隱蔽青年 + 有一個感動

前晚睇完呢輯"星期日檔案", 個心好痛, 心裡不斷為他們禱告, 我知道其實 呢3個年青人只係一個代表, 到底仲有幾多年青人一樣係咁呢?
究竟係社會嘅錯定係佢哋自己攞嚟?







我好相信佢哋每一個之前遇到一啲好傷害佢哋嘅嘢, 係佢哋個生命劃咗一條好深好深嘅傷痕,令到佢哋對自己自我價值好低,逃避見人及唔願意與人溝通,好怕再受傷害.

噚日聽詩歌安靜預備靈修嘅時候,當我聽到一首關於讚美神大有權能叫所有人一齊敬拜衪嘅詩歌嘅時候,神俾我再看到呢三位年青人嘅畫面,嗰一刻我個心又好痛,今次係因為我覺得好羞愧, 我哋成日唱詩神有幾偉大神有幾大能神有幾愛我哋, 咁佢哋呢三個年青人知唔知神可以幫到佢哋神好愛佢哋神係可以醫治佢哋? 跟住, 神問"咁邊個幫我去話俾佢哋聽?

其實我仲未諗通啲嘢,今年開始我知道神係俾咗一個感動我,actually呢個感動其實係好耐之前成日係我心裡面游來游去, 只不過我無留意到, 雖然以家realize, 但神未俾我捉得住,因為仲係好零碎,加上我知道我仲未ready身邊人亦都未ready, 不過, 我知道神要我留意及細心聽, 等待佢嘅帶領. Let see What it's going to happen!

突然想起一首詩歌嘅其中一part:

Mighty to Save

"......My Saviour, He can move the mountains,
My God is Mighty to save,
He is Mighty to save.
Forever, Author of salvation,
He rose and conquered the grave,
Jesus conquered the grave.

Shine your light and let the whole world see,
We're singing for the glory of the risen King...Jesus (x2)......"

滿有驚喜嘅情人節

我成日話朱先生無驚喜，點知今年好成功俾我好多驚喜，Thank You!^O^

1) 今朝朱先生送我返工，開車之前，佢突然係車尾箱到攞咗扎花出嚟送俾我，嘩，今次真係諗都無諗過佢會咁做，都幾驚喜架，原來佢前一日已經買咗扎花放係車尾箱到，勁，扎花放咗咁耐都唔謝，利害！

2)本身我買咗份禮物俾朱先生，一心諗住包好啲，收埋佢俾個驚喜佢，點知多得兩位多嘴男，篤爆我，佢哋兩個各自係不同嘅時間問朱先生同一個問題，「朱先生你收到份禮物未呀？拆咗未呀？鍾唔鍾意呀？」，俾佢哋兩個激死，原本俾朱先生個驚喜，而家變咗係我嘅「激」「氣」啦！

3)朱先生再係情人節下㕑，我當然好樂意啦，哈哈，本身我哋約多兩個人一齊試朱先生手勢，但係佢哋兩位人兄都係信唔過朱先生嘅㕑藝，所以到最後都係無join到，我梗係支持到底啦！我剩係同朱先生講最重要係所有食物都熟哂就得架啦！哈哈！

但係今次真係完全估唔到，係超好味，Stephen陳，今次你真係名師出高徒啦！我原全食清哂朱先生煮俾我個份，「正」，真係無限驚喜呀！^O^

任務完成

前排我同朱先生受Jimmy所托，係呢個情人節裡面帶俾阿May一個驚喜。

我同朱先生就預備花，新鮮魚生同Jimmy親筆寫嘅情人節咭，加上Eric陪朱先生送貨，然後我哋出動埋老細去追蹤May嘅行蹤，最後任務完成，真係帶俾阿May一個又「驚」又「喜」嘅情人節啦！哈哈！^O^

出發前大合照

ＹＥＡＨ！任務完成　﹣阿May幾開心^^

Eric post咗嗰Video上facebook tim, 想睇就去facebook啦！^O^

懷著ＢＢ朱的心路歴程 之 「超聲波」

2月12日第一次照超聲波，我同朱先生好緊張呀！因為係第一次見BB朱ma，所以錯漏百出，哈哈！

去之前照住個instruction係兩個鐘頭前飲咗四杯8安士水（其實細妹已經warn我唔駛咁早飲，但係諗住第一次麻，聽下話啦），點知on the way去診所嘅時候，開始超來超急，去到highway真係有衝動跳車解決，我猛同朱先生講我好急點算呀，就快忍唔住啦，朱先生話再忍耐一陣啦，就快到嘅啦！之後我真係忍唔到啦，只係差兩三個街口就到診所，我都唔理啦，見到麥記即叫朱先生停車，衝入厠所解決，去完之後個腎仲痛緊囉，可想而之我有幾急。

