Ernie?? Bobby??劉青雲??

哈哈，近排好多人不斷話BB朱似邊個，唔係講似我同朱先生喎，而係卡通人物同明星。

睇下你哋覺得似唔似啦！^^

第一個：芝麻街Ernie（唔記得邊個話似）

第二個：歐陽振華（教會弟兄們話似）

第三個：劉青雲　（餐廳waiter同我細妹話似）

窮富翁大作戰

呢套係一連4集嘅真人SHOW,由4個有錢人去親身經歷窮人生活,好有反醒. 值得一看.

佢哋都好好多只係用五日去經歷窮嘅日子,點辛苦都好五日完咗就可以返番佢哋平常嘅生活,但係一班貧窮嘅人都唔知幾時先可以走出貧窮嘅生活.

我只係post咗一集,如果有興趣自己係youtube到睇埋其餘個幾集啦! ^^

Sorry!Sorry!

近排好鍾意呢首歌,有可能睇得台灣節目關係,佢哋成日學呢隊人跳舞,而我又覺得啲舞跳得幾型又得意,雖然唔知首歌講咩,但係都幾鍾意,連朱先生都鍾意埋,哈哈,佢仲搵咗呢隊韓國組合好多資料tim,真誇張. 不過,唔講唔知原來佢哋係一隊13人組合,嘩! 駛唔駛咁多人呀?

呢個係有中文字幕版嘅MV,你可以跟住嚟唱架,不過要用國語,好攪笑架=P


呢個係山寨版,扮得好似呀!

與爸爸對話

RESP

以家開始幫ＢＢ朱搵緊ＲＥＳＰ，唔知各位有經驗嘅人士，可唔可以提供啲意見俾我哋，究竟跟銀行做好，定係有其他選擇呢？？？　請指教！^^

越南大餐

過去嘅星期六，爸爸約我同細妹上佢屋企食越南大餐，佢話有個大廚整嘅wor。

去到之後真係以為自己去咗越南餐館食嘢，真係好誇，最開心係no msg，食完唔會好口乾，超掂！

其實呢個飯局係另有目的，就係介紹爸爸嘅新女性朋友亦係呢位大廚俾我哋所有人認識　﹣珍姐。

Parent Group改革

由上個再上個星期開始，Parent Group有新改革，由一個月一次聚會改為一個月兩次：一次查經一次屋企聚會，我聽到呢個消息超興奮，因為我以為去到Parent Group之後無得再查經tim　＝Ｐ。

上個再上個星期六就係第一次查經，Pastor Tom帶得好好，他俾時間我哋夫婦二人為自己嘅孩子禱告，亦教導我哋返到屋企點樣為孩子祈禱，哈哈，又俾機會我喊到淚人咁，因為我覺得子希唔識笑，個樣成日好憂愁咁，唔知係唔係係我肚裡面嘅時候感受到我嘅憂慮同唔開心，所以影響到佢，無論係唔係呢個原因都好，係查經裡面再次提醒我同朱先生要祈禱，將仔仔交托俾神，我哋亦担成話俾神聽我哋嘅憂慮同仔仔嘅需要，好感恩，祈禱嘅第二日，我哋第一次見到子希同我哋笑，我開心到差啲喊咗出嚟，以家成日都有笑同ＥＥ呀呀，Thank you Lord!

係到亦要多謝一班helpers幫我哋睇住啲小朋友，讓我哋好安心同專心咁查經，謝謝你們。

呢幅相係完咗先影，所以有好多helpers已經走咗，下次再補返啦！^^

嗰次查經唔係太多人，希望下個月嗰次大家都返到嚟查經啦，真係好難得一班父母有一段時間可以專心查經，真係要珍惜呀！^O^

係到送上一段子希 1st  ＶＩＤＥＯ：

炸彈驚魂

噚日下午同妹妹食完LUNCH, 去咗METROTOWN大統華買餸, 跟住等埋朱先生先返屋企, 當我哋想離開去PARKING LOT攞車, 唔知點解所有門口都有 “實Q”看住,唔俾人出入, 朱先生走去問 “實Q”哥哥,但係唔肯講咩事, 剩係話警察封鎖咗個PARKING, 當時我哋都唔知點算, 又唔知咩事又唔知幾時解封, 跟住我哋走去第二個出口博下出唔出到, 好在啲工作人員好好, 佢話可以走, 但係要出KINGSWAY出口, 我哋都好緊張, 攞完架車,即刻剎出KINGSWAY, 然後聽新聞睇下發生咩事, 嘩! 聽完之後真係嚇死, 完來有個炸彈近在咫尺.
感謝神我哋無事, 不過都真係幾驚!

Vancouver Sun
http://www.vancouversun.com/Police+detonate+pipe+bomb+found+Metrotown+Mall/1882696/story.html

好耐無係戲院睇戲

好開心上個再上個星期日同駱氏夫婦去睇３Ｄ“Ｇ　ＦＯＲＣＥ”，真係好耐無去戲院睇戲，由大咗肚開始都未去過戲院，真係要多謝奶奶幫我哋睇住ＢＢ朱，我哋先可以咁輕鬆去睇戲，駱氏夫婦話我有４個鐘可以回到未生時，哈哈。

我去到戲院超興奮，朱先生話我好似小朋友咁，又買炮谷又買汽水，睇完戲仲可以食埋飯ＴＩＭ，超Happy。

但奶奶同叔叔就慘啦，俾ＢＢ朱嘈爆咗，唔知下次仲夠唔夠膽再幫我哋睇住佢＝Ｐ

ＢＴＷ，

﹣後期加工嘅３Ｄ戲唔係好掂，咁又俾多咗５蚊雞，超唔３Ｄ同唔抵。

﹣誠意推介：Metrotown新開嘅金太郞嘅咖哩拉麵好好食，值得去幫襯。

熱到爆

上個星期係我住係溫哥華以來最熱嘅一個星期，開哂風扇都無用，吹出嚟嘅風都係好熱，因為ＢＢ朱係屋企瞓瞓下又熱醒，然後又嘈爆，佢忟時我又忟，所以我同ＢＢ朱曰曰一到下午一點至五點就去ＭＡＬＬ嘆冷氣，俾佢有得瞓之餘，我又有得消暑，又可以同啲公公婆婆，大肚婆同媽咪們傾計（因為太熱個個都走嚟ＭＡＬＬ嘆冷氣），同埋我帶住ＢＢ朱嘅關係，個個都主動走嚟同我傾計，我諗我應該同ＢＢ朱組成母子福音隊係ＭＡＬＬ到傳福音，都不失係一個唔錯嘅ＩＤＥＡ。

不過，一個星期每日係個ＭＡＬＬ到流蕩（差唔多去哂所有ＭＡＬＬＳ），真係有點退休人士FEEL，哈哈！

亦都因為咁個ＢＬＯＧ暫停咗一週^O^

附上ＢＢ朱熱爆Summer Look相：

埃及王子

二級半Look

退休人士Look

Tigar 朱 Look

 (Thank you Auntie Phyllis 送的衫衫） 

Polo 衫 Look 

(Thank you Auntie GiGi 送的）

媽咪最愛的工人褲Look