聖經熱線

當你遭受患難時，請撥：詩篇34:19，哥林多後書4:17
當你受到不公平時，請撥：彼得前書2:19-23，彼得前書4:12-15
當你遇見試探時，請撥：雅各書1:2-4, 12-15，哥林多前書10:13
當你孤獨與沮喪時，請撥：希伯來書13:5，詩篇23篇
當你尋求指導時，請撥：箴言3:5-6，雅各書1:5
當你需要獲得饒恕時，請撥：約翰壹書1:9，希伯來書4:15-16
當你疲倦，需要休息時，請撥：馬太福音11:28-30，加拉太書6:9
當你感到軟弱與不適當時，請撥：哥林多後書12:9-10，腓立比書4:13
當你負重擔與許多問題時，請撥：詩篇55:22，彼得前書5:7
當你紛亂尋求平安時，請撥：約翰福音14:27，腓立比書4:6-7
當你面對危險時，請撥：詩篇91，詩篇121
當你受私慾所驅使時，請撥：約翰壹書2:15-17，詩篇106:13-17，腓立比書4:8
當你面對憂傷時，請撥：哥林多後書1:3-5，羅馬書8:26-28
當你需要勇氣時，請撥：以弗所書6:10-13，詩篇138:3
當你疑惑上帝的保守力量時，請撥：腓立比書1:6，彼得前書1:5
當你有財務上的需要時，請撥：詩篇34:10，腓立比書4:19
當你忍耐受到考驗時，請撥：雅各書1:2-4，羅馬書8:28-29
當你驕傲失敗時，請撥：腓立比書2:3-8，哥林多前書4:7
當你尋求上帝的標準時，請撥：馬太福音5:48，馬太福音22:36-40
當你對救恩有疑惑時，請撥：約翰壹書5:11-13，約翰福音3:16

　　　以上熱線皆可直撥，無須接線生。每條線皆一天24小時直通到天父那裡。

Actually, 唔係有事先打電話俾天父ga....其實無論咩嘢時候, 都可以打去同天父傾計架!^^

生命反思

準新郎救好友齊墮斃 (星島) 04月 16日 星期三

(星島日報 報道)
靠半工讀剛從澳洲 學成歸來的助理建築師兼準新郎，前途無限，他前晚剛從政府高官手中奪取設計榮譽獎項，踏上建築界星光大道，惟相隔不足七小時，他為趕赴西環觀龍樓，安慰失戀失業的「沙煲兄弟」，竟變「死亡約會」。「義」字當頭的事主見好友鬱結難解跳樓自殺，不惜捨身相救，結果雙雙墮樓慘死。

近排亦睇到呢個Video
(PG 家長指引 以下短片可能會引起不安。需家長指引 ~ 請家長陪同18歲以下小朋友觀看，謝謝！)
- 如果無估錯呢個短片應該係余老闆之前睇過架

睇完呢則新聞及呢段短片之後, 真係好震撼。^~^"

世事真係好難料， 邊個可以預計下一秒會有咩事發生呢？我哋以為自己可以掌握到自己嘅明天, 但係突然間一個金融風暴, 突如其來嘅疾病, 無法估計嘅意外, 殺個你操手不及。

提醒我死亡真係好近，隨時會臨到，人生短暫，但係唔緊要，最重要嘅係點樣去好好運用我哋有限嘅生命，活得有價值，為神一生不枉過，雖然我唔能夠掌握到明天，但係神可以。

早安 晨之美

今日余老闆係ＯＦＦＩＣＥ播呢首歌（佢剛剛買咗呢隻碟），我覺得好熟識，唔知係邊到聽過，用我有限嘅腦袋諗咗好耐，　卒之有啲頭緒，　如果無記錯，　ＬＥＹＯＮＤ應該係佢ＢＬＯＧ到ＰＯＳＴ過呢首歌，　我記得呢個人係細細嘅ＣＯＦＦＥＥ　ＳＨＯＰ定係書店到現場自彈自唱，　皇天不負有心人，　終於俾我搵番呢個ＶＩＤＥＯ啦，　哈哈！　原來我仲有記性架喎！



我記得呢首歌係因為佢成日唱「對呀對呀對呀。。。。」，煩得嚟又幾鍾意bor..^^
　

天生無嗅覺

今日ＡＲＴ　ＭＡＫＩＮＧ導師話我哋知，　原來佢天生無嗅覺，咩嘢都聞唔到，　幾香嘅嘢幾臭嘅嘢都對佢無影響，　唔怪得我哋成日係佢面前食早餐（餐蛋治或公仔麵），佢都無反應啦，原來係咁嘅原因，佢話要食到落口先知香唔香架喎。
跟住我話佢做垃圾佬啱哂佢，慳番個口罩，哈哈　＝Ｐ（好衰ＴＩＭ．．．嘻嘻）不過，佢話無嗅覺其實都幾危險，　因為有次係香港屋企流煤氣，佢唔知，好在屋企人發現得早，唔係以家就同我哋做唔到ＡＲＴ　ＭＡＫＩＮＧ啦！

