又老一年啦!

話咁快又老一年啦! 好驚囉! 唔知點解真係有少少唔開心, 以前細細個會好期待生日來臨, 但係以家就好唔想來臨, 真係老啦!^-^

今年生日仍然有班好同事同我慶祝生日, 今年亦好特別同埋阿亮一齊慶祝, 因為佢早我一日生日架, 加上B仔同嚟自多倫多同事Fonny好唔好彩地被迫同我哋慶祝, 真係唔好意思lu! Hohohoohoooo^O^

今年生日真係有好多第一次:

1) 我未試過親自揀蛋糕俾自己, 迫同事唱生日歌同我慶祝生日架! 真係新嘗試, 多謝一班鬼馬同事們啦!

2) 我未試過好似俾人追數咁, 先拎到朱先生送嘅花, 真係要多謝個送花司機咁盡責!

3) 我未試過收唔到自己送俾自己嘅禮物架囉(送生日禮物俾自己係我由細到大嘅習慣嚟架^^), 一心諗住正日會收到, 點知郵差叔叔將我嘅郵包送咗俾第二個人, 仲要送咗去Yaohan, 但係個郵包上面明明寫啱個地址, 最攪笑係送咗去幫我係結婚當日影相嘅攝影師個老婆到, 係佢叫我去拎番嘅囉, 真係要多謝Ken Choi個老婆啦!

4) 我未試過生日收到個JUMBO size嘅卡樂B薯片做生日禮物囉, 仲嚴我唔夠肥呀??^^ 真係要多謝Maggie姐啦!

好似小榮子話齋, "始終都有第一次"!!!^O^

係到多謝朋友們送嘅生日咭,同埋係facebook同SMS嘅祝福語呀! THANK YOU SO MUCH!^^