快高長大

Happy Birthday to ME 2012

朱先生特登請假陪我慶祝生日，但係好攪笑，行程有D奇怪，竟然我哋第一餐係High Tea??  Of course食唔飽啦，跟住走咗去食拉麵，然後係downtown走咗個圈(It was a worse part of my birthday, 因為好曬好熱同推住兩位小朋友，好辛苦，最慘係，朱先生唔（單）聲，等我著對舒服鞋去迎戰, 行到我哋上氣唔接下氣，腰酸背痛，因為超多斜路，都好，食咗咁多嘢消耗番哂），然後送兩位小朋友去奶奶到，可以俾我哋二人世界，跟住我哋去食飯同睇Avengers, 真係好耐無係戲院到睇戲，超興奮!！

亦都多謝朱先生精心挑選份禮物，唔錯唔錯! （係我事前同佢講我要頸鍊做生日禮物，但款式就要佢揀，What a BIG task...hahahaXP)

之後，成家人一瞓落床已經不醒人事啦! 

我諗我下次request定我要個relax嘅Birthday.

但係我真的很多謝朱先生嘅安排，辛苦哂，你真係好錫我! I love you so much!^^ 

亦都好感恩，神讓我對仔囡係我生日時都幾well-behaved，𡯁其是Jase, 我同佢講媽咪今日生日最好唔好扭計同喊，食嘢食快啲，俾我舒舒服服過生日，佢真係好聽話，想扭計嘅時候，我remind佢媽咪生日喎，佢會盡佢所能即刻收聲，非常俾面，I love my two lovely kids so much!!

 

Happy Mother Day 2012

連續兩日慶祝母親節，星期六同奶奶慶祝，親自整咗prime rib，星期日係爸爸到同一班媽咪們BBQ慶祝，原本都幾開心，但係BB朱因為星期五食得too much junk and cold food, 卒之打敗仗，係星期六晚發燒同咳到呢.....我其實覺得佢好慘咳到好辛苦超唔舒服，好想攬實佢錫下佢，但係當我諗到佢係咁食junk food(當我唔係佢身邊嘅時候）,  叫極佢唔好食咁多，同我發脾氣個衰樣，真係忍唔住同佢講自己攞嚟gin叫佢死開（因為病所以超cranky, 想打爆佢），但諗心一層，其實佢仲好細個，大人都唔係幾識節制，何妨呢位未夠3歲嘅小朋友？ 我諗我真係當咗佢好識嘢咁.

不過做阿媽嘅，口講想打爆佢，但係點忍心呀!  噚晚臨瞓同佢一齊祈禱求神醫治，又每隔一個鐘過去睇下佢有無退燒，make sure佢唔好凍親又唔好熱親，直至到真係退咗燒先安心瞓覺。好感恩，今朝發燒退了，只剩下咳同鼻水, 我哋以為會返唔到崇拜, 卒之都返到。

今晚妹妹朱都好似有少少病，祈禱俾佢哋今晚好好瞓，聽日兩個都無哂病病啦。。。

呢個係我母親節願望！^^

戒夜晚尿片﹣Day 5

叻仔，噚晚無尿床，媽咪proud of YOU!!!^O^
繼續努力!！

戒夜晚尿片﹣Day 3 & 4

每晚尿床一次，但係第二朝先發現。算唔算有進步呢？
起碼我哋兩個有兩晚可以一覺瞓到大天光^^.

戒夜晚尿片﹣Day Two

Thanks GOD!!
BB朱有進步，噚晚只係換咗一次褲啫，跟住一瞓到大天光，叻仔，繼續努力!！^^

戒夜晚尿片﹣Day One

噚晚開始幫BB朱戒夜晚尿片，結果係換咗三次衫同換咗一次床單呵咗一次夜尿，好在我已預備好自己好夜先瞓，可以經歷哂呢啲嘢先瞓著，又睇下今晚有無進步先，少一次已經好開心。BB朱加油呀! 絲咪支持你。

第一次一家四口去游水

今日做完運動，朱先生帶埋對仔女係泳池會合我，一家人去游水，bb朱同妹妹朱，超鍾意，玩得好開心，妹妹朱好厲害，我用一隻手托住，佢自己好enjoy浮係水面一邊踢水一邊食手指，勁！最衰無影相，超攪笑!

不過，開心過後，痛苦嘅開始，就係同佢哋沖涼，超麻煩，仲辛苦過做運動，不過，始終都有第一次。總算ok!^^