不是偶然

星期五放咗工之後, 去咗Crystal Mall food court到買碗粥俾病咗嘅朱先生食, 然後諗住趕返教會陪靈會, 但係係到等待啲外買嘅時候, 俾我撞到一個好耐無返團契嘅姊妹, 諗住走去say個hi,拎埋外買就走架啦,但係傾下傾下, 我好感受到姊妹好想同人傾計, 我心諗但係我趕住去陪靈會wor,再傾落去就去唔到嘅wor, 唔知點算之際, 神提醒我: "你哋上個星期五團契嘅時候你哋唔係為過呢個姊妹祈禱咩? 呢一刻佢需要你去關心鼓勵佢嘅時候, 而佢又願意open自己同你分享, 你真係想走??"

嘩! 簡直一言驚醒夢中人(I'm so stupid, 多謝神提醒=P),神係時常聽我哋嘅禱告架! 有時我哋會忘記, 但係神唔會囉!^^

我同姊妹有個好深入分享, 姊妹點解唔返團契, 過去嘅傷痕, 一路以嚟好多諗唔通嘅事, 當中神感動我鼓勵佢, 亦鼓勵佢返陪靈會.

第二日, 見到姊妹真係有返陪靈會, 好開心呀! ＹＥＡＨ！　ＰＲＡＩＳＥ　ＴＨＥ　ＬＯＲＤ！！　希望姊妹繼續返團契，靠神得勝，　我會繼續為你祈禱，　加油呀！

神藉著呢件事再提醒咗我，要留意身邊嘅人同事，當你剩係顧住自己嘅事嘅時候，往往會忽略身邊嘅嘢，同埋神俾你遇到嘅人唔係偶然架。