有新家族加入

我祈望已久嘅珍寶珠家族嚟咗啦!

有五隻口味, 不過係唔食得架!

俾少少時間, 俾大家估吓係咩嚟?!
(hints: 唔食得, 但係有兩個用途)

遲啲同大家開估啦! 嘻嘻!

唔知你哋有幾聰明先! ^^

食物家族又一新成員

我想要好耐嘅紅豆冰同西多士, 卒之俾我搵到啦! YEAH!^^

我的可愛同事們之一 - 小榮子生日快樂!

睇吓佢幾開心, 但係好似余老闆開心啲喎, 哈哈!

哎吔, 原來今次無影到全家褔囉! 失策失策! Soli, 下年補番啦! =P

今次小榮子生日, 都令我哋肥咗唔少, 因為佢收到唔少蛋糕, 亦同我哋一齊分享, 食到呢.......XP

May 姐仔仔

近排May姐帶咗仔仔上嚟使者探我哋, 不知不覺又大過咗啦! 仲好多表情tim, So CUTE!^^

愛與試煉

近排睇咗兩部電影, 一部係"The Pursuit of Happiness" 另一部係"Evan Almighty", 呢兩部電影都令我不斷想起神係我嘅人生經歷中俾我嘅試煉, 俾我嘅教道, 點樣陪住我成長, 訓練我, 俾我嘅豐富恩典.

係! 雖然我哋人生當中有困難有苦難有唔如意有失敗有傷痛, 但係神就係好多時用呢啲挫敗失意, 讓我哋經歷佢, 讓我哋係當中長大, 完全改掉我哋嘅老我, 訓練我哋嘅信心我哋嘅禱告.

以下係呢兩套電影其中一啲好感動我嘅片段:

"Evan Almighty"
我哋嘅禱告!


"The Pursuit of Happiness"
我哋唔係要神拿開我哋面前嘅難處, 而係求神給我哋力量及同我哋去勝過跨過, 呢個亦係神俾我嘅應許.



Here is the Lyric: (Copy from Leyond's blog)

Lord, don't move that mountain
Give me strength to climb it
Please don't move That stumbling block
But lead me, Lord, around it

My burdens, they get so heavy
Seems hard to bear
But I won't give up
No, no
Because you promised me
You'd meet me at the altar of prayer
Lord don't move that mountain
Please don't move that mountain
But give me strength to climb it

多謝Leyond搵到呢個clip, 同歌詞!^^

希望呢個小小分享, 幫到你(唔需要估邊個啦, 係你呀! 任何一個正在經歷緊困難嘅你!) 再一次有力面對前面嘅困難啦! 記住神係你隨時嘅幫助!

誠意徴求

我公司現正徴求300個與圖片差不多樣嘅玻璃樽連蓋(應該差唔多3"寬x5"高), 好似李x記叉燒醬樽呀, 卡夫奇妙醬類似嘅樽都得架, 如果你以家有, 或者啲醬差唔多用完個樽唔會再用, 千其唔好掉咗佢呀, 希望請你洗乾淨留返佢俾我啦! (如果你會見到我, 可以直接俾我, 而唔係成日見到而你又有樽嘅嘩, 我可以嚟pickｕｐ 架)

呢啲樽我哋會經過處理, 然後會係下一次Jubilization用, 所以最好一月底前收集哂, 已便我哋加工!

如果大家想知到我哋會用嚟做咩? 就記得要報名出席下一次二月份的Jubilization喇!

我的小玩伴

係公司裡面, 我有好多小玩伴架,佢哋陪我返工, 做到攰嘅時候,去攪下佢哋, 個人會開心啲, 醒神啲, 同埋有可能會肚餓啲(睇完圖你就會明嘅啦!^^)

以家逐一介紹佢哋出場:
第一位係朱錦相小姐(豬咁傷)



第二位係Pink Lady


第三位係蘆小姐


第四位係食物家族









第五位係動物家族


最後梗係唔少得幫我看守keyboard嘅keyboard人啦!


如果你上到嚟office可以探下佢哋架喎!

好好味嘅甜品呀!

