年終財政報告

嘩！原來今年駛咗咁多錢，無得儲之餘仲要倒貼，又要供樓供車又要俾車同屋燕梳，水費電費管理費，又要買奶同尿片供RESP，啲固定支出，已經駛咗我哋嘅大部分人工啦！之前仲俾咗無數份人情，下年返番工仲要俾Day Care錢，都仲未計其他雜費，哈！真係要慳得就慳，都好！睇到今年駛咗幾多，咁嚟緊就要睇餸食飯啦！

但係我又想返番工之前，同襯BB朱仲未到兩歲機票仲係唔駛錢嘅時候，一家人去旅行，去一個我哋好想去嘅地方，玩下同俾朱先生relax下（佢工作好大壓力，需要抖抖氣），因為下年開支又大咗嘅時候，去旅行就會變咗做奢侈品，等我好好PLAN下先。