奇怪的星期一

啱啱過咗嘅星期一，有好多奇怪事發生，令到我Ｒ哂頭，不過thanks GOD, everything 都有驚無險。

事情一
嗰朝超早收到細妹電話，佢話剛剛有３個差佬拍佢門，問佢噚晚凌晨３點鐘係邊到，細妹咪話係屋企瞓覺囉，跟住咪問番啲差佬發生咩事，個差佬無理我細妹，然後繼續問，屋企有無男人噚晚凌晨３點揸咗架車去咗Langley, 細妹咪話佢老公噚晚係屋企瞓覺無出過街，個差佬好唔有善同細妹講"I don't trust you, you should tell me the truth", 細妹R哂頭都唔知發生咩事，跟住個差佬問細妹架Rav 4係邊，唔好收埋架Rav 4, 我聽完都R哂頭，細妹同佢老公得架civic 同Acura ，跟本無Rav 4, 跟住個差佬又話唔信佢，跟住無耐仲要拖咗佢架Acura走，後嚟個差佬先同佢講噚晚有個男人揸住架Rav 4係langley超速，有個差佬追住佢叫佢pull over,但係俾架Rav 4走咗，但係個差佬抄低咗個車牌，個車牌就係細妹架Acura個車牌，細妹咪同佢講佢哋跟本無去過Langley同無Rav 4,　做咩要拖佢架車，但係個差佬唔理照拖，然後叫細妹打電話去Langley Police Station問個究竟，跟住咪打囉，俾咗個File#佢哋check, R 頭嘢又出現，個Langley Police Station話個file係發生係一月個喎，細妹話個３個差佬話係噚晚發生個喎，然後Langley Police Station又話噚晚當值個差佬放緊假，要星期五先返，所以個File未到手，叫細妹星期五先再打去搵嗰個差佬，我細妹咪話緊係唔得啦，無咗架車點返工呀，同埋嗰單嘢跟本唔關佢哋事，跟住langley police station話要問上頭，遲一個鐘先復返佢，無耐個langley police station打返俾細妹，話佢哋可以攞番架車，但係啲差人要沒收細妹個License Plate，要佢哋自己整返個新License Plate, 其他詳情叫我細妹打番去Vancouver Police Station，因為係Vancouver嗰邊police station拖佢哋車，所以所有嘢要Vancouver個邊決定，到最後仲要我細妹俾拖車費。
我聽完火都嚟埋，好明顯嗰個差佬抄錯車牌啦，啲差佬好醒目沒收咗細妹個license Plate, 就當一切沒發生過，咩世界，自己做錯嘢仲要推來推去，仲要係警察，因為事情嚟得太突然，唔記得咗抄低個３個差佬number, 而又無任何文件證明佢哋做錯嘢，真失策，唔係一定告死佢哋。
跟住我同細妹講，感恩唔係佢老公開門，有可能無辜辜俾人打咗一身都唔知咩事，唉，真無奈。

事情二
跟住無耐又收到香港舅父打嚟嘅電話，話媽咪嚟緊要做好大嘅手術，因為媽咪一路以來成日都話脚痛，近排越嚟越痛，所以去睇醫生，照完Ｘ光先知，媽咪嘅盆骨同大腿個交接位已經磨到平哂，要做手術，醫生話個手術都幾大型，做完之後，要休養半年，舅父知道呢件事之後，所以打嚟叫我問候下媽咪點，我聽完超擔心，所以即打去搵媽咪，同佢傾完計之後，媽咪都好樂觀面對，但係唔知個手術要排期等幾耐，又唔知需要幾多錢，有好多未知數，不過唔駛驚，媽咪，我會繼續為妳祈禱，神會保守妳每一步，希望今年年尾或下年年頭可以返去探妳同公公啦！

事情三
夜晚約咗幾位弟兄姊妹係Tim Hortons開會，但係去parking攞車嘅時候，條開parking門嘅門匙suck咗係度門到拎唔番出嚟，出盡力都攞唔到，跟住打俾朱先生求救，佢抱堆個仔落嚟都求唔到我, 然後打去apartment 嘅emergency 揾人幫手，但係要等，不過，每一個出入parking嘅人都好好，好熱心幫我，但係都係拎唔返出嚟，跟住朱先生叫我走先，佢同阿仔企係到等人嚟幫手（超擔心唔知佢哋等幾耐-_-），到最後都係等唔到emergency嘅人嚟幫手，因為病咗嚟唔到，但係好感恩神派咗個天使嚟幫手，朱先生話有個經過嘅男士用咗佢嘅Parking門匙推咗我條匙出嚟，跟住想試下係把鎖壞咗定係我條門匙壞咗，所以個位男士用佢條鎖匙再開多次parking門，點知輪到佢suck住咗，朱先生話幾驚佢拎唔番條匙出嚟呀，好在用番同一個方法可以拎番條匙，咁都無咁驚，到最後，apartment嘅管理人派咗人整返好個鎖啦！

簡值係一個超奇怪的星期一.......