又扮女仔

今次唔係我幫佢扮女仔架，係Auntie Esther幫佢帶咋 , 不過又幾cute喎！^O^

哎呀，BB朱係男仔嚟架，唔好再扮女仔啦!

恩典

前排唔小心係停車場back up時撞到人哋架車，即刻落車say sorry同預備資料報ICBC，但係嗰對夫妻竟然話唔需要，剩係叫我下次小心揸車就得架啦！ 我話唔好意思，都係抄低啲資料好啲，加上真係撞花咗佢架車，最攪笑個叔叔同我講，架車咁花都唔知邊忽係我撞，算啦，聽完嗰句大家都係到笑，然後佢哋開車走咗啦!

呢件事，唔係神嘅恩典仲係啲咩呢？？超感恩↑＿↑

值著呢件事俾我諗返起，有次朱先生係停車場泊車，一出車隔離架車alarm響，但係朱先生完全無掂過佢架車，相信嗰架車alarm好sensative, 而個車主即刻怒啤我哋，跟住就抄底我哋架車車牌，然後又睇下我哋有無整花佢架車，我哋根本無掂到佢架車，所以我哋都費事理佢就走咗啦!

所以藉著嗰對夫妻嘅行為，令我好想pass it forward，換成係我，我係唔係真係做到呢？

Browns Social House

係西4街見到呢間restaurant, 我同朱先生成日都好想試，但係去到西4街次次都唔記得有呢間嘢，最終都無食到。
早排發現原來Coquitlam都有呢間restaurant，所以我哋走去食佢哋嘅bunch，都不錯，最正嗰日嘅天氣好好，係outdoor到食，超enjoy呀!

教會15週年晚宴

好感恩在神帶領下我哋教會步入第15個年頭啦! 雖然經歷咗好多風風雨雨，但係神嘅祝褔同恩典無離開過我哋，願神繼續帶領教會。^O^

最開心見到所有以前帶領過PMPGMBC嘅每一個牧師，尢其是許師母，因為當年剛剛加入PMPGMBC大家庭，佢係其中一個好關心我嘅師母。但係無機會同佢哋影相，因為實在太多人圍住佢哋啦!

第一次玩滑梯

呢位小朋友真係好勇，第一次“sir”滑梯已經唔驚之餘仲自己扭下扭下個pat pat自己“sir"落去，真係勁！

生日美國之旅

今年朱先生靜雞雞係我正日生日請咗假，surprise me 帶我同BB朱去美國一日遊，嗰日天氣超正之餘，BB朱心情都不錯，一上車就瞓，一落車就玩，無咩點喊過，俾足面媽咪過一個開心嘅生日（BB朱近排出牙仔同戒食手指，所以超忟憎，連坐車同行街都勁喊，可想而知佢有幾辛苦), 今次我哋剰係去Bellingham, the Outlet 同Target已經去咗成日，最後我哋都趕唔切返教會培靈會。

今年朱先生送咗一份大生日禮物俾我，讓我可以帶返工慢慢嘆，呵呵呵^O^!

原來我好Out

近排成日俾人話我out,　仲要係出自Auntie Uncle個口，攪到我真係覺得自己好out，諗起都想笑

ＸＤ

首先俾一個Uncle話我部手機out，佢話連佢老婆都唔用啦！@~@

跟住俾我Auntie話我部相機好慢同太basic, 應該買部新update下喎！

原來啲Auntie Uncle咁IN架，真係失敬哂！^O^

騎馬馬

呢位小朋友越嚟越大胆同貪玩^^

控球技術

My 1st Mother's Day

今年係我第一年做媽咪過嘅母親節，真係值得記念，第一次喎！^O^
好開心BB同朱先生特登買個蛋糕同我慶祝...you are soooooo sweet!


係到祝各位媽咪母親節快樂！！=D

舊朋友聚聚舊

同舊朋友聚聚舊真係好開心。^O^

一開始，主角未出現，我哋開餐先lu,　今次係我個balcony到一邊食西南風一邊食韓燒，真係別有一番風未，希望大家唔好病倒就得啦！ＸＰ
（請遠睇呢幅相，見唔見到一個one length 頭嘅Leyond，似唔似電車男呀？？　笑死我同朱先生XD)

主角Ken Fung出現啦！　身邊嗰個係佢女友Bonnie.


咁難得聚頭，加上大家都係五月生日，梗係要一齊慶祝啦！



舊朋友，願你成功做老板，係飲食界創一番成就！加油！^O^

Minnie BB Chu

俾媽咪攪到成個女仔咁!! 可唔可愛ne?? XP

Dine Out @ Moustache Cafe

呢間為於北溫嘅Moustache Cafe真的不錯，值得推介俾大家，啲嘢食好好味，環境幾舒服，有可能因為不太多人，所以服務態度都好好，我哋同小曹生小曹太都好enjoy嗰晚嘅dinner.

爸爸媽媽，究竟我係點樣嚟架？

呢個問題我諗差唔多每個小朋友都會問，而做父母真係唔知點答，前排我買咗本書叫“ＷＨＯ　ＭＡＤＥ　ＭＥ？”，專係解答呢個問題，真係幾白架，圖文並茂，跟住講實無死，加上灌輸埋正確思想（結咗婚先），及有提及神，值得推介俾大家。　

近排用呢本書做bed time stories (hahaha..=P), 有啲地方真的很難講出口，所以早啲practice下，到時真係問起上嚟，可以毫無尷尬及非常流暢地講解俾BB朱聽。

此書種子有售，會員价４個幾，超抵！

帶帽帽

甜點車仔檔

呢次嘅製成品，真的覺得自己整緊真的中式甜品，紅豆綠豆要逐粒逐粒捽，然後加入麵粉mix埋一齊，等乾再用刀切一塊塊，簡直做真的一樣，但係唔食得。
做到一半真的很想放氣，因為要好細心（自問不是細心的人），但見到個製成品之後，都是值得的！^^

哇哇哇哇。。。。。