我的小玩伴

係公司裡面, 我有好多小玩伴架,佢哋陪我返工, 做到攰嘅時候,去攪下佢哋, 個人會開心啲, 醒神啲, 同埋有可能會肚餓啲(睇完圖你就會明嘅啦!^^)

以家逐一介紹佢哋出場:
第一位係朱錦相小姐(豬咁傷)



第二位係Pink Lady


第三位係蘆小姐


第四位係食物家族









第五位係動物家族


最後梗係唔少得幫我看守keyboard嘅keyboard人啦!


如果你上到嚟office可以探下佢哋架喎!

好好味嘅甜品呀!

噚日係姊妹gathering裡面有個姊妹做咗一個好好味嘅甜品, 名叫"Chocolate Lava Cake", 真係好好味呀! 裡面啲朱古力流出嚟架，　超正！（請看圖片）同好易做架, 所以個姊妹好好將個Recipe send咗出嚟與我哋分享囉，我都唔自私嘅，　所以ｐｏｓｔ上自己個ｂｌｏｇ到與你哋分享．

Chocolate Lava Cake Recipe (serve 6 ppl)

125g dark chocolate
125g unsalted butter (i usually use 100g or less)
3 eggs
1/4 cup white sugar
3 tablespoon flour
=======================
1. melt butter and dark chocolate in a pan. let the mixture cool down.
2. mix eggs with sugar
3. pour 1&2 together. stirr well.
4. add flour slowly and stirr till the mixture becomes smooth
5. pour mixture into muffin-pan.
6. put into *preheated oven (450degree), take it out immediately after 5mins.

原來真係得架!

唔知點解今日勁打"c 憶", 打到好大聲同停唔到囉!
之前試過學人哋寫個"人"字係手掌上面然後一口食咗佢, 就唔打"c 憶", 但今次唔得囉!
跟住朱先生提醒我, 點解唔試下用May姐小貼士"搣橙治c 憶", 嘩! 一言驚醒夢中人, 即刻搵個橙返嚟試下摵, 當我摵完幾下之後, 真係無再打"c 憶" 啦! 勁, 真係唔好睇少, 如果你打"c 憶"嘅時候, 不妨一試, 真係得架! 哈哈! 多謝May姐好貼士!

但係我有個問題: 係唔係因為摵橙時吸咗啲彈出嚟嘅汁治"c 憶"? 定係因為好專心咁摵橙所以唔記得咗打"c 憶"呢?

神為我預備的工作^^

好多人問我點解會係使者到工作??

以下就係我嘅答案(收錄於"一袋夢想"見証集內):

我是在 Douglas College CCF 裡認識使者協會，當時我和一班校內的基督徒組成了CCF，而使者同工帶領我們查經，分享，無論在靈命上，人生方向上，前途上都給我們很大提醒及幫助。

當使者邀請我與他們一起同工時，我問神「這裡是不是你為我預備去事奉你的地方？求你感動我及讓我看見你的帶領」，亦邀請弟兄姊妹為我禱告。之後幾個星期，神不斷讓我回顧過去在我成長掙扎中，使者同工所給我的鼓勵，關心和幫助。在我腦海裡不斷重複這些畫面, 當中，有兩幅畫面令我最感動深刻。

第一幅畫面是我還在大專的時候，當時的同工Joshua在一個聚會當中，對我們說「你想不想三年後的你，或五年後的你，仍然在今日的光景？」，當時的我浮沉於一個很長時間半工讀，沒有方向及差點想放棄學業的階段，神透過Joshua的信息對我說話。當晚我哭著向神禱告，認罪悔改，讓神改變我的生命。感謝神, 今日我已經畢業了, 畢業後我第一份全職工作是報業廣告營業員, 亦是加入使者前的工作.

第二幅深刻的畫面也是發生在讀大專的時候。當時我一度陷入經濟困難之中；但有一日，我收到一封信。我打開這封信，看到內裡有錢及一張寫滿鼓勵說話的咭。當我再看到寫信人的名字時，我的眼淚已忍不住流出來了。這封信原來是前使者同工Rainbow給我的。我知道作為使者同工薪金不多，但她將僅有的與我分享。信內最後的一句說話是最感動及影響我的。她說：「不用還這些錢給我，請將這些錢去幫助另一個有需要的人。」這句說話深深的刻在我心。兩年後，我已用這些錢去幫助了另一個更有需要的人，令我更明白「施比受更為有褔」的意思。