超攪笑（唔知你有無睇過？？？）

原裝正版竹葉青廣告


呢個係Sunday電話公司攪笑版竹葉青廣告

忘記

今日係Art Making默想嘅時候, 神帶我進入咗兩間房, 一間係記載咗我童年係屋邨住嘅生活, 好開心, 記起以前啲鄰居嘅面孔, 同埋同我由細長大嘅朋友仔, 嗰段時光好快樂, 而笫二間房裡面記載咗爸爸同媽咪剛剛分居後我嘅生活, 進入房間第一幅畫面就係一個廚房, 個廚房好污糟, 好多曱甴, 個sink盆好多碗未洗, 成個廚房都好污糟, 見到呢個畫面, 我記起個廚房咁污糟係我特登整成咁架, 因為我好想媽咪返嚟煮飯俾我哋食同照顧我同妹妹, 其實我最想一家人係番埋一齊，但係係無可能，以我記憶我同妹妹嗰段時期係食飯盒多, 自己照顧自己.

今次神同我一齊返番去呢個畫面, 其實我仍然會想哭, 但係, 哭唔代表唔原諒, 哭係因為我好感謝神同我一齊返番過去,睇到神點醫治我, 教我點原諒別人, 神亦話我知其實係嗰段時間佢已經係度, 只係我還未認識佢, 神話呢個過去我係唔能夠忘記, 因為已經係part of my life, 但經過神嘅醫治, 呢個過去唔能夠再傷害我.

睇住個廚房, 我見到自己嘅孤單, 無人係身邊, 但係以家神與我同在, 我不再孤單啦! (唔知細妹嗰陣時係點諗呢?)

默想嘅時候, 導師講咗以下一段經文:
以賽亞書49:14-15
(英文譯本)

But Zion said, "The Lord has forsaken me, the Lord has forgotten me."
"Can a mother forget the baby at her breast and have no compassion on the child she has borne? Though she may forget, I will not forget you!"

亦問咗一絛問題, 以家神同你講:"無論你係邊到或處於咩光境, 我都唔會忘記你", 你點回應神?? (用一個image去表達)

呢個就係我嘅回應


最後導師問咗我哋一個問題，會唔會係食緊奶嘅ＢＢ唔記得咗自己係母親懷裡食緊奶呢？？？　（我唔知你明唔明佢問咩，　但係對我好有反省）

當我哋分享完, 朱先生問我, 你以家咁唔鍾意洗碗, 係唔係因為呢個原因?? 定係你懶咋??
哈哈! 你諗下啦! ^^

秘密警察??

今日係公司做嘢做到攰攰地, 就係office到行嚟行去透透氣, 點知俾我發現咗原來公司有幾個秘密警察監視緊我哋係唔係係度做緊嘢架, 唔知係唔係余老闆派嚟嘅ne?? 都係即刻埋返位做嘢先.....努力加油！努力加油！^^

馬生攪咩嘢呀?

今日May姐帶咗仔仔上嚟公司, 點知馬生突然創意大法, 攪到Koen咁樣啦! POOR KOEN!^_^"

連May媽媽都唔知架! 所以我影底咗馬生攪喊Koen啲罪證, 俾May媽媽知道先得! Hahahahhahaa...! 馬生快啲俾(暗)口費我啦!^O^

Stupid Me

各位人兄, 唔好意思, 我成日串錯字, 應該係Sechelt, not Seashelt囉! Hahahhahaa...都話我唔係細心嘅人呢架啦! 睇住個名都串錯, 多謝Risa更正我.

攪到有心人想去Sechelt, 上網都搵唔到info. tim.....HAHAHAHAHAHA...=P...stupid me!

我愛星期一之 「ＳＥCＨＥＬＴ」之旅

瞓到九點幾鐘先起身，本來可以瞓晏啲，　但係好想去海邊靈修，　因為揸車入ＳＥCＨＥＬＴ嘅時候，剛剛遇上日落，係ＨＩＧＨＷＡＹ望住個天，真係靚到形容唔到，忍唔住向神禱告讚美神，所以神俾我哋入到去ＳＥCＨＥＬＴ咁靚嘅地方咁近大自然，又賜我哋陽光普照，係咁好嘅環境底下，緊係要好好ＥＮＪＯＹ同神親近啦！

食完ＳＴＥＰＨＥＮ預備嘅早餐　（超好味同豐富，簡直幸福死，邊個嫁到俾佢一定蒙福仲會發福ＴＩＭ，　哈哈，肥死都值呀！^^ hehehehe)

然後就出發去海邊啦！去到海邊真係好靚，當我望住一望無際嘅海，就不其言諗起兩首詩歌「無言的讚頌」同「天地讚美」，一路望住，一路唱，好感動，　神嘅創造真係好偉大。

詩篇 19

"諸天述說神的榮耀；穹蒼傳揚他的手段。

這日到那日發出言語；這夜到那夜傳出知識。

無言無語，也無聲音可聽。

他的量帶通遍天下，他的言語傳到地極。神在其間為太陽安設帳幕......."

* 想睇多啲相, 可以去facebook睇架!

http://www.facebook.com/album.php?aid=44545&id=568180357