自煮５之「番茄雪菜豬肉」

呢個菜係跟通少學架，見咁多人俾評價話好好味，同好容易煮，所以就試下，估唔到真係好好食（煮去小組gathering個個都話好食），諗住雪菜同番茄九唔搭8，但係原來超夾，食剩攞嚟煮米粉仲正，無時間煮飯，試試呢味菜啦！^O^ （可click入去通少到會搵到recipe架啦！）

「就想賴著妳」

剛剛睇完「就想賴著妳」，蠻不錯，自"命中注定我愛妳"之後,呢套係我會想追看落去嘅台劇,演家姐嘅小嫻做得好好,非常之機車,但最估唔到嘅係,呢部劇令我對言承旭改觀(之前我完全無興趣睇佢啲劇,唔係有Ella,我諗我唔會揀呢套劇嚟睇),原來佢都識演氣架, 佢雖然仍然演靚仔有錢仔,但係今次啲感情戲做得好好,好到肉,我都俾佢感動到,佢個角色好討好,如果有時間不妨睇睇!^^

送上Preview:

爸爸係邊度呢??

幫爸爸做facial

玩電腦連環圖

懶人必備

今年情人節, 我送咗一件好啱懶人用嘅嘢俾朱先生,其實我而家用緊呢打Blog,都幾爽, 哈哈!

就係呢個Lap Desk, 面頭係張枱,低下係Pillow,我一見到佢,即刻就知道係屬於朱先生,而家佢瞓係張床到上網幾爽,唔駛俾個Laptop熱親大脾啦, 哈哈!

2010 Vancouver

剛剛星期六同星期日分別去咗Science World, Plaza of Nation, Abrebeen Centre, Downtown Granville Street,同 Robson Centre 去感受下奧運同新年氣氛，唔去都唔知個氣氛可以咁強烈，好正！雖然好多人，但好有鉄序，同埋好耐無見到啲人咁nice啦，哈哈！攪到我同朱先生都好想買件奧運衫應下節，但係好多MALL已經空空如也，剩番啲買剩庶，係Downtown好多呀，但係排好長龍，都係算把啦！

星期六係同細妹一家食完團年飯去，雖然有微微雨，但係一齊去搭Skytrain,從Science World行去Plaza of Nation,個夜景超靚，沿途每一個skytrain station都有Free chocolate 同樽裝水派，又有好多奧運嘢睇，但係落雨無入去睇，加上我哋嘅目的地係Plaza of Nation行年肖，不過，可以話俾大家知，無咩嘢行同睇，Abredeen Centre仲有新年氣氛過佢，所以之後再去Abredeen Centre，超爆多人，好熱鬧，差唔多count down嘅時候，我哋先至走，我諗最EXCITING都係BB朱，第一次搭skytrain,好多嘢睇，佢對所有嘢超好奇同超興奮，手舞足動，好攪笑。

見星期日好好天,約埋譚氏夫婦去Downtown Granville Street, WOW! 好多嘢睇,不過唔夠時間行, 我知呢個星期會好天, 我諗明天帶BB朱落downtown行行,順便等埋朱先生放工.