神藉這些我過去的成長經歷及反省，叫我不要吝嗇我所得著的，是叫我與人分享生命，可以叫更多年青人得著豐盛的生命。所以我願意加入使者，與同工們一起服事這一代的青年信徒，以生命影響生命。

有驚無險"西雅圖一日遊"

噚日一早六點鐘出發去接埋細妹去西雅圖, on the way 去接細妹嘅時候, 駛到一個紅綠燈位, 等轉綠燈, 當時好少車, 我哋後面都無車緊住, 當時朱先生話好想祈禱求神帶領我哋嘅旅程, 咁我哋用咗一盞燈時間作咗一個好簡短嘅禱告(我哋無合埋眼,因為要留意交通情況), 當我哋講完"阿門"嘅時候, 突然後面有架車好猛力咁撞落我哋嘅車尾,因為實在太突然啦, 明明後面無車, 點解突然有架車好猛力咁撞咗落我哋到, 十萬個??? 嚇到我哋兩個呆咗, 然後我喊咗出嚟, 一路喊一路話"邊個晨雞咁早撞我哋架車呀?", 仲想衝落車(我諗我當時真係嚇到傻咗, 有少少失控, 諗起都想笑, 真失禮!哈哈!=p), 本來朱先生好靜定, 見我咁失控, 唔知點算好, 攪到佢都驚埋一份(哈哈......真係唔好意思^^), 當我哋好混亂之際, 撞我哋架車嘅司機即刻走過嚟同我哋不斷講"sorry"同"Totally my fault", 然後佢話俾我哋知點樣撞我哋, 原來佢剛剛係朋友屋企離開開車嘅時侯拎轉頭同佢朋友say "goodbye", 佢無為意我哋架車, 跟住踩油行, 所以撞咗落我哋到, 佢一路解釋亦一路講咗好多次"totally my fault", 我咮跟住我哋落車睇下架車傷成點(請看以下圖片).



朱先生睇完架車嘅傷勢, 睇佢個嗰樣都知佢好心痛, 跟住同個司機互相交換資料, 我就開始收拾心情打電話俾細妹同long話俾佢哋知遲啲先到, 當時我都唔知仲去唔去得西雅圖, 因為一路行個bumper變咗個定風翼一路"fi li fa let", 但係朱先生話ok喎,多咗個定風翼啫仲去到, 跟住接埋細妹報埋ICBC,再meet埋阿long佢哋, 哈哈, 我哋發現原來ken so唔但止係會計師佢仲係一位汽車維修技師, 佢唔駛一分鐘,即刻令到我哋架車變回新嘅一樣(除咗仲有條大"la"), 起碼過海關都唔駛咁核突, 真係要多謝ken so啦!! 哈哈^^ (請看以下圖片)





撞完之後其實條頸同背脊都幾痛,佢哋話第二日仲痛, 我都好驚第二朝返唔到詩班同祟拜, 所以不斷祈禱求神醫治, 好感謝神唔只返到詩班同崇拜, 仲可以打到羽毛球, 雖然架車傷咗, 但係我哋一啲事都無, 感謝神嘅保守.

好多人問我祈完禱之後即撞, 我有咩感覺??
初時咁突如其來一定好驚, 但其實之後諗番成件事嘅經過係好感恩同見到神好保守,最重要係神俾我哋有出人以外嘅平安!!

感恩事如下:
1) 原本要車兩個弟兄姊妹一齊去, 但臨時有事去唔到.
2) 細妹唔係車上面, 咁猛力撞, 佢個傷口有可能會再列開
3) 我同朱先生都無事
4) 仍然去到西雅圖
5).......仲有好多好多..不能盡錄.

呢個旅程仲一個驚險鏡頭, 不過唔多講啦!哈哈 =p
其實成個旅程都幾開心, 第一次呢個combination去玩, 好得意亦好好玩, 同埋可以食到我最想食嘅Cheesecake Factory! YEAH!^^ 真係好好味架! (雖然要排成兩個鐘先有食, 都值得架! Yummy Yummy!)

