其實嗰晚神要我繼續睇一本書叫做「為未出生的孩子禱告」，之前我對呢本書唔知點解全無興趣（呢本書係係台灣買，朱先生極力要買, 但係佢都未睇過），係有一日我覺得再唔睇呢本書，BB朱出咗世之後更加唔駛睇，所以諗住係咁意睇下啦，點知一開始，完全唔想停，我諗住呢本書只係講啲教你啲技巧點為BB祈禱，我完全無諗過呢本書係講「醫治」，用祈禱醫治過去嘅傷痕，當中嘅見証好感動我，每次睇都會流淚。
神就透過呢本書係剛剛過去嘅星期六晚對我說話，神話我知佢會透過BB朱去醫治我同朱先生嘅過去，我嗰一刻呆咗，我完全無諗過神會透過BB去醫治我哋，真係無諗過，究竟神透過BB點樣醫治我哋同醫治我哋啲咩嘢，我唔知，我只係知道神醫治嘅手會臨到我，朱先生同BB朱當中，我哋要預備好去經歷神嘅醫治！
雖然瞓唔到背脊又痛，但係嗰晚真係與神有一個好甜蜜嘅交通，每一個禱告，每一滴眼淚，我都唔會忘記。
其實嗰晚神已經醫治我心裡有一樣恐懼嘅嘢，現在我已從這個恐懼得釋放，可以更輕省咁懷著bb朱，等待他／她出世啦！^O^ Thanks GOD!
2 comments:
that's amazing :)
God promised that He will not leave until His healing work is completely done with us.
This is just part of His redemptive works of our lives. Praise God.
Post a Comment