開估啦！！

你哋全部都估錯啦！

呢個係ｗｒｉｔｅ－ｏｕｔ嚟架！

好得意呢，哈哈！＾＾

生日後感

今年生日好特別, 對自己嘅生日唔係太在意, 真係差啲唔記得 (以前都會諗下朋友會點樣同我慶祝呢? 朱先生會俾咩驚喜我呢? 到生日嗰日總會感到有點寂寞, 因為expect太多啦!以前會由13號等到過咗12am變咗14號睇下有無人send sms 給我或send e-card給我say happy birthday 先瞓) 但係今年好早瞓咗, 無check emails, 無expectations, 反而覺得好舒服好開心, 我諗今年嘅生日係最難忘及開心, 反而最多驚喜.
係星期二早上先發現原來係facebook 收到好多人嘅祝賀及收到好多ecards仲有sms, 好多謝大家呀! 有可能無咗expectations, 所以有好多驚喜!! 多謝大家嘅ｂｌｅｓｓｉｎｇｓ!!
GOD BLESS ALL OF YOU!!^^

與家人慶祝生日！

噚晚好開心同屋企人係ＴＨＥ ＫＥＧ慶祝我生日，見到佢哋每一個都食得好開心，加上間餐廳送咗一個非常ＹUMMY 嘅ＣＨＯＣＯＬＡＴＥ ＨＥＡＶＥＮ給我，真係好好味呀！

與一班可愛嘅同事共進生日午餐!!^^

好多謝各位好可愛嘅同事,係星期二同我食咗一個好豐富嘅生日午餐，好開心呀！ 雖然余老闆唔係到（去咗旅行）但係佢都好ＳＷＥＥＴ呀，佢托ＭＡＹ姐請我食呢餐午餐，多謝你呀！
同埋多謝你哋嘅咭（不過下次可唔可以唔要豬豬生日咭呀．．哈哈）

我哋嘅愛巢!!

好感謝神呀! 佢係一個聽禱告嘅神, 我和朱先生不斷為搵屋禱告, 求神讓我們搵到一間大家都鍾意嘅地方, 呢間就係大家一睇都覺得好啱嘅地方啦!

呢個都算係part of 我嘅生日禮物啦！（因為係我生日嗰日落訂架，哈哈！）雖然係租住先，我和朱先生會努力儲錢，會係不久將來買我哋第一間屋架啦！！＾＾

與朱先生慶祝我嘅生日

星期一嗰日我正日生日朱先生特登請
假陪我, 好開心呀!

好感謝神嗰日做咗好多好多嘢...亦都完成咗好多好多嘢!! (唔係有咩特別節目慶祝生日, 而係大家一齊完成咗好多婚禮嘅嘢, 放咁啲心頭大石啦! 嘻嘻^^)

呢嗰就係生日晚餐啦! 都幾好食架! 不過我哋無咩為口, 因為實在太累啦! 差不多影完相後, 就打包走啦! 哈哈!^^

我的好組長

上個星期五好開心呀! 我有一個好體貼嘅組長，佢知道我生日，又知道我唔食得澱粉質（因我減肥中）所以佢特登自己親自做咗個少糖無澱粉成份嘅花型啫哩蛋糕及自製一張好別緻嘅生日咭給我（哈哈！雖然唔係好睇到花型）我真係好感動同埋好ＳＷＥＥＴ呀！好多謝我嘅組長同埋各位小組組員。
但美中不足係我哋唔記得影小組合照囉．．．嘻嘻！

Daniel Powter - Bad Day

ＬＥＹＯＮＤ係朱先生個ＢＬＯＧ到送咗呢首歌俾朱先生作為鼓勵，因為我８，所以聽咗呢首歌，覺得又幾好聽喎,所以ＰＯＳＴ係自己嗰ＢＬＯＧ同大家分享下啦！

估吓咩嚟！！？？？

近排買咗一樣好得意嘅嘢，我初時都估唔到咩呢囉．．．
宜家俾幅相大家睇下先，遲啲先開估．．．嘻嘻．（知道嗰啲人唔準開估，但係可以俾提示）

哎吔, 點解撞到正?!

哎吔, 今個星期六屋企人會係屋企BBQ預祝母親節, 但係星期六放咗工我要幫佈道會唱詩走唔到, 點算好呢?? 唉.....好苦惱!!^^"

細妹加油!! 家姐會好好為你祈禱!!

聽日細妹要去睇醫生, 無人車佢去, 又加上無人幫佢睇住佢個女, 所以佢要帶埋個女自己搭車去睇醫生, 我好想幫佢, 但係我又無車同埋要返工, 所以有啲唔開心幫唔到佢. ^_^
寶寶, 家姐會為你身體祈禱, 神會保守及醫治你架!
都為妹妹祈禱, 同媽咪搭巴士同埋睇醫生時, 要乖乖哋聽媽咪話.

返多啲...知多啲...祈多啲

今日係祈禱會裡面知道梁牧師貧血, 貧血到一個程度好危險好唔正常, 有可能係內出血或其他原因, 根據蔡醫生講, 牧師有可能隨時暈倒, 所以去安徽短宣行程要取消, 好讓牧師有好好休息.
眼見一個一個教牧身體出現毛病, 人事上又有好多調動, 各方面受到好多攻擊, 所以要好好為一班教牧祈禱, 佢哋係好需要我哋禱告支持及鼓勵, 一起打呢場屬靈爭戰, 靠着耶穌得勝!!!

希望一班教牧係今個星期retreat裡面, 從神裡從新得力!! 繼續牧養我哋呢班小羊啦!!!^^

唔記得自己有個blog..=p

嘩好耐無寫blog 啦! 差啲唔記得自己有個blog, 好在朱先生提醒, 唔係不經不覺咁摺埋咗都唔知囉! 哈哈...., 一個唔識打中文嘅朱先生都咁努力用cut ＆ paste方法寫blog, 我都要努力寫啦. ^^

人間有情(I)

今日當我到咗轉車個站, 唔知點解咁煙霧彌漫, 朝着啲煙望過去, 發現係對面馬路有架大貨車車頭大火, 霧出濃濃嘅煙, 我見到個司機用條好細好細嘅毛巾想拍熄啲火, 但係無用,火太大毛巾太細, 但個司機仍然努力係咁拍! 當時我嚇倒呆咗幾秒, 好驚會爆炸, 唔知點算好緊張.
有另外一架大貨車經過, 個司機即刻拿住個滅火器落車幫手搶救(其實佢架車泊咗係馬路中心, 阻咗成條街啲車)不過, 真係救火要緊, 唔係仲大件事, 然後又有一架對面行車線大貨車司機大叫問仲要唔要滅火器, 因為佢都有一個, 但太嘈啦, 唔知係唔係聽唔到無回應, 因呢架車阻住好多車, 所以不能久留, 只好開車走.
感謝神, 最後平安無事, 大家努力之下救熄哂啲火., 個司機見無咩事, 架車仲行得, 就駛走咗架車. 跟住幫手救火嘅司機都開車走了.
係呢件上面我見到人間有情!! 唔知點解個心嗰一刻感到好溫暖.^^

好好食...嘻嘻嘻哈哈

成個三歲小朋友仔咁.... (我只有16個月大咋)