感謝神

感謝神奇妙帶領
感謝神讓我心靈得到安靜
感謝神安慰我醫治我
感謝神對我說話
感謝神讓我從新得力
感謝神從迷茫中領我走回正路
感謝神神愛我因為我係我(唔係因為我做過啲咩)
多謝神無條件嘅愛

讓我想起一首詩歌:

真相

神 我是個罪人
但袮竟為我十架犧牲
承擔我眾罪蔭 將生命給我
原原本本的接納我
這麼的一個我

神 我是世上微塵
但袮竟送給我袮深恩
危險裡與我渡過 平安蓋淹我
徹徹底底的愛著我如像最初

副) 是袮的接納
讓我敢於看清心裡那貌相
破碎不堪的夢
我終於可以放手給予袮來為我修補

是袮的接納
教我曉得愛惜痛惜生命知道原來自己
在袮的眼眶裡 是那麼的珍貴
就算天老地老都不變改
袮愛我這真相

Jubilization雀躍體驗之戰龍在野

今次係Ｄouglas舉行嘅雀躍體驗,都幾成功，從預備Set up 到聚會完結都看見神恩手帶頜，亦聽到好多好好嘅回應，雖然我同朱先生無機會參與正個敬拜（因為要係門外留守），但見到咁多嚟自唔同教會嘅弟兄姊妹一齊敬拜，其實好感動架！！辛苦啲都值得嘅！加上我哋星期日都會再有機會聽，星期日個次我唔會再叫朱先生幫手啦,等佢可以體會呢場敬拜啦！
講真真係幾攰，同個義工走遍成個Ｄouglas貼啲指示教人哋點嚟都幾考技術，唔貼過都唔知Ｄouglas原來有咁多出口同咁大，行到腳都痛埋，貼完我哋已經謝咗,完咗之後仲要走去拎番落嚟，好在有一班好幫得手嘅義工們，雖然佢哋係新手，但係佢哋話頭醒尾架，不過唔係幾夠人啫！ 下次一定要再邀請多幾個幫手先得。返到屋企一瞓落床瞓到死豬咁不醒人事，哈哈！
不過，有樣嘢我都幾失望，團契派出三十張票，但係只有８個人嚟咗，我知有啲團友病咗，有啲屋企有事，有啲遲咗放工趕唔到，或者有啲唔太喜歡參加呢啲敬拜讚美會啩，又或者我辦事不力唔了解團友嘅需要逼人嚟呢啲聚會。
無論係點都好，其實一心都係想有好嘅嘢同啲團友仔分享，同埋一齊可以出下去見識一下及同其他教會團契一齊敬拜，或者呢啲只係我一相情願。^~^

孝順 VS 愚孝

有無人可以解釋一下咩叫孝順?? 咩叫愚孝??
兩者有咩唔同呢??
諗唔通, 諗唔通!! ^~^

最近有點迷茫......

日子過得好快, 咁就十月啦! 好快年尾啦!
近排有好多嘢要決定, 但係唔太清楚, 又唔想咁快落實, 加上未搵到自己嘅定位, 當你尋找緊你自己嘅身份嘅時候, 就會有啲迷茫.
神透過好多嘢讓我知道我要去讀書再進修, 但係又唔係太清楚要我進修啲咩, 係邊一方面發展,以前讀書見人讀咩我就讀咩(嚴牧師講個班年青人,其中一個就係我啦! 哈哈..簡直係人板), 其實都唔係自己鍾意, 所以讀完都唔記得因為無興趣嫲! 所以今次自己好慎重咁思想, 唔想決定錯誤, 好驚又浪費錢財又浪費時間, 跟住又讀唔成.
有人提意我讀HR, 佢哋話幾適合我, ummmmm....唔係太清楚, 有無其他suggestions 呢?? 可以inspire 我嗎??

耶利米團reunion - Just for ladies

嘩! 約咗好耐嘅女子gathering終於成功約到出嚟啦! 真係辛苦西姐, 個日子一改再改, 好在無放棄先成功咋! 哈哈!

好開心見到keeley, 有時係婚禮見到, 但係無咩機會傾計, 今次都可以傾到兩咀, 都唔錯啦! 亦好開心見到Omi同Chris Chris, 佢哋帶咗好多歡樂俾我哋! They are so CUTE!

不過, 其實今次好難傾到計, 因為小朋友們實在太可愛啦! 令到我哋好難分享, 我諗下次忍心啲唔帶小朋友先得啦! 但係啲媽咪忍唔忍心呢??? =P..I think it's not easy!!

係呢個gathering裡面亦都可以同兩位壽星女慶祝生日(哥姐,鳳姐)......以我緊有嘅記憶, 真係好耐都無同佢哋一齊慶祝生日啦! 係到都再祝兩位生日快樂, 青春常註!^^