媽媽唔易做

今日有機會同細妹啲朋友食lunch, 個個都已經做哂媽媽，有啲已經有兩個小朋友，所以緊係係到大談生BB之道啦！我又唔客氣勁問嘢！真係獲益良多，最攪笑係教埋我點樣係醫院攞免費用品，叫我千祈唔好怕羞，因為真係任攞架。

除此之外，亦係他們身上看見有老公同心一齊揍兩個小朋友，同只有媽媽揍兩個小朋友，真係天淵之別， 看見只有媽媽一人揍兩個（佢好勁,一手抱住兩歲嘅女,另外隻手拎住BB跟car seat），食飯嘅時候，餵緊一個，另外嗰個又話要餵，卒之阿媽食得兩啖，個老公自己不斷估住自己食，卒之個阿媽忟到唔食，而有老公幫手嗰個媽媽，就舒服好多啦，可以安心食哂餐飯佢，互相合作真係好重要。

另外又聽他們分享，老公嗰邊家人要佢哋追到仔為止，之前又話無所為，生仔定女都得，最重要BB健康就得啦，點知係假嘅，攪到佢哋都好唔開心，因為已經生咗兩個女，仲要佢哋繼續追，好似唔洗錢養咁，如果下次又係女咁點呀？又要追呀？又要番工邊個幫我揍呀？個個講到火都嚟埋，佢哋異口同聲都話，我唔會生架啦，想生搵個第二個女人同佢生啦！

唉，我聽到呢到真係好心酸，因為家人想要傳宗接代，而不斷俾壓力啲仔女，亦間接影響佢哋嘅婚姻關係，加上，如果我無記錯，生仔定女係決定於於男方Y基因的，生唔到仔問題不在女人身上，如果男方無咩Y基因，搵個第二個女人生都係一樣。

生仔定女係唔係真係咁重要？重要過一段婚姻？

懷著ＢＢ朱的心路歴程 之 "詩篇139"

我同朱先生近排開始上Prenatal Class, 剛剛過去個堂，係睇整個生產過程，我同朱先生都覺得睇緊一套無打格仔嘅五級片，睇完仲驚過唔睇，我睇到ＢＢ離開母體個一刻，我啲眼淚當堂標出嚟，因為其一見到個畫面嚇親（不想形容=P), 其二好感動ＢＢ順利出世及母親好偉大。

嗰晚雖然都有少少被嚇親，但係當我諗深一層個老師所講，ＢＢ點樣係媽咪個肚長大，點樣預備自己離開媽咪個肚肚，媽咪自己嘅身體點樣預備好迎接ＢＢ出世，令我真係好覺得神做人真係好奇妙，亦被以下的經文深深感動。

詩篇139

......我的肺腑是你所造的；我在母腹中，你已覆庇我。

我要稱謝你，因我受造，奇妙可畏；你的作為奇妙，這是我心深知道的。

我在暗中受造，在地的深處被聯絡；那時，我的形體並不向你隱藏。

我未成形的體質，你的眼早已看見了；你所定的日子，我尚未度一日（或作：我被造的肢體尚未有其一），你都寫在你的冊上了......

懷著ＢＢ朱的心路歴程 之 "GOD knows BB朱 name"

近排我同朱先生幫BB朱改名, 我哋未知BB朱男定女, 所以要改定一男一女名字, 英文名已經有頭緒啦, 但中文名仍然諗緊, 我哋唔想亂改, 當我哋係到好無頭緒之際, 神用以下首歌remind我, 神已經為BB朱預備咗個名, 其實神之前藉著一本書已經話咗俾我知, 但當我同朱先生又埋頭苦幹搵名之際, 又唔記得咗, 今次真係要乖乖聽神話, 唔知神為BB朱改咗咩名呢? 神又會點話俾我哋兩個知呢??

期待期待.....^^

He Knows My Name
Words and Music by Tommy Walker
© 1996 Doulos Publishing
Jeremiah 1:5
"Before I formed thee in the belly I knew thee."

I have a Maker
He formed my heart
Before even time began
My life was in his hands

Chorus
He knows my name
He knows my every thought
He sees each tear that falls
and He hears me when I call
I have a Father
He calls me His own
He'll never leave me
No matter where I go

Chorus
He knows my name
He knows my every thought
He sees each tear that falls
and He hears me when I call