Part II

婚禮小小花絮

特別鳴謝ＡＦＣ同工幫我拍下的一些寶貴片段^^

為何偏偏揀中我??

近排收到封信,要我8月中做陪審團.
我第一個反應就係"唔係呀,講少咋?", 仲有可能唔只一日, 如果單案未完, 仲要keep住去直至完結. 我朋友同我講佢媽咪試過做,而個次單案持續咗兩年先完, 嘩! 可唔可以唔去呀? 一日ok, 但係唔知仲有幾多日要去先慘.
啲同事講笑咁話, 如果我唔係基督徒嘅嘩, 可以去買649, 一定仲喎! 咁難揪都揪到.
哈哈, 咁又未必, 原來當日有第二次揪簽, 從30人揪10個人, 如果嗰日都揪仲嘅嘩, 我諗我一定會仲649啦!哈哈!
不過, 我諗呢個都係幾好嘅經驗, 希望聽得明啲英文而唔會判錯案就得啦!哈哈!

７７７之污糟啲改為污糟朱大日子 (神嘅恩典太美麗）

好感謝神，神應允咗我哋嘅禱告亦無輕看我哋每一滴眼淚，整個wedding ceremony and banquet好感受到神嘅愛，神掌管着每一件事每一個片段，好ＳＭＯＯＴＨ，雖然我嗰日喊到豬頭咁，個粧又溶哂，唔似一個靚新娘，但係神嘅供應多過我所想所求，讓我逐一感恩：
１）媽咪準時攞到ＰＡＳＳＰＯＲＴ及參加到我嘅婚禮，見到佢好開心好ＥＮＪＯＹ，開心到唔捨得走。
２）舅父，公公，ＧＡＬＥＸ表哥及ＨＥＮＲＹ表弟參加到我嘅婚禮，ＥＳＰ．ＧＡＬＥＸ俾我一個ＢＩＧ ＳURPRISE 突然能夠參加到我婚禮，多謝你哋嘅愛呀！！I ＬＯＶＥ ＹＡ！！
３）無論ＣＥＲＥＭＯＮＹ ﹠ ＢＡＮＱUET，每一個賓客離開嘅時候，都係帶住好燦爛嘅笑容好開心咁離開會場．ＰＲＡＩＳＥ ＴＨＥ ＬＯＲＤ！！
４）神預備咗一班好愛我哋嘅弟兄姊妹幫我哋手，佢哋每一個盡心盡力幫我哋，甚至有啲弟兄姊妹無ＡＳＳＩＧＮ到佢哋幫手，佢哋都願意幫我哋, 好多謝你哋每一個. （ＹＯU ＫＮＯＷ ＷＨＯ ＹＯU ＡＲＥ！！^^ So Touching!）
５）神給我哋有好ＯＲＧＡＮＩＺＥＤ ﹠ 盡責嘅ＧＭ，多謝你哋給我哋每一個細心提點，你哋嘅時間，你哋嘅禱告，衷心多謝ＩＲＥＮＥ，ＴＥＲＥＮＣＥ，ＥＩＬＥＥＮ ﹠ ＳUNNY ，辛苦哂！
6) 藉著呢個婚禮，我感受到我家人嘅愛，我咁大個女都未試過咁ＳＴＲＯＮＧ嘅感受：
ＪＥＮＮＹ見到我化完粧之後已經喊到豬頭咁啦（佢話原來我都可以咁靚,真係唔知好嬲定好笑↑↑“；
媽咪狂鍚我狂攬住我喊住同我講咗好多次「好開心見到你搵到個好老公」（我諗我出生而來都未試過俾媽咪咁鍚法）；
係我同ＡＬＥＸ交換誓詞時，聽到媽咪同ＪＥＮＮＹ喊到好大聲；
見爸爸嗰日好開心，亦見到佢好認真咁背熟牧師俾佢嗰笥說話，亦不斷鍚我；
最難得就係連細妹都鍚我，我無記錯嘅話佢由細到大都未鍚過我架；
最開心嘅係舅父，佢見到我結婚感動到喊咗好多次，見到佢真係好鍚我，佢覺得自已好似嫁女咁，最感謝神係透過我哋嘅婚禮嘅信息，神感動佢返到香港會返返教會，讓神俾佢嘅感動唔會熄．
７）完咗婚禮之後，好多人同我講同一番說話，佢哋見到「愛」，見到神嘅愛，見到神。

其實仲有好多好多嘢要感恩，真係寫唔哂，我只知道每一次提起諗起，我嘅眼涙好自然咁流落嚟，呢啲唔係傷心嘅眼涙，而係感恩嘅眼涙．
好多謝過去為我哋呢個婚禮禱告嘅弟兄姊妹，神垂聽咗我哋嘅禱告，將榮耀頌讚歸返俾我哋嘅神．^^

