而家進入第二個星期嘅新routine, 第一個星期BB朱好合作，無論嫲嫲，公公定Rita姨姨揍都好乖，同佢哋玩得好開心，但係對我就麻麻啦，唔知係唔係佢覺得我無咩時間同佢玩，所以每朝早5點幾起身（早瞓遲瞓都係同一時間起身，仲早過朱先生起身返工），要我同佢玩，簡值想死，攪到我每日都要飲coffee提提神，返工都OK，對team俾我想像中好，大家彼此幫助，令我好快投入工作，但係放工返到屋企7點鐘，又再作戰，煮飯（盡量簡易，定必30分鐘內完成），食完飯同BB朱沖完涼，都8點幾啦! BB朱瞓覺時間又到啦，完全無得同佢玩，就要瞓覺啦! SO SAD。
好多人話我一個星期個樣殘唒！ 唔夠瞓係女人最大敵人．．．．↑＿↑
不過，今個星期會有新嘗試，就係朱先生煮飯，讓我可以同仔仔玩，噚日係第一日，我一邊同阿仔玩，一邊教朱先生煮餸，都幾成功，而BB朱今朝6點幾先起身，好有進步，大家努力識應新routine吧！
No comments:
Post a Comment