第一次一家四口去游水

今日做完運動，朱先生帶埋對仔女係泳池會合我，一家人去游水，bb朱同妹妹朱，超鍾意，玩得好開心，妹妹朱好厲害，我用一隻手托住，佢自己好enjoy浮係水面一邊踢水一邊食手指，勁！最衰無影相，超攪笑!

不過，開心過後，痛苦嘅開始，就係同佢哋沖涼，超麻煩，仲辛苦過做運動，不過，始終都有第一次。總算ok!^^

YOU are faithful

Praise the Lord!!!  細B朱係12月2日健健康康出世啦!  重5磅9,  之前所擔心的，在神的手裡已變成祝福，再一次讓我經歷神係信實嘅神，HE do mirales!!!!!!

細B朱中文名叫朱子心，英文名叫Amana, 好多人問我點解唔係Amanda, 而係Amana, 要特別啲？？
唔係呀，因為係神俾我一個感動，囡囡個名個意思要係faithful(信實）咁解，所以向呢個方向搵， 最後俾我搵到Amana呢個名啦!

Amana \a-ma-na\ as a girl's name is of Hebrew origin, and the meaning of Amana is "faithful".


當我叫Amana嘅時候，remind me of 神係信實的。

唔知大家記唔記得Jase個名意思係咩呀？ 係”醫治“咁解，所以當我叫Jase嘅時候，remind me of 神嘅醫治。

原來如此

Praise the Lord,  抽羊水報告出咗，細B朱無事，神給我bonus俾我知道呢個係囡囡嚟架tim!  Thank you Lord!!!!  （感恩眼淚唔停咁流）=***)

但係又收到另一個消息
因為今次好詳細咁檢查，所以俾我知道點解Jase足哂月出世都係得5磅，醫生話原來我個胎盤有問題，唔係好function，佢個功能只係維持到8個月， suppose 胎盤係供應養份俾BB，但係我個胎盤過咗8個月就掉番轉，胎盤係BB到供應番啲養份俾佢，所以BB會咁細。醫生話我呢胎情況一樣，BB會好細個，如果係咁 ，有可能要提早開刀拎個BB出嚟放係個箱到養大， 聽到呢到個心又有啲沉咗落呢!

醫生又繼續問，我大嗰個(即係Jase)有無言語障礙，學嘢遲鈍, 手腳唔靈活，我話無喎，咁你好采啦!  個BB係肚裡面無足夠養份，會有可能導致呢啲障礙發生。

當我聽完之後，原本個心沉一沉，但我越聽越感恩信心又番嚟，因為我看見神嘅恩典同保守係Jase身上，我好相信神嘅保守同恩典亦到會發生係細B朱身上!！I Have FAITH in GOD!!