跟住買咗三支水勁對，去到診所個護士問我飲夠水未，本來飲夠，但係忍唔住去咗厠所啦，咁個護士要我繼續飲水，跟住咪勁對囉，飲到第二支嘅時候已經被召入房啦，本來好擔心會唔會唔夠水照唔到，好在都照到，加上亦都好在去咗厠所先啫，原來要照一段時間，加上要被醫生按咁大力，如果我無去厠所一定會成床都係啦，哈哈！=P

初時，個醫生不斷係個螢光幕指俾我睇，呢個係BB朱個頭，手，腳，面，眼等等，其實我只係見到黑媽媽有啲光，我唔係好見到醫生所講嘅手手腳腳，當醫生搵齊哂所有要睇嘅嘢之後，先叫朱先生入嚟睇。

唔知BB朱係唔係知道爸爸入嚟睇佢，突然變得好active, 最攪笑係當個超聲波影住佢個正面時，佢開始不斷向住個鏡頭punching and kicking，今次我真係睇到佢隻腳仔手仔同手指仔，本來醫生話之前搵唔到佢嘅心臟，今次連心臟都見埋，超攪笑，連醫生都話BB好開心見到爸爸，所以先咁active喎，攪到我同朱先生勁係到笑。

跟住我哋好開心咁離開診所啦，一邊行一邊覺得好似有啲嘢漏咗唔記得做，後嚟先發覺我哋唔記得咗問究竟係朱仔定朱女囉，超白痴，算啦！　朱仔朱女都好，最重要係健健康康就得架啦！

考眼力時間：（你睇唔睇到係咩嚟呢？哈哈^^）

呢個係BB朱嘅正面

呢個係BB朱嘅兩條美腿

懷著ＢＢ朱的心路歴程 之 「變樣」

懷住BB朱之後，唔但止身形變咗好多之外，連個樣都變埋，我覺得自己越嚟越醜樣，口腫面腫之外，個鼻大咗好多，以家我原全唔想照鏡影相，每次係facebook俾人tag咗張相上去，我都即刻remove個tag，我唔係好接受到個樣囉，好核突，無論點攪點整都係腫口腫面，簡直what the........

好耐無見過我或成日見我嘅人，都話我變哂樣，你話變得幾勁，變無所為，點解唔係變靚啲而係樣衰呢？sigh~~~

所以以家影相嘅嘩，只可以影側面，千祈唔好影正面，一定反面！^_^

愛裡重圓

今日係i-pod裡面聽到呢首詩歌, 一聽我啲眼淚不其然流落嚟.



[愛裡重圓]
曾躺於家中無言望著磚瓦
這裡滿地藩籬未見鮮花
人習慣怨懟吵架，從未靜靜對話
熱誠和濃情為何全被僵化？

迷失的心窩徐徐遇著光線
悄悄發現原來是你笑面
寒夜裡送我溫暖，同渡患難片段
在遙遙長途仍然持續不變！

副:
裂破的鏡　今日重圓
全因為你　用愛將一切扭轉
往日仇怨從此消失不見
人間遇上你以後心中不再嗟怨！

恨痛的心，今後復原
神的大愛，令此生可有依戀

茫茫人海時光匆匆飄遠
浮生幻變，但我終找到了家的溫暖！

恨痛的心，今後復原
神的大愛，令此生可有依戀

茫茫人海時光剎那流逝飄遠
浮生幻變，但我終找到了家的溫暖！

I will pray hard for U, and U will know what is REAL LOVE and REAL HOME.
God is waiting for U - welcome HOME.

打仗

過去嘅星期，不斷係到打仗，無論心理同埋肉體都係到打緊仗

1) attack情緒篇

上個星期發生咗件事令我好憫憎，真係好想兜巴星嗰個人，其實係日積越累，然後因為近排發生咗一件事令我頂唔順啦，足足令我憫咗兩日，我不斷問神我做咩咁憫呢個人，我又唔係成日見佢，佢又唔係真係做咗啲咩大件事，做咩我嬲成咁，呢個怒氣不斷纏住我，憫到我頭都痛埋，諗返轉頭都唔知發生咩事，只知我控制唔到呢個嬲怒情緒，超辛苦。

加上好驚影響BB朱，攪到佢變成憫姜咁點算呀！幾唔值得！

（好奇怪，每當我憫憎嘅時候，BB朱係我肚裡面不斷係到郁，真係郁得好勁，究竟佢係到叫我唔好嬲，定係同我嬲埋一份呢？我一邊摸住個肚，一邊同佢say sorry,　亦求神唔好因為我啲負面情影響到佢！）

2) attack健康篇

星期四晚開始，喉嚨痛又鼻哥塞到透唔到氣，完全無得瞓，卒之第二日返唔到工，諗住瞓到咁上下，夜晚可以返到Jubilization啦！　點知下午三點鐘開始發燒，全身啲骨好似被火燒咁，痛到呢，又無藥食，唯有不斷飲水同瞓，自己身體係到打仗，同埋不斷祈禱去fight呢場病戰，不斷求神保護BB朱唔好因為我病影響到佢嘅健康，卒之我都係返唔到去Jubilization同同工們一齊作戰。^_^

