天父

近排睇緊本書叫做"Child of Divorce Child of God",令我諗返起“天父”。

聖經教導我哋，神係我哋嘅天父，而弟兄姊妹會係祈禱當中稱神係天父，或者阿爸父，但天父同阿爸父呢兩個稱呼，唔知點解對我嚟講個感覺好遠，我用唔到嚟稱呼神，因為我成日覺得我已經有爸爸啦，做咩要叫神做爸爸喎，硬係叫唔出。

而我覺得神係我最好最好嘅朋友，可以無所不談，同埋我好信得過佢同愛佢，只係爸爸個稱呼始終apply唔到係神身上，所以我無為以有咩問題。

但係過去呢三年，神開始俾我知道問題所在，點解我硬係稱呼唔到神為天父，呢三年神努力拔起埋藏咗我心底裡面嘅一條刺，然後作出醫治，包紮，讓我完全痊癒。

神讓我知道我其實好嬲爸爸（嬲佢以前點樣傷害媽咪），但另一邊廂我知爸爸好錫我同照顧我，我亦都好愛爸爸，所以好mixed feelings, 但爸爸嘅好，令我自自然然將我對佢嘅嬲怒埋藏咗係我心底好底嘅地方，連我自己都唔記得, 無再挖返出嚟。

神緊係唔想我帶著呢個傷口成世，雖然俾神挖返哂啲嘢出嚟好痛，但係以家望返轉頭係好感恩，神同我返去嗰個傷痛地方，重新開始，而家更加可以freely稱呼神為”天父“或”阿爸父“，令我同神更親近多一步。