戒夜晚尿片﹣Day 3 & 4

每晚尿床一次，但係第二朝先發現。算唔算有進步呢？
起碼我哋兩個有兩晚可以一覺瞓到大天光^^.

戒夜晚尿片﹣Day Two

Thanks GOD!!
BB朱有進步，噚晚只係換咗一次褲啫，跟住一瞓到大天光，叻仔，繼續努力!！^^

戒夜晚尿片﹣Day One

噚晚開始幫BB朱戒夜晚尿片，結果係換咗三次衫同換咗一次床單呵咗一次夜尿，好在我已預備好自己好夜先瞓，可以經歷哂呢啲嘢先瞓著，又睇下今晚有無進步先，少一次已經好開心。BB朱加油呀! 絲咪支持你。

第一次一家四口去游水

今日做完運動，朱先生帶埋對仔女係泳池會合我，一家人去游水，bb朱同妹妹朱，超鍾意，玩得好開心，妹妹朱好厲害，我用一隻手托住，佢自己好enjoy浮係水面一邊踢水一邊食手指，勁！最衰無影相，超攪笑!

不過，開心過後，痛苦嘅開始，就係同佢哋沖涼，超麻煩，仲辛苦過做運動，不過，始終都有第一次。總算ok!^^

下雨天

一下雨天

Jase:  媽咪，妳睇今日好好天呀？
我： 吓，邊好天呀!  落雨喎！
Jase:  點解落雨係唔好天呀？
我： ummm...又係喎，點解落雨代表唔好天呢？ good question!! (反省ing)

另一下雨天

(行行下Robson街，突然落大雨，好狼狽咁跑到一邊避避雨，諗住等啲雨細啲或停先走，但係等咗好耐都係咁大，跟住我同Jase講不如我哋祈禱，求天父停咗啲雨俾我哋走啦!  Jase 話好，跟住我哋做咗個禱告，不過等咗好耐啲雨都無停，咁等唔係辦法，惟有帶住兩個小朋友跑去Mall到避雨。一入到Mall, 我哋已經濕透哂，要除哂啲jackies坐低抖抖）

Jase (抬起頭望住上面): Thank you for stopping

我：吓，你講咩呀？

Jase: Thank you God for stopping雨雨

(我心諗我哋係室內喎更係無雨啦!  出面仲好大雨bo.)

Jase: 媽咪，我好鍾意祈禱，真係無雨雨呀!

(我笑住無言，因為我又再反省ing)

親子運動篇之熱身運動

妹妹朱沖涼涼

妹妹朱好鍾意沖涼架，手舞足蹈之餘又玩口水又唱歌，好攪笑!^O^

親子運動篇之踢足球

而家逢星期六，朱先生同BB朱一齊做運動，今次第一次踢足球，BB朱非常投入，但係唔知點解永遠唔鍾意入球...去片你就明白架啦!^^  (唔好意思有啲手震，唔係profressional 係咁架啦，將就下啦!hehe=P)

污糟啲部落重新開放

因為之前所經歷的事唔想公開住，自己又想係個blog裡面舒發下自己嘅感受，所以將個blog privite 咗.

而家再重新開放，加上我唔delete之前啲posts, 因為我好想將我嘅經歷見證神的大能。

有可能大家睇完啲posts, 會覺得而家無嘢呀，好ok喎！個囡又無事。
係呀! 所以我好想話俾大家知，好多嘢唔係必然， 當你知道肚裡面個BB有事，原來醫生又幫唔到你，你無嘢可以做去救個BB，個種無助個種痛真係到而家仍然瀝瀝在目，所以我好感謝神係整個過程神無離開過我，一路鼓勵我賜平安俾我，我好相信Amana無任何事健健康康出世，真係神的思典!

我亦係到同屋企人講聲唔好意思由頭到尾我哋都無話俾你哋知，係因為唔想你哋擔心，當你哋嘅擔心嘅時候，好自然會成為我哋嘅壓力，所以我哋決定唔講，希望你哋唔好見怪!^^

YOU are faithful

Praise the Lord!!!  細B朱係12月2日健健康康出世啦!  重5磅9,  之前所擔心的，在神的手裡已變成祝福，再一次讓我經歷神係信實嘅神，HE do mirales!!!!!!

細B朱中文名叫朱子心，英文名叫Amana, 好多人問我點解唔係Amanda, 而係Amana, 要特別啲？？
唔係呀，因為係神俾我一個感動，囡囡個名個意思要係faithful(信實）咁解，所以向呢個方向搵， 最後俾我搵到Amana呢個名啦!

Amana \a-ma-na\ as a girl's name is of Hebrew origin, and the meaning of Amana is "faithful".


當我叫Amana嘅時候，remind me of 神係信實的。

唔知大家記唔記得Jase個名意思係咩呀？ 係”醫治“咁解，所以當我叫Jase嘅時候，remind me of 神嘅醫治。