決定

我好需要天父俾我智慧說出合宜說話，但係我唔知可以講咩，所以我選擇做一個聆聽者，我相信今次真係去到一個要決定嘅時候，決定咗就無得返轉頭，換著係我我都唔知點決定，但係當我看見「她」靜靜地哭嘅時候，我的心痛了，在「她」身上看見我細個的影子，在妳身上，我看見「另一個她」的影子，我真的不想妳走上「另一個她」所走過的路，如果我係妳就知點樣決定，妳嘅決定會影響她一生，天父請看顧。

自煮（一）

之前煮過台式爌肉+酸菜+魯蛋,好成功,所以叫咗班朋友嚟分享,如果自己同朱先生食,一定肥C囉,都係少食多知味,所以好快KO哂,但係唔記得影相,哈哈=P

第二日LUNCH,見到仲有魯水汁,所以用啲汁嚟煮雞翼,配埋啲酸菜同蛋,咁就做咗碗台式湯麵,SO YUMMY^O^.

睡著了ＺＺzzzzzz

BB朱係嘈爆嘅飲宴當中睡著了，勁！可想而知佢有幾攰。=P

新小玩意 (二）

其餘我嘅新小玩意

牙籤人

沖茶器

新小玩意 (一）

近排成日上網買啲又平又好玩嘅小玩意，呢個係其中之一，係用嚟影相架，有少少無聊，但係我玩得好開心，哈哈，仲影咗好多怪異照片，小心有些不安呀，哈哈！=P

GOD is better than sex

呢個web site" GODISBETTERTHANSEX", 係由UBC CCF嘅學生發起嘅運動，佢哋要係校園裡面以身作則話俾年青人知道GOD is better than sex, 佢哋以家有一系列嘅programs講關於年輕人對「性」嘅問題，例如：
pornography等等題目，如果你係ＵＢＣ學生或者你朋友或同學有興趣的話，不妨參加佢哋嘅聚會，唔駛怕羞架，我相信每個人都會遇到呢啲問題，所以更加要正面去面對，我哋唔係要順流而上，而係逆流而上，好似耶穌一樣，以家有一班同路人一齊對抗現今世代嘅歪理，互相扶持，你話幾好呢。

請各位幫手forward 呢個web site 出去，大家宣揚GOD is better than SEX, (唔一定傳俾ＵＢＣ學生ＯＮＬＹ，傳俾任何人都得架^^）

仲有web site裡面嘅Guy's story and Girl's story幾好睇架，全英文架！

我要做Model （一）

今次ＢＢ朱第二次做ＭＯＤＥＬ，佢真係幾稱職架，完全唔喊，任人擺佈，但係只可以維持20分鐘到30分鐘，因為太累啦！

點解話呢次係第二次做Model，因為第一次係Babiesrus到sign up咗20 mins free photo session，而個次啲相都好「正」，不過未得住，遲啲先有得睇，今次呢啲靚相係Hermia嘅朋友幫佢影架，so cute囉，I love them so much!!^O^

AFC Annual Dinner

今次ＡＦＣAnnual Dinner 已guest身份去參加，好特別，今次可以同我圍枱啲人熟落咗，有傾有講，都幾開心！^O^

最特別係今次嘅 little gifts for all volunteers 係LEGO FIGURE, 仲要每個volunteers收到嘅LEGO FIGURE都係unique嘅，好特別好得意，估唔到我同朱先生都有份，好可愛呀，最攪笑係朱先生係一頭灰髮，我哋兩個手裡拿住牛角飽，有心思有心思，我最鍾意嘅係嗰張mini thank you card, 超可愛呀！　裡面老細寫嘅內容好sweet tim 呀！ I miss u, too ar!^O^

女人粥

上個星期二原本去prenatal class reunion，但係朱先生突然要加班，所以去唔到，其實都幾失望架，因為好想見下大家啲ＢＢ，影幅相留念下，但係最終都係趕唔到去，無計啦，都唔想嘅。

跟住我哋就走咗去「芝穎豪園」食飯，即係芝潁芝韻婷嘅肥老板開架，因為睇咗老細facebook啲相先知，所以好想試下，啲野食都ＯＫ，無咩特別驚喜，不過就好細碟同價錢略貴，好似午餐多choices啲。

其實去到個度最想試就係「女人粥」，因為好想知有咩材料，點解叫「女人粥」，原來係for女人補血補身，裡面有紅棗，蛋，雪耳，雞，但係味道好普通，即係味精雞粥一碗，價錢都唔平，所以一定唔會再叫。

彈琴琴

細妹之前送咗個又可以用手又可以用腳彈嘅琴俾BB朱，之前太細個完全無反應唔識玩，而家三個月啦大個仔咗開始有啲反應，所以朱先生教佢玩呢個琴琴，ＢＢ朱玩到個樣好緊張咁，佢心諗究竟咩嚟呢，一掂就有聲嘅？？　肯定好多question marks 係佢個頭上面^O^