(好奇怪，我嘅燒由下午三點鐘發到晚上十點幾鐘，突然間消失咗，真係好記得嗰個感覺，我係祈祈下禱唔知幾時瞓著咗，當時啲骨仲好痛鼻哥又塞哂，總言之我就瞓著咗啦，但係差唔多十點幾鐘，我好舒服咁醒咗，我全身嘅痛無哂，退哂消，仲可以起身食嘢tim, Amazing)

3) attack家人篇

星期日去電台前，收到一個好唔開心嘅消息，令我喊咗好耐，真係好無助，又走返去個loop裡面，只有將呢件事交俾神因為我咩都做唔到，本來好好地，突然會180度轉變，真係你估都估唔到，我有諗過唔去Jubilization去陪我家人，但係知道呢個消息之前，係崇拜嘅時候我已經有個好強烈嘅感覺我今晚無論點都要出席Jubilization，唔好跌入魔鬼嘅鬼計，你要stand firm。

Thanks God, 我見到神真係大大使用呢個聚會.

其實所有嘢都未完結，病未痊愈（今日嘅鼻塞喉嚨痛仲嚴重咗tim), 但係藉著一啲好微少嘅事上面，我見到神嘅手係到托住每一件事，叫我唔駛驚，因為神係到睇住架！

請禱告記念我嘅健康，因為嚟緊個星期日要領詩，呢次係BB朱出世前最後嘅領詩啦！^^ 同埋星期四照超聲波同驗血，好想有個健康身體先去啦！

第19個week

踏入第19個week，開始見到自己身體有好大變化，無論手指甲定腳指甲都生長得好快，個頭剪完個頭又長得好快，食嘢又係，個頭食完個頭又肚餓，而家最明顯係個肚大咗好多，都幾攪笑同得意架！

以家每晚我同朱先生都會唱同一首詩歌俾BB Chu聽，等佢出世之後，一聽到呢首詩歌可以好平安咁瞓覺豬！

嚟緊2月12號，照超聲波，都幾興奮又緊張，好多人都問想唔想知男定女，我哋都未決定，我哋剩係想BB Chu健健康康就得啦！^^

Dine Out Vancouver 2009

Lime Pie

Triple Berry Cheesecake

Steak

Lobster Pasta

Seafood Pasta

Fire Cracker Shrimp

Lobster Soup

SeaFood Chowder

好耐無食過dine out啦, 加上BB Chu出咗世之後肯定無咁free食到，所以心血來潮，約埋譚氏夫婦去一間近近地食,　所以揀咗Port. Moody BoatHouse, 估唔到都幾好食，尢其是個Fire Cracker Shrimp, 我無得食蝦，但係啲sauce點麵包，超「正」，食包食飽，哈哈, 之後個個都飽到上心口！

Also, we had good talk.  What a wonderful dinner!^O^

點解個waitress影到咁模糊嘅？

Be Ready!!

上個星期六晚，因為背脊好痛，完全瞓唔到覺，眼光光，睇見朱先生瞓到隻豬咁，超級妒嫉，我不斷係佢耳邊講我瞓唔著呀，佢好辛苦咁開佢細小嘅眼回應我「吓！瞓唔著？」，我話「係呀！無嘢啦！你瞓啦！」，然後聽到一聲「唔」，跟住就係鼻鼾聲啦！駛唔駛咁快呀！=)

其實嗰晚神要我繼續睇一本書叫做「為未出生的孩子禱告」，之前我對呢本書唔知點解全無興趣（呢本書係係台灣買，朱先生極力要買, 但係佢都未睇過），係有一日我覺得再唔睇呢本書，BB朱出咗世之後更加唔駛睇，所以諗住係咁意睇下啦，點知一開始，完全唔想停，我諗住呢本書只係講啲教你啲技巧點為BB祈禱，我完全無諗過呢本書係講「醫治」，用祈禱醫治過去嘅傷痕，當中嘅見証好感動我，每次睇都會流淚。

神就透過呢本書係剛剛過去嘅星期六晚對我說話，神話我知佢會透過BB朱去醫治我同朱先生嘅過去，我嗰一刻呆咗，我完全無諗過神會透過BB去醫治我哋，真係無諗過，究竟神透過BB點樣醫治我哋同醫治我哋啲咩嘢，我唔知，我只係知道神醫治嘅手會臨到我，朱先生同BB朱當中，我哋要預備好去經歷神嘅醫治！

雖然瞓唔到背脊又痛，但係嗰晚真係與神有一個好甜蜜嘅交通，每一個禱告，每一滴眼淚，我都唔會忘記。

其實嗰晚神已經醫治我心裡有一樣恐懼嘅嘢，現在我已從這個恐懼得釋放，可以更輕省咁懷著bb朱，等待他／她出世啦！^O^  Thanks GOD!