，但係真係好無奈，係唔係永遠都係個ＬＯＯＰ裡面返唔到出嚟，我唔想下一代重蹈我哋覆轍呀，點解啲人做一樣嘢嘅時候唔諗後果，一個大話令一個「信任」足以致命，以前嘅傷口又再撕開，好痛真係好痛。

有人話：「呢個係我哋家族嘅定律，呢件事發生係遲早嘅事。」

我話：「唔會係一個定律，如果我哋愛神，神會祝福我哋千代。」

但係呢一刻我嘅信心盡失．．．．．唔係對神，而係對人

無限量支持

上個月月尾，因公司唔夠錢所以出唔到糧，噚日同事同我分享佢屋企知道無糧出，所以有少少微言，佢同我講朱先生咁支持你你要好好珍惜呀！　佢講完呢句，我開始係度諗「係喎，究竟朱先生擔唔擔心嘅呢？　加上我哋決定買樓，負擔又重咗架喎，定係佢好擔心，唔夠膽話我知又或者驚我知道唔開心呢？」我之前原全無諗過呢個問題，究竟我好有信心（對神同對朱先生）定係我無理佢感受呢？？

所以噚晚食完飯之後，就問朱先生呢個問題，我聽完佢嘅答案，好感動，感動到飛身(籃）住朱先生，差啲喊咗出嚟，佢好溫柔咁話：「你出唔到糧唔ＳＵＲＰＲＩＳＥ，你做得呢份工我預咗架啦！　我一路以嚟都無擔心過，以家係要供樓，我相信神係會供應架，因為神知道我哋所需。同埋我係支持你架麻！」

之前我真係唔知道原來朱先生對我係ＡＦＣ做係咁無限量支持，多謝你呀！　朱先生！　我好感動呀！


ＹＥＡＨ！　神係供應嘅神，神亦藉著門訓功課向我說話，叫我唔駛擔心！　ＴＨＡＮＫＳ　ＧＯＤ！


馬太６：２５　﹣３４

「所以我告訴你們，不要為生命憂慮喫甚麼，喝甚麼；為身體憂慮穿甚麼。生命不勝於飲食麼？身體不勝於衣裳麼？你們看那天上的飛鳥，也不種，也不收，也不積蓄在倉裡，你們的天父尚且養活他。你們不比飛鳥貴重得多麼？你們那一個能用思慮使壽數多加一刻呢（或作：使身量多加一肘呢）？何必為衣裳憂慮呢？你想野地裡的百合花怎麼長起來；他也不勞苦，也不紡線。然而我告訴你們，就是所羅門極榮華的時候，他所穿戴的，還不如這花一朵呢！你們這小信的人哪！野地裡的草今天還在，明天就丟在爐裡，神還給他這樣的妝飾，何況你們呢！所以，不要憂慮說：喫甚麼？喝甚麼？穿甚麼？這都是外邦人所求的，你們需用的這一切東西，你們的天父是知道的。你們要先求他的國和他的義，這些東西都要加給你們了。所以，不要為明天憂慮，因為明天自有明天的憂慮；一天的難處一天當就彀了。」
ＢＴＷ，今日出咗糧啦！　神嘅供應係足夠架！　Praise the Lord! 大家要有信心呀！^^

貞潔婚姻

今日去咗一個ＷＯＲＫＳＨＯＰ叫貞潔運動更新大會：Here I Stand － 貞潔婚姻，
對我自己都好大反醒，尢其係佢俾咗呢幅圖片我哋睇，話俾我哋聽咩叫做「愛」？　咩叫不離不棄？？

呢幅圖片係四川地震後英國《每日電訊報》所影到嘅感人片段，呢位男子背後背著嘅係地震中死去嘅妻子，因為佢唔想妻子遺棄在那些尖利嘅碎石裡面，所以，佢飽含著深情，將妻子嘅身體與自已綁在一起，然後用摩托車載著他前往當地嘅太平間，其實佢妻子屍身已經發脹有屍臭出水，但係佢唔介意，佢仍然將妻子與自已緊緊綁在一起。

反醒番我會唔會因好少事就唔滿意對方？　會唔會無論發生咩事都對對方不離不棄？
記唔記得結婚時係神面前向對方嘅承諾？　有無時常讚賞對方呢？　係唔係死咗之識珍惜呢？　無論對方變成點樣或者點走樣都會好似上面嘅圖片咁將對方與自己緊緊綁在一起愛不分離呢？