AFC Annual Dinner

今次ＡＦＣAnnual Dinner 已guest身份去參加，好特別，今次可以同我圍枱啲人熟落咗，有傾有講，都幾開心！^O^

最特別係今次嘅 little gifts for all volunteers 係LEGO FIGURE, 仲要每個volunteers收到嘅LEGO FIGURE都係unique嘅，好特別好得意，估唔到我同朱先生都有份，好可愛呀，最攪笑係朱先生係一頭灰髮，我哋兩個手裡拿住牛角飽，有心思有心思，我最鍾意嘅係嗰張mini thank you card, 超可愛呀！　裡面老細寫嘅內容好sweet tim 呀！ I miss u, too ar!^O^

女人粥

上個星期二原本去prenatal class reunion，但係朱先生突然要加班，所以去唔到，其實都幾失望架，因為好想見下大家啲ＢＢ，影幅相留念下，但係最終都係趕唔到去，無計啦，都唔想嘅。

跟住我哋就走咗去「芝穎豪園」食飯，即係芝潁芝韻婷嘅肥老板開架，因為睇咗老細facebook啲相先知，所以好想試下，啲野食都ＯＫ，無咩特別驚喜，不過就好細碟同價錢略貴，好似午餐多choices啲。

其實去到個度最想試就係「女人粥」，因為好想知有咩材料，點解叫「女人粥」，原來係for女人補血補身，裡面有紅棗，蛋，雪耳，雞，但係味道好普通，即係味精雞粥一碗，價錢都唔平，所以一定唔會再叫。

彈琴琴

細妹之前送咗個又可以用手又可以用腳彈嘅琴俾BB朱，之前太細個完全無反應唔識玩，而家三個月啦大個仔咗開始有啲反應，所以朱先生教佢玩呢個琴琴，ＢＢ朱玩到個樣好緊張咁，佢心諗究竟咩嚟呢，一掂就有聲嘅？？　肯定好多question marks 係佢個頭上面^O^

三人行 之 Granville Island 一日遊

剛剛過去嘅星期六，咁好陽光，所以我哋三個去咗Granville Island食lunch同周圍逛，好爽嘅一天，係Granville Island竟然俾我哋撞到蘇施黃，本來想搵佢影張相，但係睇見佢好專心咁研究啲食物，所以費時打擾佢，跟住又俾我哋撞到Rev. Todd同佢太太take a break 出嚟行街街，relax一下，yeah! 你哋真係好需要架。

bb朱第一次騎馬馬同騎(博)馬

我哋買咗四種唔同味嘅啤酒（原來真係飲得出唔同味架bor, 真係見識少，失敬失敬）

Prayer Walk

上個星期嘅團契週會係"Prayer Walk",之前都聽過下咩嚟，今次係第一次行動，我哋團契分開３個人一組，一邊圍住教會嚟行一邊為教會祈禱，初時唔知祈咩架，但係一路祈越祈越多，我好感受到聖靈urge我去為教會禱告，我哋三個人一邊行一邊開聲祈禱，邊個有感動就邊個開聲，好free style，好「正」，不知不覺祈咗３０分鐘，原先都唔想停，但係係我頂唔順，因為我（咩）住個仔行，所以好攰，呢個真係好好嘅體驗，如果好天，團契攪多幾次都好呀！^^

Ernie?? Bobby??劉青雲??

哈哈，近排好多人不斷話BB朱似邊個，唔係講似我同朱先生喎，而係卡通人物同明星。

睇下你哋覺得似唔似啦！^^

第一個：芝麻街Ernie（唔記得邊個話似）

第二個：歐陽振華（教會弟兄們話似）

第三個：劉青雲　（餐廳waiter同我細妹話似）

窮富翁大作戰

呢套係一連4集嘅真人SHOW,由4個有錢人去親身經歷窮人生活,好有反醒. 值得一看.

佢哋都好好多只係用五日去經歷窮嘅日子,點辛苦都好五日完咗就可以返番佢哋平常嘅生活,但係一班貧窮嘅人都唔知幾時先可以走出貧窮嘅生活.

我只係post咗一集,如果有興趣自己係youtube到睇埋其餘個幾集啦! ^^

Sorry!Sorry!

近排好鍾意呢首歌,有可能睇得台灣節目關係,佢哋成日學呢隊人跳舞,而我又覺得啲舞跳得幾型又得意,雖然唔知首歌講咩,但係都幾鍾意,連朱先生都鍾意埋,哈哈,佢仲搵咗呢隊韓國組合好多資料tim,真誇張. 不過,唔講唔知原來佢哋係一隊13人組合,嘩! 駛唔駛咁多人呀?

呢個係有中文字幕版嘅MV,你可以跟住嚟唱架,不過要用國語,好攪笑架=P


呢個係山寨版,扮得好似呀!