神所應許係唔會變！！

「是你應許」ＭＶ

不要忘記，神係每時每刻係我哋身邊！

我好喜歡呢兩套戲「隱形鬥室」及「恐懼森林」，呢首係「人生熱線」主題曲,好有意思，如果你未睇過呢兩套戲，直得一看！！

我只知道我有一位全知全能嘅神掌管緊我嘅生命^^

今朝早, 如常趕巴士上班, 我知道我成日橫過嗰條十字馬路係交通黑點, 所以每一次過呢條馬路都特別留神, 點趕巴士都好, 都要好小心過馬路, 今次都唔例外,好守規矩地等到轉咗行人過路燈, 然後, 再望清楚周圍無車再衝燈, 安全嘞, 先過馬路, 跟住過到一半, 好自然望望後面有無巴士嚟緊, 然後繼續向前行之際, 我聽到背後耳邊傳來好大聲急速殺車聲, 當我拎轉身見到我身處嘅處境, 我就大叫起嚟, 好恐怖, 原來有架車貼住我條裙停咗係到, 拎轉身時個司機位對正我, 如果我行遲咗一步,我相信我會無咗對腳, 如果架車無殺停, 佢個車尾會撞正我, 我相信以當時佢嘅時速撞到我嘅嘩, 我會彈到好遠. 嗰一刻我剩係識得大叫, 然後呆咗, 亦唔知自己幾時行咗過馬路, 我只見到停係到等轉燈嘅車裡面嘅司機呆咗望住我,有啲用手掩住個口望住我, 當時我真係唔識反應(三魂唔見咗7魄), 個司機亦唔知去咗邊, 我坐係個巴士站度, 過咗一陣, 先開始識驚, 驚到想喊! 不斷諗返當時情況, 不斷感恩神保守, 如果唔係我唔可以係到寫返呢件事出嚟.
意外嘅嘢無人能預計到, 你小心時, 有可能其他人唔小心, 生命就係咁話唔埋, 明天嘅事甚至下一分鐘嘅事你可以掌握到幾多呢?

狂野ＦUN ＦUN ＦUN ＳＨＯＷＥＲ ＰＡＲＴＹ

大家期待已久嘅Ｊ﹠Ａ ＳＨＯＷＥＲ ＰＡＲＴＹ昨日已經上演，亦在同一日裡完滿結束，多謝各方好友嚟臨及為我哋預備呢個咁狂野嘅派對^^，如果你錯過咗，咁就唔好意思啦！ 你ＭＩＳＳ咗好多嘢啦，同埋無得現場見到污糟啲同朱先生如何玩轉ＣＯＱUITLAM ＣＥＮＴＲＥ！！不過，我好好嘅，同你分享下少少片段啦！ ＨＥＨＥ＝Ｐ

初時我都好擔心好憂慮咁等待呢個ＰＡＲＴＹ，我亦俾朱先生有個心理準備呢個派對有可能會好殘酷，因為我仇家實在太多啦，好似個個都好想係呢個派對裡面報仇咁，好恐怖。不過, 朱先生話預咗𠺢啦，豁出去啦！其實我初時擔心佢唔玩得，但係佢都咁講，豁出去就豁出去，工作要盡力, 玩要盡慶嫲。ＨＡＨＡＨＡ．．^^
所以我哋抱住呢個心態係呢個ＰＡＲＴＹ玩個痛快，如我所料，我以前所出嘅ＧＡＭＥＳ，真的再重現眼前，仲改良咗，更富娛樂性，雖然我同朱先生被玩，但係我哋真係玩得好開心，亦見到其他朋友都玩得好投入（其實呢樣係我哋最想見到𠺢，大家好開心咁玩埋一齊．．．ＹＥＡＨ^^）真係好難忘！
尤其是係ＣＯＱ．ＣＥＮＴＲＥ到著住奇裝異服搵人攞簽名（有少少尷尬又驚俾實Ｑ趕走）但係當一大班人一齊去，同埋大家好努力幫手叫人拎簽名，好齊心（如果傳褔音嘅時候係咁就更好啦！^^) ，最攪笑就係吸引咗好多人圍觀及拍照，我諗我好啲無咩人會認得我，朱先生就慘啲啦！唔駛係呢度再出沒，我同朱先生講好彩我哋就嚟搬出ＶＡＮＣＯUVER, 唔駛再係ＣＯＱ．ＣＥＮＴＲＥ出現啦！哈哈！

辛苦一班攪手: 西姐、ＪＯＹＣＥ、ＤＯＭＩＮＩＣ、ＪＥＳＳＩＥ、ＨUGＯ，多謝你哋手下留情！HAHAHA....^O^

病 ~ 永不止息

好耐無寫blog 啦! 因為成日都覺得好攰, 無心機做嘢, 好想作病但係又作唔到出嚟, 好辛苦呀! 之前以為終於作到出嚟, 睇埋中醫, 飲埋藥, 心諗應該ok啦! 點知都係一樣, 不斷眼痕流鼻水頭痛, 攪到我唔知自己感冒定花粉症, 見到自己個殘樣, 好恐怖呀! 仲有一個月就做新娘子, 但係個樣咁殘, 都唔知點算好(尢其是近期facebook人哋tag我上去啲相, 好恐怖及慘不忍睹, 不過, 好多謝你哋俾我睇到自己有幾殘).
朱先生叫我咩都唔好理, 餘下呢個月攪好個身子先, 希望真係咩都唔好理啦! 不過, 真係咩都可以唔理咩????^^"
今晚再食多一次西藥, 早啲瞓, 希望可以快啲好返哂! ^_^

一個不離不棄嘅好朋友

係上個星期五晚, 總共有16個嚟自不同教會嘅團契一齊參加AFC攪嘅雀躍體驗Jubilization, 我哋個團契都有join.
我唔知其他團友們有咩得着, 但藉着當晚嘅8分半鐘嘅安靜禱告, 我係神面前放底咗好多嘢, 原來我好多不安好多憂慮係心裡面, 我好需要呢啲安靜時間, 好耐無咁安靜過啦, 雖然只有短短8分半鐘, 但係我可以好坦誠同神傾計, 好多謝神無離開過我, 只係我不斷ignore佢, 遠離佢.
神呀! 我係到啦! 我唔再做一個只係識得有事就祈禱,無事就唔理你嘅人, 我想好似亞伯拉干咁同你嘅關係係無所不談嘅朋友, 大家無嘢隱瞞. ^^