2009 滿有意義的聖誕及新年假期

好耐無update個blog啦！因為實在太多節目，所以完全無時間update, 好想記底好多嘢，但係當我想寫嘅時候，就唔係好記得啦，哈哈！記得幾多得幾多啦！

雖然今年聖誕好忙碌，但係我覺得過得好有意義，雖然放緊產假，但係神仍然讓我有事奉佢嘅機會，能夠係留學生Christmas Party幫手，English Christmas Sunday Service，及平安夜 church outreach dinner 獻詩，還有Christmas Day正日去咗唐人街Potter's Place 幫手唱Christmas Carol同派飯（我好想派飯，但係最後仔仔扭眼瞓，所以要離開）, 不過，美中不足，就係無咩時間同啲學生同食飯嗰啲人傾計，有可能好耐無做過咁Long day嘅嘢，所以每次完咗我都好攰，唔係好想講嘢，之後，夜晚瞓唔著，因為過度exciting, 哈哈！我都唔知點解咁exciting 囉！有可能係今年真係好實在話俾啲未認識耶穌嘅人知Christmas嘅真正意義啩。^O^

BB 朱聖誕造型

Christmas 同 New Year梗係唔少得parties啦！不過，25th晚嘅party大家都累到無力玩，交完換禮物之後，個個都謝了！不過new year個party好玩好多，因為個個瞓夠先嚟，仲可以玩到凌晨３點幾（因為係我屋企攪，所以BB朱可以準時瞓覺）.

Mother Goose Christmas Party

Christmas Party @ Lok's House

New Year Party

與Stephen Chan有個gathering

跟住分別27號同30號同妹妹慶祝咗兩次生日，第一次唔係好好嘅經歷所以唔多講，但係正日就好開心，見到妹妹開心，我哋都好開心！^^

表姐Bailey's Birthday Party

出牙仔

今朝BB朱有小小發燒, 跟住俾咗啲infant tylenol佢食, 同不斷抺身, 而家好好多, 卒之瞓咗覺, 希望快啲退燒, 如果仲唔退, 要帶佢去急症室check check安全啲, 請為BB朱祈禱,謝謝!

我諗BB朱因為出緊牙仔,所以發燒, 之前睇過啲WEB SITE同聽人講, 出牙仔嘅時侯, 又會發燒, 又POO POO好多次, 上個星期開始BB朱呵好多次POO POO同爆哂出嚟,日日要換好多套衫衫, 加上佢下面兩隻門牙仔開始好明顯要出嚟, 而家又發燒, 相信呢個真係出牙仔symptoms, 全中.

噚晚朱先生突然凌晨3點開始要ON CALL, ON到今朝11點, 所以而家兩仔爺一齊瞓緊覺豬, pray that 兩仔爺瞓完覺大家都回復狀態啦!

年終財政報告

嘩！原來今年駛咗咁多錢，無得儲之餘仲要倒貼，又要供樓供車又要俾車同屋燕梳，水費電費管理費，又要買奶同尿片供RESP，啲固定支出，已經駛咗我哋嘅大部分人工啦！之前仲俾咗無數份人情，下年返番工仲要俾Day Care錢，都仲未計其他雜費，哈！真係要慳得就慳，都好！睇到今年駛咗幾多，咁嚟緊就要睇餸食飯啦！

但係我又想返番工之前，同襯BB朱仲未到兩歲機票仲係唔駛錢嘅時候，一家人去旅行，去一個我哋好想去嘅地方，玩下同俾朱先生relax下（佢工作好大壓力，需要抖抖氣），因為下年開支又大咗嘅時候，去旅行就會變咗做奢侈品，等我好好PLAN下先。　

你想唔想試呀？

呢個係拉麵溫泉，你想唔想試呀？？

馬戲班訓練

BB朱半歲生日

嘩！嘩！嘩！BB朱咁快就六個月啦！今日係半歲生日，所以好想回顧一下ＢＢ朱六個月嚟嘅改變，由黑媽媽Tiny Baby Boy 去到白番啲嘅１５lbs大隻Ｂ。

６月６日出生

第１個月

第二個月

第三個月

第四個月

第五個月

第六個月啦　（半歲啦！！！！）

小朋友真係大得好快，六個月咋已經好唔同樣啦！真係要好好珍惜MAT. LEAVE時間，同佢影多啲相，望多啲佢，留意多啲佢嘅改變，返番工就無咁多時間啦！珍惜珍惜！

雖然半歲生日，但係我都買咗個蛋糕返嚟同幾個弟兄姊妹同ＢＢ朱慶祝，佢唔知發生咩事同無份食，哈哈！＝Ｐ　媽媽只想作個留念同Have fun下啫，一歲嘅時候，BB朱會有份食架啦！等下先LU！

今日亦係教會見到舊團友仔Cin Pan同Anthony，梗係要影張相留念下啦，下次再番嚟嘅時候，BB朱又大個咗好多嘅啦！^O^

自煮４之「韓國冷麵」

好早之前，我係梅園附近嘅韓國超市，因減價買咗兩包韓國冷麵試試，唔試過都唔知咁好食，又容易整同好好食，所以值得推价俾大家，只要自己再加紅蘿蔔絲同青瓜絲再加埋紫菜，已經係一個極品，當時減價＄4.99兩大包，超低，但係原來原價要成＄6.99 to 7.99一包，都幾貴，不過一包裡面有兩個麵架，試下都無妨啦！

ＢＴＷ，如果你喜歡食牛仔骨嘅嘩，你亦都可以係呢間韓國超市買，好抵架，平時切得好靚嗰啲更係好貴啦，佢有啲切得唔靚（其實都唔差架），一大包咁賣只售around $6.99, 你可以分到４餐食，正！^^

女人恩物（男人勿看）

啱啱同啲朋友仔講起係Daiso買到好多得意嘢，我就諗番起近排我就買到一支對各位女士都啱用嘅液體，呢支液體用來做咩嘅呢？

當女士們有女人嘢嚟嘅時候，唔多唔少會有漏網之魚係啲衣物身上，但係用好多方法都清洗得不太乾淨，如果妳有以上煩惱，呢支嘢就啱哂妳用啦，只要用少少，一刷乾淨哂，簡直新嘅一樣（誇咗少少）但係真係洗得好乾淨，不留痕跡，正！

Daiso有售，只需＄２plus tax.

ＢＢ朱開始食solid food

以家BB朱開始食solid food, 之前俾佢食rice cereal, 第一個星期試食，超唔鍾意食，跟住第二個星期開始慣咗，都算食得唔錯，由２，３啖直至以家10幾啖，已經好好啦！

以家開始俾其他嘢佢試，首先係紅蘿蔔，一食已經超鍾意，更係啦咁甜，第一次食，就食到咁啦！

食得more than I expected，之後幾次更係食哂啦，仲唔夠tim呀，大家睇下佢狼吞虎嚥個樣，超攪笑！^O^

自煮３之「香茅豬排檬」

之前Cindy Luu除咗教咗我哋整粉卷之外，佢亦教咗我哋點整魚露（用嚟食檬或食春卷個啲sauce)，同用香茅整雞或豬，學完更係返屋企試下，嘩！超掂，好好食，朱先生都讚好，（雖然佢未食過出邊嘅檬，檬咩味都唔知，哈哈！）但係我覺得似就得啦！^O^