噚日係姊妹gathering裡面有個姊妹做咗一個好好味嘅甜品, 名叫"Chocolate Lava Cake", 真係好好味呀! 裡面啲朱古力流出嚟架，　超正！（請看圖片）同好易做架, 所以個姊妹好好將個Recipe send咗出嚟與我哋分享囉，我都唔自私嘅，　所以ｐｏｓｔ上自己個ｂｌｏｇ到與你哋分享．

Chocolate Lava Cake Recipe (serve 6 ppl)

125g dark chocolate
125g unsalted butter (i usually use 100g or less)
3 eggs
1/4 cup white sugar
3 tablespoon flour
=======================
1. melt butter and dark chocolate in a pan. let the mixture cool down.
2. mix eggs with sugar
3. pour 1&2 together. stirr well.
4. add flour slowly and stirr till the mixture becomes smooth
5. pour mixture into muffin-pan.
6. put into *preheated oven (450degree), take it out immediately after 5mins.

原來真係得架!

唔知點解今日勁打"c 憶", 打到好大聲同停唔到囉!
之前試過學人哋寫個"人"字係手掌上面然後一口食咗佢, 就唔打"c 憶", 但今次唔得囉!
跟住朱先生提醒我, 點解唔試下用May姐小貼士"搣橙治c 憶", 嘩! 一言驚醒夢中人, 即刻搵個橙返嚟試下摵, 當我摵完幾下之後, 真係無再打"c 憶" 啦! 勁, 真係唔好睇少, 如果你打"c 憶"嘅時候, 不妨一試, 真係得架! 哈哈! 多謝May姐好貼士!

但係我有個問題: 係唔係因為摵橙時吸咗啲彈出嚟嘅汁治"c 憶"? 定係因為好專心咁摵橙所以唔記得咗打"c 憶"呢?

神為我預備的工作^^

好多人問我點解會係使者到工作??

以下就係我嘅答案(收錄於"一袋夢想"見証集內):

我是在 Douglas College CCF 裡認識使者協會，當時我和一班校內的基督徒組成了CCF，而使者同工帶領我們查經，分享，無論在靈命上，人生方向上，前途上都給我們很大提醒及幫助。

當使者邀請我與他們一起同工時，我問神「這裡是不是你為我預備去事奉你的地方？求你感動我及讓我看見你的帶領」，亦邀請弟兄姊妹為我禱告。之後幾個星期，神不斷讓我回顧過去在我成長掙扎中，使者同工所給我的鼓勵，關心和幫助。在我腦海裡不斷重複這些畫面, 當中，有兩幅畫面令我最感動深刻。

第一幅畫面是我還在大專的時候，當時的同工Joshua在一個聚會當中，對我們說「你想不想三年後的你，或五年後的你，仍然在今日的光景？」，當時的我浮沉於一個很長時間半工讀，沒有方向及差點想放棄學業的階段，神透過Joshua的信息對我說話。當晚我哭著向神禱告，認罪悔改，讓神改變我的生命。感謝神, 今日我已經畢業了, 畢業後我第一份全職工作是報業廣告營業員, 亦是加入使者前的工作.

第二幅深刻的畫面也是發生在讀大專的時候。當時我一度陷入經濟困難之中；但有一日，我收到一封信。我打開這封信，看到內裡有錢及一張寫滿鼓勵說話的咭。當我再看到寫信人的名字時，我的眼淚已忍不住流出來了。這封信原來是前使者同工Rainbow給我的。我知道作為使者同工薪金不多，但她將僅有的與我分享。信內最後的一句說話是最感動及影響我的。她說：「不用還這些錢給我，請將這些錢去幫助另一個有需要的人。」這句說話深深的刻在我心。兩年後，我已用這些錢去幫助了另一個更有需要的人，令我更明白「施比受更為有褔」的意思。

神藉這些我過去的成長經歷及反省，叫我不要吝嗇我所得著的，是叫我與人分享生命，可以叫更多年青人得著豐盛的生命。所以我願意加入使者，與同工們一起服事這一代的青年信徒，以生命影響生命。